- 2018-01-03 09:23:10
- ព័ត៌មាន
ភូមិដំណាក់ដំរី នៅក្បែរជើងភ្នំគីរីរម្យទេសភាពស្អាតខ្លាំងរកលេខដាក់គ្មាន
- 2018-01-03 09:23:10
- ចំនួនមតិ 0 | ចំនួនចែករំលែក 0
ភូមិដំណាក់ដំរី នៅក្បែរជើងភ្នំគីរីរម្យទេសភាពស្អាតខ្លាំងរកលេខដាក់គ្មាន
ចន្លោះមិនឃើញ
នៅក្បែរជើងភ្នំគិរីរម្យ ភូមិដំណាក់ដំរី គឺជារមណីយដ្ឋានធម្មជាតិបែបកែច្នៃថ្មីមួយទៀត ក្នុងខេត្តកំពង់ស្ពឺ។
ប្រសិនបើប្រិយមិត្តបានទៅដល់ទីនោះ ប្រាកដជាលង់នឹងសម្រស់ធម្មជាតិ ដ៏ស្រស់បំព្រងលាតសន្ធឹងលើផ្ទៃដីរាប់រយហិចតា។ បើតាមអ្នកគ្រប់គ្រងរីសតនេះ បានប្រាប់ Sabay ថា ភ្ញៀវទេសចរណ៍ដែលទៅលេងកម្សាន្តនឹងទទួលបានការកម្សាន្តជាច្រើន ក្រៅពីផ្ដិតយកទេសភាពដ៏ប្រណិតដូចជា៖ ការជិះសេះលម្ហែអារម្មណ៍ ស្ទូចត្រី បោះតង់ បាល់ទាត់ បាល់ទះ។ ជាពិសេសថែមទាំងមានអាងហែលទឹក ភោជនីយដ្ឋាន មានម្ហូបគ្រប់ប្រភេទក្នុងតម្លៃដ៏សមរម្យទៀតផង។
ចំពោះកន្លែងស្នាក់នៅវិញកាន់តែពិសេសថែមទៀត នៅភូមិដំណាក់ដំរីភ្ញៀវទេសចរណ៍អាចស្នាក់ជាតង់ វិឡា ផ្ទះរចនាបថម៉ូតខ្មែរ។ល។
យ៉ាងណាក្ដី អ្នកគ្រប់គ្រងរីសតខាងលើនេះ ប្រាប់ថា នៅមិនទាន់បើកដំណើរការទាំងស្រុងនៅឡើយទេ។ បច្ចុប្បន្នកំពុងរៀបចំដំណើរការបណ្ដើរៗហើយ ចំណែកឯតម្លៃក្នុងការស្នាក់នៅក៏មិនទាន់បញ្ចេញដែរ ដោយរង់ចាំថ្ងៃបើកដំណើរការតែម្ដង។
ភូមិដំណាក់ដំរី មានស្ថិតនៅក្នុងឃុំគិរីរម្យ ស្រុកភ្នំស្រួច ខេត្តកំពង់ស្ពឺ។ ដើម្បីទៅដល់តំបន់ទេសចរណ៍មួយនេះ ប្រិយមិត្តត្រូវធ្វើដំណើរតាមផ្លូវជាតិលេខ ៤ ដល់ផ្សារត្រែងត្រយឹងបត់ចូលប្រមាណ ៨គីឡូម៉ែត្រ ភ្ញៀវទេសចរនឹងឃើញរីសតមួយដ៏ស្រស់បំព្រង ខ្យល់អាកាសដ៏បរិសុទ្ធ៕
ចុចអាន៖
តិចច្រឡំស្រុកគេ! ឧទ្យានជាតិមួយកន្លែងនៅកម្ពុជា ទេសភាពល្អឯករកផ្ទឹមពុំបាន
មកស្គាល់សម្បត្តិធម្មជាតិដ៏មហាសាលទាំង៧នៅកម្ពុជា ត្រូវដាក់ជាតំបន់ប្រើប្រាស់ច្រើនយ៉ាង
ភ្ញាក់ផ្អើល ពេលឃើញសម្រស់ធម្មជាតិដ៏អស្ចារ្យលាក់ខ្លួននៅដែនជម្រកសត្វព្រៃកែវសីមា