- 2018-03-10 05:19:42
- ចរាចរណ៍
បកស្រាយកាន់តែច្បាស់ វត្តមានផ្លូវរថភ្លើងកណ្ដាលក្រុង នឹងគ្មានការកកស្ទះបន្តិចឡើយ
- 2018-03-10 05:19:42
- ចំនួនមតិ 0 | ចំនួនចែករំលែក 0
បកស្រាយកាន់តែច្បាស់ វត្តមានផ្លូវរថភ្លើងកណ្ដាលក្រុង នឹងគ្មានការកកស្ទះបន្តិចឡើយ
ចន្លោះមិនឃើញ
ក្រោយពីមានការរិះគន់ថា ការសាងសង់ផ្លូវរថភ្លើងកណ្ដាលក្រុង ចូលទៅព្រលានយន្តហោះអន្តរជាតិភ្នំពេញ នឹងមានការកកស្ទះចរាចរណ៍ និងបង្កក្ដីបារម្ភដល់អ្នកធ្វើដំណើរឆ្លងកាត់តំបន់នោះ ឯកឧត្តម ស៊ុន ចាន់ថុល រដ្ឋមន្ត្រីនៃក្រសួងសាធារណការ និងដឹកជញ្ជូន បានគូសបញ្ជាក់ថា ផ្លូវរថភ្លើងនេះមិនត្រឹមតែធានាមិនឲ្យមានការកកស្ទះតាមដងផ្លូវនោះទេ ថែមទាំងមានសុវត្ថិភាពបំផុតសម្រាប់អ្នកដំណើរទៀតផង។
ឯកឧត្តម ស៊ុន ចាន់ថុល បានមានប្រសាសន៍ ផ្លូវរថភ្លើងនេះ បានពង្រីកទទឹងរហូតដល់ ១៤ម៉ែត្រ ចាក់បេតុងពីលើផ្លូវដែក ដែលដែកនេះធានាជាប់តាន់ដល់ទៅ ២០ឆ្នាំឯណោះ។ ឯកឧត្តមបន្តថា រថភ្លើងនេះអាចផ្ទុកមនុស្សប្រមាណ ១០០នាក់ ដោយដំណើរការក្នុងល្បឿនដូចការធ្វើចរាចរតាមផ្លូវថ្នល់។ រថភ្លើងនេះ មានប្រវែងផ្លូវសរុប ១៦០០ ម៉ែត្រ រាប់ពីចំណុច វត្តតាំងកសាង ទៅព្រលានយន្តហោះអន្តរជាតិភ្នំពេញ
បន្ថែមពីនេះទៀត ចន្លោះកង់រថភ្លើងនៅកណ្ដាលផ្លូវនោះគឺគ្មានបង្កគ្រោះថ្នាក់ ឬអាចឲ្យកង់ម៉ូតូជិះចូលបានឡើយ ព្រោះចន្លោះរន្ធតូចជាង។ នៅពេលរថភ្លើងឆ្លងកាត់ផ្លូវធ្វើដំណើរវិញ ប្រជាពលរដ្ឋរង់ចាំ ស្តុបប្រហែលតែ ២២វិនាទីតែប៉ុណ្ណោះ អាចទៅបានហើយ។ រីឯពេលយប់វិញ ផ្លូវរថភ្លើងបេតុងក្រសួងបានលាបពណ៌ខៀវ និងផ្លូវដែកលាបពណ៌លឿង ដើម្បីឲ្យពលរដ្ឋសម្គាល់ និងប្រុងប្រយ័ត្នពេលធ្វើដំណើរ។ ឯកឧត្តម ស៊ុន ចាន់ថុល បញ្ជាក់។
គួរជម្រាបថា ក្រសួងក៏បានរៀបចំ កន្លែងចំណតសម្រាប់ភ្ញៀវរង់ចាំជិះភ្លើងដែលបំពាក់ម៉ាស៊ីនត្រជាក់ និងដាក់ដំណើរការរថភ្លើង នៅមុនចូលឆ្នាំខ្មែរខាងមុខ សាធារណជនទាំងអស់អាចជិះរថភ្លើងនេះដោយឥតអស់ប្រាក់រហូតដល់ខែសីហា ឆ្នាំ ២០១៨។ អ្វីពិសេសទៀតនោះ ក្រសួង ក៏នឹងសិក្សាលទ្ធភាព ស្នើការសហការពីលេខាធិការដ្ឋានអាកាសចរណ៍ស៊ីវិល ដើម្បីអនុញ្ញាតឲ្យ មានការកត់ត្រាចូល (Check in) អីវ៉ានរបស់អ្នកដំណើរតាមយន្តហោះ ពីស្ថានីយ៍រថភ្លើងភ្នំពេញ ដើម្បីដឹកជញ្ជូនអីវ៉ានតាមរថភ្លើងដាក់ចូលក្នុងយន្តហោះតែម្តង៕