- 2018-05-26 04:30:00
- ព័ត៌មាន
រឿងធំ! គ្រូហុងស៊ុយល្បីឈ្មោះ ប្រតិកម្មខ្លាំងៗរឿងមានចិនសែបន្លំឈ្មោះជាសិស្ស យកទៅបោកគេ
- 2018-05-26 04:30:00
- ចំនួនមតិ 0 | ចំនួនចែករំលែក 0
រឿងធំ! គ្រូហុងស៊ុយល្បីឈ្មោះ ប្រតិកម្មខ្លាំងៗរឿងមានចិនសែបន្លំឈ្មោះជាសិស្ស យកទៅបោកគេ
ចន្លោះមិនឃើញ
ត្បិតទើបតែមករស់នៅកម្ពុជាបានជាង ១ ឆ្នាំពិតមែន តែអ្នកគ្រូហុងស៊ុយ ឡុង ណាលី ដែលតែងលេចមុខលើកញ្ចក់ទូរទស្សន៍ PNN រូបនេះ មានកេរ្តិ៍ឈ្មោះខ្លាំងឡើងៗ រហូតដល់ថ្នាក់មានចិនសែផ្សេងបន្លំឈ្មោះជាសិស្សរបស់អ្នកគ្រូយកទៅប្រើរៀបហុងស៊ុយឲ្យគេ។
តបនឹងបញ្ហានេះ អគ្គនាយិកាស្ថាប័ន ម៉ាស្ទ័រ ណាលី ហុងស៊ុយ បានចេញប្រតិកម្មហួសចិត្ត និងបកស្រាយតាមវីដេអូ Live លើហ្វេសប៊ុក បញ្ជាក់យ៉ាងច្បាស់ៗថា អ្នកគ្រូមិនទាន់បានទទួលបង្រៀនសិស្សណាម្នាក់នោះទេ ហើយអ្នកគ្រូជាមនុស្សតែម្នាក់គត់ តំណាងឲ្យស្ថាប័ន ចេញរៀបហុងស៊ុយឲ្យភ្ញៀវផ្ទាល់។
យ៉ាងណាក៏ដោយ ចិនសែខិលខូចម្នាក់នោះ មិនត្រូវបានទម្លាយឈ្មោះឲ្យដឹងឡើយ ខណៈដែលអ្នកគ្រូ ណាលី បានប្រាប់ថា សកម្មភាពបន្លំឈ្មោះជាសិស្សរបស់អ្នកគ្រូទៅរៀបហុងស៊ុយឲ្យគេ កើតឡើងប្រមាណជា ៣ ខែមកហើយ។
អ្នកគ្រូ ណាលី បន្តថា ចិនសែនោះ ទំនងជាតាមដានកម្មវិធីហុងស៊ុយវិទ្យាសាស្ត្រលើ PNN ហើយយកទៅរៀបហុងស៊ុយឆបោកគេ។ ប៉ុន្តែ អ្វីដែលអ្នកគ្រូពន្យល់ក្នុង PNN គឺមានតែ ១០% ប៉ុណ្ណោះ ដើម្បីពន្យល់ហេតុផលវិជ្ជាហុងស៊ុយដល់អ្នកជឿ និងអ្នកទស្សនា។
អ្នកគ្រូទើបមកដល់ខ្មែរជាងមួយឆ្នាំប៉ុណ្ណោះ អ៊ីចឹងមិនអាចមានសិស្សឡើយ ព្រោះវិជ្ជាហុងស៊ុយត្រូវរៀនយ៉ាងហោចណាស់ ៤ ឯណោះនេះ សម្រាប់សិស្សកំពូលឆ្លាត។ នេះបើតាមបញ្ជាក់របស់អ្នកគ្រូ ណាលី។
អ្នកគ្រូ ណាលី បញ្ចប់ការសិក្សាលើវិជ្ជាហុងស៊ុយពីចិនសែដើមជនជាតិចិននៅថៃ ហើយបច្ចុប្បន្នមានភ្ញៀវយ៉ាងច្រើនមករក ទាំងអ្នកសិល្បៈ ទាំងមន្ត្រីរាជការ ទាំងអ្នករកស៊ី ខណៈដែលភ្ញៀវត្រូវរង់ចាំ យ៉ាងហោចណាស់ ២ ខែ ទើបបានជួបមើលហុងស៊ុយ។
ចង់ដឹងលម្អិត សូមមើលវីដេអូ Live ចាប់ពីនាទី ទី២៤ ទៅ៖
