- 2018-05-24 11:24:03
- សេដ្ឋកិច្ច
អគារពាណិជ្ជកម្មលំដាប់ A នៅភ្នំពេញ ប្រកាសបើកជាផ្លូវការហើយ ព្រឹកមិញនេះ
- 2018-05-24 11:24:03
- ចំនួនមតិ 0 | ចំនួនចែករំលែក 0
អគារពាណិជ្ជកម្មលំដាប់ A នៅភ្នំពេញ ប្រកាសបើកជាផ្លូវការហើយ ព្រឹកមិញនេះ
ចន្លោះមិនឃើញ
ស្ថិតលើដីទំហំ ៣៩៧០០ ម៉ែត្រការ៉េ អាគារពាណិជ្ជកម្ម EXCHANGE SQUARE បានបើកសម្ពោធជាផ្លូវការហើយកាលព្រឹកមិញនេះ ដោយមានសមាជិកជាន់ខ្ពស់ក្នុងជួររាជរដ្ឋាភិបាល សមាគមពាណិជ្ជកម្ម និង អ្នកពាក់ព័ន្ធសំខាន់ៗជាច្រើនចូលរួម។
EXCHANGE SQUARE មានទីតាំងនៅផ្លូវ ១០៦ សង្កាត់វត្តភ្នំ ខណ្ឌដូនពេញ ដែលជាតំបន់សេដ្ឋកិច្ចមួយ នៅជិតគោលដៅអាជីវកម្ម និងកម្សាន្ត។ អគារនេះបានទាក់ទាញអ្នកជួលការិយាល័យ និងហាងទំនិញលក់រាយជាង៦០ន្លែង តាំងពីបើកដំណើរការសាកល្បង កាលពីខែសីហាឆ្នាំមុន
លោក Robert Wong ប្រធានប្រតិបត្តិរក្រុមហ៊ុន Hongkong Land ថ្លែងថា៖ “អគារ EXCHANGE SQUARE រចនាឡើង ដើម្បីបំពេញតម្រូវការសម្រាប់អតិថិជនចម្រុះជាតិសាសន៍។ យើងបាន ត្រៀមខ្លួនរួចជាស្រេចដើម្បីបំពេញតម្រូវការអាជីវកម្មជំនួញ និងហាងទំនិញ ដែលកំពុងស្វែងរក ការជំរុញឲ្យមានជំហររឹងមាំនៅតំបន់អាស៊ី។ យើងជឿជាក់ថា អគារលំដាប់ថ្នាក់ពិភពលោកនេះ នឹងរួមចំណែកធ្វើឲ្យមានការផ្លាស់ប្ដូរសម្រាប់មុខមាត់នៃរាជធានីភ្នំពេញ"។
ដោយមានការទទួលស្គាល់យ៉ាងខ្ពស់លើ គុណភាពសំណង់ ការគ្រប់គ្រងអចលនទ្រព្យ និង សេវាកម្ម អតិថិជនក្នុងតំបន់ ក្រុមហ៊ុន និងស្ថាប័នអង្គការទាំងជាតិ និងអន្តរជាតិបានចាប់យកអគារស្ថិតលើផ្លូវ ១០៦ សង្កាត់វត្តភ្នំ ខណ្ឌដូនពេញនេះ ជាទីតាំងការិយាល័យ។
បន្ថែមពីនោះក៏មានផ្សារទំនើបស្ដង់ដារកម្រិត A ហាងទំនិញល្បីៗ ហាងគ្រឿងអលង្កា ហាងកាហ្វេ រោងភាពយន្ត និងភោជនីយដ្ឋាន ដែលនឹងបំពេញតម្រូវការរបស់អតិថិជនទាំងការកម្សាន្ត និងជំនួញ៕
