ប្រើយុទ្ធសាស្រ្តទីផ្សារសាហាវ មិនបាច់ផ្សាយពាណិជ្ជកម្ម អាចចំណេញដល់ទៅ ១ ០០០%

2018-06-23 07:24:21
សេដ្ឋកិច្ច

2018-06-23 07:24:21
ចំនួនមតិ 0 | ចំនួនចែករំលែក 0

ចន្លោះមិនឃើញ

មីរ៉ៃ ណាហ្កាស៊ូ (Mirai Nagasu) បង្កើតប្រវត្តិសាស្ត្រនៅកីឡាអូឡាំពិករដូវរងារ កាលពីដើមឆ្នាំ២០១៨ នៅកូរ៉េខាងត្បូង ដោយបានឈ្នះមេដាយសំរឹទ្ធផ្នែកកីឡាជិះស្គី និងបានក្លាយទៅជាស្រ្តីអាមេរិកដំបូងគេដែលឈ្នះមេដាយលើប្រភេទកីឡានេះ៣សម័យ។

អត្តពលិក មីរ៉ៃ ណាហ្កាស៊ូ ពាក់ក្រវិលរបស់ Sonia Hou ក្នុងបទសម្ភាសន៍លើទូរទស្សន៍ abc អាមេរិក

ណាហ្កាស៊ូ ជនជាតិអាមេរិកដើមកំណើតជប៉ុនមិនត្រឹមតែឈ្នះមេដាយពិភពលោកសម្រាប់ខ្លួនឯងប៉ុណ្ណោះទេ ប៉ុន្តែនាងថែមទាំងបាននាំយកភាពល្បីល្បាញដល់អ្នកឌីហ្សាញក្រវិលឲ្យនាងពាក់ទៀតផង។ អត្តពលិករូបនោះបានពាក់ក្រវិលរាងត្រីកោណ ដែលច្នៃម៉ូដដោយ Sonia Hou អ្នករចនាម៉ូដជនជាតិអាមេរិកដើមកំណើតចិន។

Sonia Hou អ្នករចនាម៉ូដគ្រឿងអលង្ការជនជាតិអាមេរិកដើមកំណើតចិន

ម៉ូដគ្រឿងអលង្ការដែលណាហ្កាស៊ូពាក់អំឡុងពេលប្រកួតកីឡាអូឡាំពិក លក់ដាច់អស់ត្រឹម៥ម៉ោងប៉ុណ្ណោះ ធ្វើឲ្យអាជីវកម្មរបស់ Sonia Hou កើនឡើង១ ០០០% នាសប្តាហ៍នោះ។ អ្វីដែលគួរឱ្យភ្ញាក់ផ្អើលនោះគឺ Hou មិនបានចាយលុយសូម្បី១សេន ដើម្បីផ្សាយពាណិជ្ជកម្មឡើយ។

អត្តពលិក Karen Chen ពាក់ក្រវិលរបស់ Sonia Hou ប្រកួតជិះស្គីទឹកកកក្នុងព្រឹត្តិការណ៍កីឡាអូឡាំពិកពិភពលោក

តើនាងធ្វើវាដោយរបៀបណា?

១ខែមុនពេលដែលការប្រកួតកីឡាពិភពលោកនោះមកដល់ Hou បានទៅជួបអត្តពលិកនារី៣នាក់ រួមមាន៖ មីរ៉ៃ ណាហ្កាស៊ូ Karen Chen (អាមេរិកដើមកំណើតតៃវ៉ាន់) និង ប្រេដឌី ថេនណ័ល ដើម្បីអង្វរឲ្យពួកគេទាំង៣ព្រមពាក់គ្រឿងអលង្ការរបស់នាងទៅចូលរួមកីឡាអូឡាំពិក។ ពួកគេទាំង៣បានយល់ព្រម។

អត្តពលិក Karen Chen ពាក់ក្រវិលរបស់ Sonia Hou ក្នុងបទសម្ភាសន៍លើទូរទស្សន៍ CNBC

យុទ្ធសាស្ត្រទីផ្សាររបស់សហគ្រិនអាមេរិកដើមកំណើតចិននេះគឺផ្តោតទៅលើ អត្តពលិកដ៏ស្រស់ស្អាតទាំង៣ ដែលម្នាក់ៗ មានអ្នក followers នៅលើ Instagram ដល់ទៅ ៥០ ០០០។ Sonia Hou បានថ្លែងអំណរគុណទៅដល់បណ្តាញសង្គមដែលធ្វើឲ្យអាជីវកម្មរបស់នាងជោគជ័យខ្លាំង។ នាងនិយាយថា "បណ្តាញសង្គមពិតជាមានឥទ្ធិពល ហើយ ខ្ញុំពិតជាមិនអាចឈានមកដល់ដំណាក់កាលនេះទេ ប្រសិនបើគ្មានវា"៕

ប្រភព៖ nextshark ប្រែសម្រួល៖ សុខ លាងហ៊ត