- 2018-05-23 09:01:49
- សុខភាព
ដឹងធាតុផ្សំ ៣សំខាន់នេះ ជួយបានទាំងសុខភាព និងសាច់ដុំកង់ៗ
- 2018-05-23 09:01:49
- ចំនួនមតិ 0 | ចំនួនចែករំលែក 0
ដឹងធាតុផ្សំ ៣សំខាន់នេះ ជួយបានទាំងសុខភាព និងសាច់ដុំកង់ៗ
ចន្លោះមិនឃើញ
ក្រោមហេតុផលសុខភាព និងសម្រស់ស្អាត សន្ទុះនៃអ្នកហាត់ប្រាណតាមទីសាធារណៈ និងតាមក្លឹបកីឡានានា មានការកើនឡើង គួរឲ្យកត់សម្គាល់។
តាមអ្នកជំនាញបណ្ដុះបណ្ដាល១រូប បានឲ្យដឹងថា ការហាត់ប្រាណគឺត្រូវធ្វើឡើងតាមក្បួនខ្នាតត្រឹមត្រូវនឹងជួយឲ្យសុខភាពល្អ និងជួយព្យាបាលជំងឺមួយចំនួន ដូចជាទឹកនោមផ្អែម មានសម្រស់ស្រស់ស្អាត និងមានសាច់ដុំ ៦កង់ ដ៏ពេញនិយម ដូចតារាបង្ហាញម៉ូដ។
លោក លឹម វឌ្ឍនា គ្រូបណ្ដុះបណ្ដាល ការហាត់ប្រាណ និងព្យាបាលតាមបែបវេជ្ជសាស្ត្រមានបទពិសោធបង្រៀន បានផ្ដល់បទសម្ភាសមកកាន់ Sabay ថាប្រហែលជាថ្មីបន្តិចហើយ នៅពេលលឺពាក្យ ថាការហាត់ប្រាណ ត្រូវដឹងពីចក្រវាល ឬផែនដី។ ពាក្យនេះ ចង់សំដៅដល់ការហាត់ប្រាណដ៏ត្រឹមត្រូវ មិនមែនចេះតែហក់ លោត រត់ ឬដើរលឿនៗ ឬយឺត ខុសបច្ចេកទេសនោះទេ។
៣ហេតុផល ដែលមានលើផែនដី ដែលគ្រូបង្ហាត់កីឡា ចង់សង្កត់ធ្ងន់មាន
១. ដឹងពីទំនាញផែនដី
បើរាងកាយយើងចេះតែវិលមុខ ស្រវាំងភ្នែក ឬឈឺក្បាលជាប្រចាំ គឺមានន័យថា យើងមានបញ្ហាសុខភាព។ ប្រាកដណាស់ គឺយើងមិនអាចប្រឹងហាត់ប្រាណទាំងកម្រោលទេ ព្រោះសុខភាពយើងមិនរឹងមាំ ឬអាចហៅថាមិនអាចឈរស្របនឹងទំនាញផែនដី ផ្ទុយគ្នា ងាយប្រឈមនឹងការដួល ឬសន្លប់។
២. ដឹងពីខ្យល់ ដង្ហើម
ការហាត់ប្រាណត្រូវការដង្ហើមចេញចូល វែង ខ្លី ទៅវិញទៅមកច្រើនដងទៅតាមប្រភេទដែលយើងរើសមកហាត់។ បើអ្នកមានបញ្ហា ដង្ហើមខ្លី គឺពិបាកណាស់ មានន័យថា អ្នកមិនងាយហាត់ប្រាណស្រួលបួលដូចគេទូទៅទេ។ អ្នកគួរប្រយ័ត្ន និងរើសតែកីឡាស្រាលៗ មកហាត់ ដើម្បីកុំឲ្យមានបញ្ហាសុខភាព ឬឈានដល់គ្រោះថ្នាក់ដល់ជីវិត។
៣. ដឹងពីសាច់ដុំ និងឆ្អឹង
អ្នកហាត់ប្រាណជោគជ័យ និងមានរាងកាយមាំមួនគឺគេបានដឹង និងយល់ច្បាស់ពី ឆ្អឹង និងសាច់ដុំរបស់ខ្លួនច្បាស់ មុននឹងសម្រេចធ្វើកីឡា។ ជាការពិត បើអ្នកមានបញ្ហាឆ្អឹងខ្សោយ ឬសាច់ដុំឈឺ ហើយបង្ខំចិត្ត ទៅធ្វើកីឡាតាមគេតាមឯង នោះអ្នកនឹងមានបញ្ហាបាក់ឆ្អឹង ឬ របួសសាច់ដុំ ត្បៀតសួតជាដើម៕
សូមជម្រាបថា បច្ចេកទេសហាត់ប្រាណ ដើម្បីសុខភាពល្អ និងមានសាច់ដុំកង់ៗ រួមទាំងការហាត់ប្រាណព្យាបាលតាមបែបវេជ្ជសាស្ត្រ នឹងមានផ្សាយជូនក្នុងទំព័រហ្វេសប៊ុក Sabay News Social កម្មវិធី សុខភាព រៀងរាល់ថ្ងៃពុធ ម៉ោង៨យប់ នាពេលឆាប់ៗនេះ ដោយមានការចូលរួម បង្ហាញពីអ្នកជំនាញបណ្ដុះបណ្ដាលល្បីៗ។