- 2018-05-26 06:29:10
- ជំនឿ
វិហារព្រះពុទ្ធដ៏ចំណាស់រចនាបថជប៉ុន កំពុងចាយរាងនៅវៀតណាម
- 2018-05-26 06:29:10
- ចំនួនមតិ 0 | ចំនួនចែករំលែក 0
វិហារព្រះពុទ្ធដ៏ចំណាស់រចនាបថជប៉ុន កំពុងចាយរាងនៅវៀតណាម
ចន្លោះមិនឃើញ
វិហារចំណាស់ដែលត្រូវបានសាងសង់ឡើងកាលពីឆ្នាំ ១៩០៥ តាមលំនាំរចនាបថជប៉ុននៅក្នុងទីក្រុងសៃហ្គន ត្រូវបានរដ្ឋាភិបាលវៀតណាមចំណាយពេលប្រមាណ១០ឆ្នាំដើម្បីជួសជុលឡើងវិញចាប់ពីឆ្នាំ ២០០៦ ដល់ ២០១៦ ដើម្បីប្រែក្លាយវត្តព្រះពុទ្ធមួយនេះទៅជារមណីយដ្ឋានទេសចរណ៍ដ៏ទាក់ទាញ។
វិហារ ខាញ់អាន (Khanh An) ល្បីល្បាញដោយសារស្ថាបត្យកម្មតាមបែបជប៉ុន។ ទីសក្ការបូជាព្រះពុទ្ធនេះរងការខូចខាតជាច្រើនលើកច្រើនសារក្នុងអំឡុងប្រទេសវៀតណាមស្ថិតក្រោមអាណានិគមបារាំងចន្លោះពីឆ្នាំ ១៨៥៨ ដល់ ឆ្នាំ ១៩៤៥។ នេះបើតាមការចុះផ្សាយរបស់សារព័ត៌មានក្នុងស្រុក Vietnam Express។
ខុសពីអារាមនានានៅក្នុងប្រទេសវៀតណាម វត្តខាញ់អាន គ្មានរូបនាគ ឬ រូបចម្លាក់ឡើយ។ ជាវិហារធ្វើពីឈើ មានឆ្នូតលឿងនិងក្រហម មានតាំងចង្កៀងគោមពណ៌សលើដំបូល។ ចំកំពូលវិហារ មានបង្គោលពណ៌មាសលើដំបូល ដែលគេអាចឃើញសំណង់ប្រភេទនេះនៅតាមវត្តអារាមជាច្រើននៅក្នុងប្រទេសជប៉ុន។
នៅតាមទីធ្លាវត្ត មានបង្គោលគោមភ្លើងធ្វើពីឈើ និង ក្រដាស ដែលឆ្លុះបញ្ចាំងពីវប្បធម៌ជប៉ុន ហើយនៅរៀងរាល់ថ្ងៃសីល ឬ ពិធីបុណ្យនានាតាមបែបសាសនាព្រះពុទ្ធ ចង្កៀងគោមទាំងនោះត្រូវគេដុតបំភ្លឺឡើង។
ចង់ដឹងថាព្រះវិហារព្រះពុទ្ធរចនាបថជប៉ុននៅកណ្ដាលក្រុងសៃហ្គននេះស្រស់ស្អាតយ៉ាងណា សូមទស្សនារូបភាពខាងក្រោម៖