- 2018-06-26 07:03:44
- ព័ត៌មាន
ទីបំផុត! សិង្ហបុរី បង្ហាញចំនួនលុយពិតប្រាកដ ចាយលើជំនួបកំពូលអាមេរិក-កូរ៉េខាងជើង
- 2018-06-26 07:03:44
- ចំនួនមតិ 0 | ចំនួនចែករំលែក 0
ទីបំផុត! សិង្ហបុរី បង្ហាញចំនួនលុយពិតប្រាកដ ចាយលើជំនួបកំពូលអាមេរិក-កូរ៉េខាងជើង
ចន្លោះមិនឃើញ
ប្រទេសសិង្ហបុរីបានឲ្យដឹងកាលពីថ្ងៃអាទិត្យសប្ដាហ៍មុនថា ខ្លួនបានចំណាយប្រាក់ចំនួន ១៦,៣លានដុល្លារសិង្ហបុរី ឬ ១២លានដុល្លារអាមេរិក ចំពោះការធ្វើជាម្ចាស់ផ្ទះនៃកិច្ចប្រជុំកំពូលប្រវត្តិសាស្ត្រ រវាងសហរដ្ឋអាមេរិក និងកូរ៉េខាងជើង ហើយបានបន្ថែមឲ្យដឹងថា វាតិចជាងការរំពឹងទុក បន្ទាប់ពីមានការត្អូញត្អែរអំពីការចំណាយខ្ពស់។
ចុចអាន៖ ចេញហើយ! លទ្ធផលនៃកិច្ចប្រជុំកំពូល អាមេរិក-កូរ៉េខាងជើង គឺ៤ចំណុចធំៗនេះ!
គួររំលឹកឲ្យដឹងថា ប្រធានាធិបតីអាមេរិក ដូណាល់ ត្រាំ និង មេដឹកនាំកូរ៉េខាងជើង គីម ជុងអ៊ុន បានជួបគ្នានៅប្រទេសសិង្ហបុរី កាលពីថ្ងៃទី១២ ខែមិថុនា ឆ្នាំ២០១៨ កន្លងទៅនេះ ដើម្បីពិភាក្សាគ្នាអំពីការបញ្ចប់ភាពតានតឹងផ្នែកនុយក្លេអ៊ែរ។
សិង្ហបុរី ដែលជាមជ្ឈមណ្ឌលហិរញ្ញវត្ថុដ៏សម្បូរបែបមួយ ត្រូវបានគេមើលឃើញថាជាជម្រើសដ៏ល្អបំផុតមួយ សម្រាប់កិច្ចប្រជុំកំពូលនេះ ដោយសារតែទំនាក់ទំនងដ៏កក់ក្ដៅរបស់វាជាមួយសហរដ្ឋអាមេរិក និងកូរ៉េខាងជើង រួមទាំងកេរ្តិ៍ឈ្មោះសម្រាប់ច្បាប់ទម្លាប់ដ៏តឹងរ៉ឹងផងដែរ។
ផ្ទុយទៅវិញ ប្រជាជនសិង្ហបុរីមួយចំនួនបានគិតថា ការធ្វើជាម្ចាស់ផ្ទះសម្រាប់កិច្ចប្រជុំកំពូលខាងលើ គឺជារឿងមួយដ៏រំខាន ច្រើនជាងកិត្តិយស ជាពិសេសនៅពេលនាយករដ្ឋមន្ត្រីសិង្ហបុរី លោក Lee Hsien Loong បានប៉ាន់ប្រមាណថា ប្រទេសដ៏តូចមួយនេះនឹងត្រូវចំណាយប្រាក់ ២០លានដុល្លារសិង្ហបុរី ឬ ១៤លានដុល្លារអាមេរិកដើម្បីរៀបចំកិច្ចប្រជុំកំពូលនោះ។
ចុចអាន៖ មុនហោះទៅកូរ៉េខាងជើងវិញ គីម ជុងអ៊ុននិយាយអ្វីខ្លះពីសិង្ហបុរី?
ទោះបីជាយ៉ាងណា អ្នកនាំពាក្យក្រសួងការបរទេសម្នាក់ បានប្រាប់ឲ្យដឹងនៅក្នុងសេចក្ដីថ្លែងការណ៍មួយថា ការចំណាយរបស់រដ្ឋាភិបាលគឺប្រហែល ១៦,៣លានដុល្លារសិង្ហបុរីប៉ុណ្ណោះ ខណៈការចំណាយធំបំផុត គឺលើផ្នែកសន្តិសុខ៕
