ជំនាន់ម្ដាយយើង ពេលពពោះមានត្រណម៨យ៉ាងនេះ ទើបសម្រាលស្រួល អាចយកកូនទាំងសម្បុក

2018-06-13 03:31:31
ជំនឿ

2018-06-13 03:31:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ដើម្បីរក្សាគភ៌ឲ្យគង់វង្សល្អ និងឆ្លងទន្លេបានរហ័ស ស្ត្រីជាម្ដាយតែងដើរគន្លង ប្រពៃណីពីបុរាណ ដោយប្រកាន់ត្រណមជាច្រើនដូចជា៖

កុំបរិភោគអាហារដែលមានជាតិហឹរ នាំឲ្យក្រហល់ក្រហាយដល់កូនក្នុងផ្ទៃ
កុំស្លៀកពាក់រឹតតឹងពេក នាំឲ្យចង្អៀតដល់កូន
កុំឈោងយករបស់ដែលនៅខ្ពស់ផុតដៃ នាំឲ្យរបូតទងសុកពីមាត់កូន
កុំបរិភោគបបរ នាំឲ្យកូនកើតមកមិនស្អាត (មិនជ្រះ)

រូបតំណាង

ក្រៅបីត្រណមដែលទាក់ទងនឹងសុខភាព ព្រមទាំងចិត្តគំនិតកូន នៅមានត្រណមច្រើនយ៉ាងទៀត ដែលទាក់ទងនឹងការកើតកូនបានរហ័ស បានស្រួលធម្មតារបស់ស្ត្រីជាម្ដាយដូចជា៖

កុំដេកថ្ងៃ កុំងូតទឹកយប់ នាំឲ្យកូនថ្លោសពិបាកកើត
កុំអង្គុយមាត់ទ្វារ ឬមាត់ជណ្ដើរ ខ្លាចកូនកើតមិនរួច
កុំទៅសួរសុខទុក្ខអ្នកដែលកើតកូនពិបាក នាំឲ្យគិតភ័យព្រួយប៉ះពាល់ដល់អារម្មណ៍
កុំដេកដំអក់ ត្រូវរហ័សរហួនក្រោកមុនប្ដី នាំឲ្យកូនកើតបានស្រួល។ល។

លើសពីនេះទៀត នៅក្នុងសង្គមខ្មែរតាំងបីបុរាណមក ចាស់ៗតែងរកថ្នាំជាជំនួយឲ្យសម្រាលកូនបានរហ័ស ទុកស្ងោផឹកនៅពេលគ្រប់ខែ។

លុះផ្ទៃកាន់តែចាស់ហើយ គេត្រូវប្រុងប្រៀបទុកជាស្រេចនូវប្រដាប់ប្រដា ចាំបាច់ពេលឆ្លងទន្លេ និងក្រោយឆ្លងទន្លេ មានអុស ឬធ្យូង ថ្នាំសង្កូវស្ងោ រណ្ដាប់សម្រាប់រៀបចំពិធីផ្សេងៗដូចជា ស្រូវ ពន្លៃ (ស្រូវ១ល្អី ដែលគេដាក់ជូនឆ្មប នៅពេលបង្កក់កូនខ្ចី) ទៀន ធូប ក្រមួនសុទ្ធជាដើម៕

អត្ថបទ៖ ថោ ច័ន្ទឬទ្ធិ

ប្រភព៖ អត្ថបទអរិយធម៌ខ្មែរ លោកស្រី ត្រឹង ងា