- 2018-05-26 04:17:05
- សេដ្ឋកិច្ច
ច្បាស់ការ! កម្ពុជាបើកភ្លើងខៀវ ឲ្យគម្រោងអគ្គិសនីយក្ស២ សាងសង់ជាផ្លូវការ
- 2018-05-26 04:17:05
- ចំនួនមតិ 0 | ចំនួនចែករំលែក 0
ច្បាស់ការ! កម្ពុជាបើកភ្លើងខៀវ ឲ្យគម្រោងអគ្គិសនីយក្ស២ សាងសង់ជាផ្លូវការ
ចន្លោះមិនឃើញ
គណៈរដ្ឋមន្ត្រីដឹកនាំដោយសម្ដេច ហ៊ុន សែន បានសម្រេចធ្វើការអនុម័តឲ្យសាងសង់រោងចក្រផលិតអគ្គិសនីដុតធ្យូងថ្ម នៅខេត្តព្រះសីហនុ និងគម្រោងសាងសង់រោងចក្រផលិត អគ្គិសនីដើរដោយពន្លឺព្រះអាទិត្យនៅខេត្តកំពង់ស្ពឺ ជាផ្លូវការកាលពីថ្ងៃទី ២៥ ខែឧសភា ឆ្នាំ២០១៨ នៅវិមានសន្តិភាព។
គម្រោងវិនិយោគសាងសង់រោងចក្រផលិតអគ្គិសនីដុតធ្យូងថ្មអានុភាព៧០០ ម៉េហ្គាវ៉ាត់ តាមប្រព័ន្ធ (BOO) សាងសង់ធ្វើម្ចាស់អាជីវកម្ម មានតម្លៃវិនិយោគសរុបជាង ១ ពាន់ ២លានដុល្លារអាម៉េរិក សម្រាប់រយៈពេលសម្បទានអាជីវកម្ម៣៥ឆ្នាំ។
ទី២. គម្រោងវិនិយោគសាងសង់រោងចក្រផលិតអគ្គិសនីដើរដោយពន្លឺព្រះអាទិត្យអានុភាព ៦០ម៉េហ្គាវ៉ាត់ តាមប្រព័ន្ធ (BOO) មានតម្លៃវិនិយោគសរុបជាង ៥៨លាន ដុល្លារអាម៉េរិក សម្រាប់រយៈពេលសម្បទានធ្វើអាជីវកម្ម២០ឆ្នាំ។
ការអភិវឌ្ឍថាមពលអគ្គិសនីពីគ្រប់ប្រភព គឺក្នុងគោលបំណងចូលរួមកាត់បន្ថយភាពក្រីក្រ និងបង្កើតសុខដុមនីយភាពនៃការរស់នៅរបស់ប្រជាជននៅតំបន់ជនបទ រាជរដ្ឋាភិបាលបានជំរុញការអភិវឌ្ឍអគ្គិសនីភាវូបនីយកម្មជនបទបន្តទៀត ដើម្បីធ្វើយ៉ាងណាសម្រេចឲ្យបាននូវគោលដៅជាយុទ្ធសាស្រ្តចំនួនពីរគឺ៖ ទី១-ដល់ឆ្នាំ២០២០ ភូមិទាំងអស់ទូទាំងព្រះរាជាណាចក្រកម្ពុជា នឹងមានអគ្គិសនីប្រើប្រាស់ពីប្រភពអគ្គិសនីផ្សេងៗ និងទី២-ដល់ឆ្នាំ២០៣០ យ៉ាងហោច៩០ភាគរយនៃគ្រួសារ ទាំងអស់នៅទូទាំងប្រទេស នឹងមានអគ្គិសនី ដែលមានគុណភាពដូចអគ្គិសនីពីខ្សែបណ្តាញជាតិប្រើប្រាស់។
គួរជម្រាបថា កម្ពុជា អាចធ្វើការផ្គត់ផ្គង់អគ្គិសនីឲ្យភូមិចំនួន ១១ ៥៥៨ ភូមិ ត្រូវជា ៨១.៥៨ភាគរយ នៃចំនួនភូមិសរុបរបស់ប្រទេសរួចហើយ។
