- 2018-06-07 09:25:09
- សេដ្ឋកិច្ច
កំពង់ស្ពឺសម្បូររោងចក្រ ចុះប្រាក់ចំណូលពីវិស័យនេះ បានប៉ុន្មានដែរ?
- 2018-06-07 09:25:09
- ចំនួនមតិ 0 | ចំនួនចែករំលែក 0
កំពង់ស្ពឺសម្បូររោងចក្រ ចុះប្រាក់ចំណូលពីវិស័យនេះ បានប៉ុន្មានដែរ?
ចន្លោះមិនឃើញ
ដើមឡើយសម្បូរដោយដើមត្នោត និងដីស្រែបែកក្រហែង ប៉ុន្តែបច្ចុប្បន្ននេះខេត្តកំពង់ស្ពឺ បានទាក់ទាញគម្រោងវិនិយោគ តំបន់សេដ្ឋកិច្ចពិសេស រោងចក្រសហគ្រាសជាច្រើន និងផ្ដល់ការងារដល់កម្មករ-កម្មការិនីរាប់ពាន់នាក់។
លោក វ៉ី សំណាង អភិបាលខេត្តកំពង់ស្ពឺឱ្យដឹងថា គិតត្រឹមឆ្នាំ ២០១៧ ខេត្តកំពង់ស្ពឺមានរោងចក្រចំនួន ២០៥ កំពុងដំណើរការយ៉ាងល្អ ដោយក្នុងនោះប្រាក់ចំណូលជារៀងរាល់ខែចូលដល់ដៃប្រជាពលរដ្ឋមានចំនួនជិត ២០លានដុល្លារអាមេរិក។ កម្មករកម្មការិនីសរុបនៅខេត្តកំពង់ស្ពឺ មានចំនួនជិត ១០ម៉ឺននាក់។ លោកថា ជិត២០លានដុល្លារអាមេរិកនេះគិតត្រឹមប្រាក់ខែគោល ១៧០ដុល្លារប៉ុណ្ណោះ មិនដល់ប្រាក់ថែម និងលុយរង្វាន់ផ្សេងទៀតនោះទេ។ ប៉ុន្តែកម្មករភាគច្រើនបើកបានលើស ២០០ដុល្លារអាមេរិក។
ពេលបច្ចុប្បន្ននេះ ខេត្តកំពង់ស្ពឺ បាននិងកំពុងពង្រីកវិសាលភាពផ្នែកសេដ្ឋកិច្ច បានកាន់តែប្រសើរជាងមុន ខណៈសិប្បកម្មធនតូច និងមធ្យមនៅតាមមូលដ្ឋានមានរហូតដល់ប្រមាណ ៦៤០០ មូលដ្ឋាន ដែលអាចផ្ដល់ការងារដល់កម្មករកម្មការិនីបន្ថែមប្រមាណជាជាង ៥ម៉ឺននាក់។ ដូច្នេះបើគិតសរុបទាំងអស់នៅខេត្តកំពង់ស្ពឺមានកម្មករកម្មការិនីប្រមាណជា ១៥ម៉ឺននាក់។ នៅពេលឆាប់ៗខាងមុននេះរោងចក្រកាត់ដេរសំលៀកបំពាក់ និងដេរស្បែកជើង គ្រោងនឹងបើកដំណើរការនៅក្នុងស្រុកឱរ៉ាល់ ដែលនេះ គឺជាការបង្ខិតការងារដល់លំនៅឋានប្រជាពលរដ្ឋតែម្តង។ នេះបើតាមលោក វ៉ីសំណាង។ លោកថា រោងចក្រនេះនឹងផ្ដល់ការងារដល់កម្មករ-កម្មការិនីប្រមាណជា ៩ ០០០នាក់។
ក្នុងនាមលោកជាអាជ្ញាធរ និងជាអភិបាលនៅក្នុងខេត្តកំពង់ស្ពឺ លោក វ៉ី សំណាង បានបង្ហាញពីការស្វាគមន៍យ៉ាងកក់ក្ដៅ ចំពោះអ្នកវិនិយោគគ្រប់ជាតិសាសន៍ទាំងអស់ ដែលមានបំណងមកបណ្តាក់ទុន ដោយដាក់ទីតាំងនៅក្នុងខេត្តកំពង់ស្ពឺ យ៉ាងរីករាយ ជាមួយនឹងការយកចិត្តទុកដាក់ ក្នុងការចូលរួមចំណែកសម្រួល ផ្ដល់សេវាសាធារណៈងាយស្រួលផងដែរ។ លោកថា ខេត្តកំពង់ស្ពឺបច្ចុប្បន្នបានតភ្ជាប់គ្នាជាមួយរាជធានីភ្នំពេញរួចហើយ នៅតាមបណ្ដោយផ្លូវជាតិលេខ។ រាជរដ្ឋាភិបាលនឹងរៀបចំ តំបន់តាមផ្លូវជាតិលេខ៤ ពីរាជធានីភ្នំពេញ ទៅកាន់ខេត្តព្រះសីហនុ ជាតំបន់ឧស្សាហកម្មនៅឆ្នាំ២០២៥ ខាងមុខនេះ។
ខេត្តកំពង់ស្ពឺ គឺជាខេត្តមួយក្នុងចំណោមរាជធានីខេត្តទាំង ២៥ ដែលមានប្រជាពលរដ្ឋសរុបប្រមាណ ៨៥ ៤៧២នាក់៕