- 2018-06-19 07:06:08
- សុខភាព
តែ២ថ្ងៃត្រៀម! អ្នកនៅសៀមរាប កុំភ្លេចបរិច្ចាគឈាមសង្គ្រោះជីវិតមនុស្ស
- 2018-06-19 07:06:08
- ចំនួនមតិ 0 | ចំនួនចែករំលែក 0
តែ២ថ្ងៃត្រៀម! អ្នកនៅសៀមរាប កុំភ្លេចបរិច្ចាគឈាមសង្គ្រោះជីវិតមនុស្ស
ចន្លោះមិនឃើញ
នៅថ្ងៃទី ២៣- ២៤ មិថុនា ២០១៨ ខាងមុខនេះ នឹងមានព្រឹត្តិការណ៍បរិច្ចាគឈាមជាសាធារណៈដ៏ធំមួយ នៅមន្ទីរពេទ្យសៀមរាប ដែលលេចចេញពីការសហការរវាងមន្ទីរពេទ្យនេះផ្ទាល់ជាមួយ មន្ទីរពេទ្យកុមារអង្គរ និង មជ្ឈមណ្ឌលជាតិផ្ដល់ឈាមសាខាសៀមរាប ក្រោមការឧបត្ថម្ភពីសមាគមសហគ្រិនវ័យកម្ពុជាសាខាសៀមរាប។
លោកវេជ្ជបណ្ឌិត ប៉ែន ផលគុណ ប្រធានមន្ទីរពេទ្យខេត្តសៀមរាប បានឲ្យដឹងថា៖ "នៅកម្ពុជាយើងឈាមដែលបានមកពីការបរិច្ចាគនៅមានកម្រិតទាបនៅឡើយ គឺប្រមាណក្រោយ៦០% ប៉ុណ្ណោះ ខណៈតម្រូវការប្រើប្រាស់ឈាមបន្តឡើងជាលំដាប់ ជាក់ស្ដែងនៅមន្ទីរពេទ្យខ្ញុំផ្ទាល់យើងត្រូវការប្រើឈាមប្រមាណជាង ៣០០០ផ្លោកកាលពីឆ្នាំកន្លងទៅ។ ដូច្នេះខ្ញុំសូមអំពាវនាវឲ្យបងប្អូនខ្មែរយើងចូលរួមបរិច្ចាគឈាមឲ្យបានច្រើន ដើម្បីអាចឲ្យយើងបន្តជួយជីវិតមនុស្សបានកាន់តែច្រើនដូចគ្នា"។
"ការបរិច្ចាគឈាមដែលឆ្លងកាត់ការពិនិត្យត្រឹមត្រូវពីមន្ត្រីពេទ្យ គឺមានសុវត្ថិភាពចំពោះសុខភាព ហើយថែមជួយដល់សុខភាពទៀតផង ហើយខាងមជ្ឈមណ្ឌលជាតិផ្ដល់ឈាមនឹងរក្សាទុកឈាមក្នុងស្តុកយ៉ាងដើម្បីទុកសង្គ្រោះជីវិតមនុស្សនៅពេលចាំបាច់"។
លោកស្រី ស៊ិន កេតអរុណ ប្រធានការិយាល័យទំនាក់ទំនងសាធារណៈប្រចាំកម្ពុជា នៃមន្ទីរពេទ្យកុមារអង្គរ បានឲ្យដឹងថា៖ «ឈាមគឺជាផលិតផលមួយដែលមិនមានការទិញដូរបាន ក្រៅពីមានការបរិច្ចាគពីមហាជន។ ហើយយើងពិតជាត្រូវការឈាមចាំបាច់ ដើម្បីជួយសង្គ្រោះជីវិត ដូច្នេះសូមបងប្អូនចូលរួមព្រឹត្តិការណ៍បរិច្ចាគឈាមនេះទាំងអស់គ្នា នៅមន្ទីរពេទ្យសៀមរាប ថ្ងៃទី២៣-២៤ មិថុនានេះ»។
តោះ! មើលវីដេអូដែលផលិតឡើងជាពិសេសដើម្បីគាំទ្រព្រឹត្តិការណ៍ផ្ដល់ឈាមនេះ៖