- 2018-07-02 09:00:00
- ការអប់រំ
ចេះ២គន្លឹះនេះ ដឹងតែលែងគាំង សរសេរតែងសេចក្ដីខ្មែរបានពិន្ទុខ្ពស់ ពេលប្រលងបាក់ឌុប
- 2018-07-02 09:00:00
- ចំនួនមតិ 0 | ចំនួនចែករំលែក 0
ចេះ២គន្លឹះនេះ ដឹងតែលែងគាំង សរសេរតែងសេចក្ដីខ្មែរបានពិន្ទុខ្ពស់ ពេលប្រលងបាក់ឌុប
ចន្លោះមិនឃើញ
តែងសេចក្ដី ជាផ្នែកសំខាន់មួយ នៃមុខវិជ្ជាអក្សរសាស្ត្រខ្មែរ ដែលតែងតែមានក្នុងការប្រលងថ្នាក់ជាតិ ធំៗ តួយ៉ាង ដូចជាការប្រលងសញ្ញាប័ត្រមធ្យមសិក្សាទុតិយភូមិ ឬហៅថាបាក់ឌុប។
សិស្ស១ចំនួនហាក់ធ្វេសប្រហែស មិនសូវខ្វល់រឿងមុខវិជ្ជាផ្នែកអក្សរ ទើបធ្វើឲ្យពេលប្រលងនៅគាំង បៀមប៊ិច មិនដឹងចាប់ជ្រុងពីខាងណាទៅណី ឬចាយម៉ោងយូរពេក សរសេរមិនចប់ជាដើម។
មុនទទួលបានពិន្ទុល្អ ទាល់តែសិស្សពូកែសរសេរតែងសេចក្ដីល្អ ត្រូវអក្ខរាវិរុទ្ធ ណែងណង និងត្រូវក្បួន។
មិនខុសទេ ការសរសេរគឺទាមទារ ឲ្យដឹងគន្លឹះសំខាន់ៗ មិនមែនចេះតែសរសេរលំៗ ប៉ាតណាប៉ាតណី ឲ្យតែវែងអន្លាយនោះទេ។ នេះបើតាមគ្រូបង្រៀនមុខវិជ្ជាអក្សរសាស្ត្រខ្មែរ។
លោកគ្រូ តន់ វណ្ណៈ គ្រូបង្រៀនសិស្សថ្នាក់ទី ១១ និង១២ នៃវិទ្យាល័យ១០មករា ១៩៧៩ ក្នុងក្រុងសៀមរាប នៃខេត្តសៀមរាប បានប្រាប់ Sabay តាមទូរសព្ទថា ជាបទពិសោធន៍បង្រៀនជោគជ័យ ជាច្រើនឆ្នាំកន្លងទៅ ការសរសេរដែលល្អ គឺសិស្សត្រូវយល់ច្បាស់ពីប្រធានបទ ប្រភេទនៃតែងសេចក្ដី ថាតើជាសំណេរបែបពន្យល់ ឬបែបពិភាក្សា។
មួយវិញទៀត សិស្សត្រូវអានសៀវភៅឲ្យបានច្រើន ដើម្បីមានចំណេះដឹងទូទៅច្រើនផងដែរ។
ខាងក្រោមនេះ ជាទម្រង់នៃតែងសេចក្ដីខ្មែរទាំង២ប្រភេទសំខាន់ៗ ដែលលោកគ្រូ តន់ វណ្ណៈ បានចងក្រងជាឯកសារគន្លឹះ ដោយមានឯកសារយោងពីក្រសួងអប់រំ យុវជន និងកីឡា ដើម្បីជាជំនួយសិស្សងាយយល់ សរសេរបានល្អ ចំណេញពេល និងទទួលពិន្ទុខ្ពស់ ពេលប្រលងបាក់ឌុបខាងមុខ។