- 2018-05-20 03:26:32
- សុខភាព
ក្រៅពីផឹក កាហ្វេត្រូវគេយកទៅប្រើសម្រាប់រក្សាសម្រស់ និង ប្រយោជន៍មិននឹកស្មាន
- 2018-05-20 03:26:32
- ចំនួនមតិ 0 | ចំនួនចែករំលែក 0
ក្រៅពីផឹក កាហ្វេត្រូវគេយកទៅប្រើសម្រាប់រក្សាសម្រស់ និង ប្រយោជន៍មិននឹកស្មាន
ចន្លោះមិនឃើញ
ក្រៅពីញ៉ាំ កាហ្វេត្រូវគេយកទៅប្រើសម្រាប់រក្សាសម្រស់ និង ប្រយោជន៍ក្នុងជីវភាពប្រចាំថ្ងៃមិននឹកស្មាន។ ខាងក្រោមនេះគឺជាប្រយោជន៍៥យ៉ាងរបស់កាហ្វេ ក្រៅពីការញ៉ាំវា៖
១ កាហ្វេត្រូវគេយកទៅខាត់ស្បែក
គ្រាប់កាហ្វេកិនរួច នឹងជួយកម្ចាត់កោសិកាងាប់នៅលើស្បែករបស់អ្នក ប្រឆាំងនឹងភាពជ្រីវជ្រួញ ដោយសារតែសារធាតុប្រឆាំងអុកស៊ីតកម្មរបស់វា។ វិធីប្រើ គឺគ្រាន់តែលាបលើស្បែកទុកចោល២០នាទី រួចហើយលាងចេញដោយទឹកក្តៅអ៊ុនៗ។ ឧស្សាហ៍ធ្វើបែបនេះអ្នកនឹងឃើញលទ្ធផលភ្លាមៗគួរឲ្យភ្ញាក់ផ្អើល។ នេះបើតាមវេបសាយ Brightside។
២ ព្យាបាលសក់
កាហ្វេមានប្រយោជន៍ច្រើនសម្រាប់សម្ផស្ស។ វាមិនត្រឹមតែធ្វើឱ្យសក់របស់អ្នករលោងប៉ុណ្ណោះទេប៉ុន្តែសារធាតុកាហ្វេអ៊ីន ក៏ជាមធ្យោបាយដោះស្រាយបញ្ហាជ្រុះសក់ផងដែរ។ វាជួយពន្លឿនការលូតលាស់សក់ និង ធ្វើឱ្យអ្នកមានអារម្មណ៍ថាសក់ទន់ និង មានជីវជាតិ។
វិធីប្រើ៖ ចម្រោះយកទឹកកាហ្វេល្មមមួយសើមជោគសក់របស់អ្នក។ លាបថើរៗនៅលើសក់ ទុក២០នាទី រួចលាងនឹងទឹកស្អាតជាការស្រេច។ អ្នកអាចធ្វើវា១អាទិត្យម្តង។ ប្រភពខាងលើបន្ត។
៣ ធ្វើជីជីកំប៉ុស
សំណល់ពីកាហ្វអាចជួយបង្កើននិងចិញ្ចឹមសារធាតុជីក្នុងដីរបស់អ្នក។ វាអាចត្រូវបានគេប្រើដើម្បីធ្វើជីជីកំប៉ុស ប៉ុន្តែ ត្រូវប្រាកដថាបរិមាណកាហ្វេមិនលើសពី ២០% នៃដីក្នុងសួនរបស់អ្នក ហើយប្រសិទ្ធភាពសារធាតុចិញ្ចឹមដីក្នុងសួនរបស់អ្នកល្អមិននឹកស្មាន។
៤ កម្ចាត់ក្លិនមិនល្អក្នុងទូទឹកកក
ក្លិនស្អុយពីអាហារ ត្រី សាច់ បន្លែនានាក្នុងទូទឹកកក ត្រូវដោះស្រាយដោយរបៀបណា? កាហ្វេមានប្រសិទ្ធភាពប្រឆាំងនឹងក្លិនមិនល្អនៅក្នុងទូទឹកកក។ ដាក់សំណល់កាហ្វេមួយពែងក្នុងទូទឹកកក បញ្ហាក្លិននឹងត្រូវបានដោះស្រាយដោយងាយ។
៥ យកទៅប៉ូលាគ្រឿងសង្ហារិម
កាហ្វេក៏មានអត្ថប្រយោជន៍ផងដែរសម្រាប់ការធ្វើគ្រឿងសង្ហារិមឈើរបស់អ្នកភ្លឺ និង ស្អាត។ ជំនួសឱ្យការបោះចោលសំណល់កាហ្វេ ចូរទុកវាអោយត្រជាក់ហើយប្រើក្រណាត់សើមផ្តិតលើគ្រាប់កាហ្វេកិនយកទៅជូតទៅលើគ្រឿងសង្ហារិមធ្វើពីឈើ។ វាមិនត្រឹមតែធ្វើឲ្យឈើភ្លឺរលោងស្អាតទេ ប៉ុន្តែផ្ទះរបស់អ្នកនឹងមានក្លិនឈ្ងុយពីគ្រាប់កាហ្វេទៀតផង៕
