- 2018-05-22 01:17:02
- សុខភាព
ដឹងទេ! បន្លែប្រើប្រាស់ ហូបចុក រាល់ថ្ងៃ មាន៤ប្រភេទ ខុសៗគ្នា
- 2018-05-22 01:17:02
- ចំនួនមតិ 0 | ចំនួនចែករំលែក 0
ដឹងទេ! បន្លែប្រើប្រាស់ ហូបចុក រាល់ថ្ងៃ មាន៤ប្រភេទ ខុសៗគ្នា
ចន្លោះមិនឃើញ
តាមការសិក្សារបស់ អង្គការស្បៀងអាហារ និងកសិកម្មពិភពលោក ហៅកាត់ថា (FAO) បានឲ្យដឹងថា ការផ្គត់ផ្គង់បន្លែក្នុងស្រុកមាន៤៤ភាគរយ និងបន្លែនាំចូល៥៦ភាគរយ។ មានការសិក្សាស្រាវជ្រាវផ្សេងទៀតបានឲ្យដឹងថា បន្លែប្រមាណ២០០ ទៅ ៤០០តោន ត្រូវបាននាំចូលពីប្រទេសក្បែរខាង មកក្នុងរាជធានីភ្នំពេញ ក្នុងមួយថ្ងៃៗ។
ក្នុងនោះដែរ បន្លែដែលកំពុងចរាចរលក់នៅលើទីផ្សារ ប្រទេសកម្ពុជា បច្ចុប្បន្ន មាន៤ប្រភេទ ខុសៗគ្នា។
១.បន្លែធម្មជាតិ
ការដាំដុះ គឺពឹងផ្អែកលើគោលការណ៍ធម្មជាតិសុទ្ធសាធ និងគ្មានប្រើសារធាតុគីមី ឬបច្ចេកទេសណាផ្សេងឡើយ។ ដូច្នេះហើយ បន្លែធម្មជាតិ គឺមានបរិមាណតិចតួច មិនអាចផ្គត់ផ្គង់ទីផ្សារបានគ្រប់ និងចំណាយពេលដាំដុះរយៈពេលយូរ។ បន្លែធម្មជាតិមានតម្លៃថ្លៃ។
២. បន្លែសរីរាង្គ
ការដាំដុះ គឺស្របទៅតាមធម្មជាតិ ដែលគ្មានជាតិគីមីសោះ។ ការដាំដុះបន្លែប្រភេទនេះ គឺមានការប្រើប្រាស់បច្ចេកទេស ដើម្បីទទួលបានទិន្នផលល្អ ដោយមិនធ្វើឲ្យមានគ្រោះថ្នាក់ទៅដល់បរិស្ថានធម្មជាតិ ឬមនុស្សដែលរស់នៅនិងធ្វើការជាមួយវា។ បន្លែសរីរាង្គមានតម្លៃថ្លៃគួរសម។
៣. បន្លែសុវត្ថិភាព
មានលក្ខណៈខុសពីបន្លែសរីរាង្គ ដោយវាស្ថិតនៅចន្លោះបន្លែមានសារធាតុគីមី និងបន្លែសរីរាង្គដែលគ្មានជាតិគីមីសោះ។ បន្លែសុវត្ថិភាព គេប្រើជីគីមីខ្លះដែរ ដើម្បីថែរក្សាដំណាំឱ្យល្អ ប៉ុន្តែគេប្រើក្នុងកម្រិតតិចតួចបំផុត។ មុនពេល កាត់យកទៅលក់ ឬទទួលទាន គេត្រូវបញ្ឈប់ការប្រើប្រាស់ថ្នាំគីមីជាច្រើនថ្ងៃ ដោយមិនដូចបន្លែគីមី។
៤. បន្លែគីមី
ជាប្រភេទគ្រោះថ្នាក់ ដែលអ្នកជំនាញសុខភាពហាមប្រាមប្រើប្រាស់។ បន្លែគីមីមានផ្ទុកសារធាតុពុលខ្លាំងការផ្គត់ផ្គង់មានបរិមាណច្រើន ឬអាចលើសលប់ និងមានតម្លៃថោក។ ការបរិភោគបន្លែគីមីអាចមានបញ្ហាសុខភាព និងការបង្កជំងឺរយៈពេលយូរ ដូចជាជំងឺមហារីក ឬការពុលស្លាប់ភ្លាមៗតែម្ដង។
បរិមាណបន្លែផ្គត់ផ្គង់នៅប្រទេសកម្ពុជាជារៀងរាល់ឆ្នាំ មានចំនួនប្រមាណជា ០,៩ លានតោន នេះបើយោងរបាយការណ៍ អង្គការស្បៀងអាហារ និងកសិកម្មពិភពលោក។