- 2018-07-06 05:00:00
- ព័ត៌មាន
លម្អិតពីតំលៃពេទ្យថៃ ធំៗទាំង៧ ដែលខ្មែរនិយមទៅបំផុត នៅបាងកក
- 2018-07-06 05:00:00
- ចំនួនមតិ 0 | ចំនួនចែករំលែក 0
លម្អិតពីតំលៃពេទ្យថៃ ធំៗទាំង៧ ដែលខ្មែរនិយមទៅបំផុត នៅបាងកក
ចន្លោះមិនឃើញ
បច្ចុប្បន្នទំនោរនៃការទៅពិនិត្យ និងព្យាបាលសុខភាពនៅបរទេស មានចំនួនកាន់តែច្រើន ដោយកត្តាជីវភាពប្រជាពលរដ្ឋ ការបញ្ចុះតម្លៃពិសេសពីខាងពេទ្យ និងហេតុផលផ្សេងទៀត។
ប្រទេសគោលដៅ ដែលជនជាតិខ្មែរនិយមទៅបំផុតគឺ ប្រទេសថៃ។ ក្នុងនោះមានមន្ទីរពេទ្យរដ្ឋ និងឯកជនចំនួន៧ ធំៗ នៅក្នុងទីក្រុងបាងកក។ លោក សុខ សុផារ៉ា ជនជាតិខ្មែរម្នាក់ ដែលបានរៀនសូត្រ ស្នាក់នៅ និងធ្វើការនៅទីក្រុងបាងកក ជាង១៣ឆ្នាំ។ អ្នកបកប្រែរូបនេះ អាចប្រើប្រាស់ភាសាថៃ ជាពិសេសចេះភាសាបែបបច្ចេកទេសពេទ្យស្ទាត់ជំនាញ។
ក្រៅពីនេះ លោកក៏មានសីលធម៌រស់នៅល្អ មិនចេះទារលុយបកប្រែខុសក្បួនពីភ្ញៀវ ដូច្នេះធ្វើឲ្យលោកមានកេរ្តិ៍ឈ្មោះ និងទំនាក់ទំនងល្អ ជំរុញឲ្យមានឱកាសខ្ពស់អាចចេញចូល បកប្រែតាមមន្ទីរពេទ្យធំៗបានងាយស្រួល។
នេះបើតាមការបញ្ជាក់ ពីក្រុមភ្ញៀវខ្មែរ ដែលស្គាល់លោក។
លោកបញ្ជាក់ថា បើអ្នកបកប្រែដែលធ្លាប់មានបញ្ហា ឬខាងពេទ្យគេមិនសូវទុកចិត្ត គឺគេមិនងាយឲ្យចេញចូលកន្លែងគេទេ។
លោកបានប្រាប់ Sabay តាមសារអេឡិចត្រូនិកថា តាមរយៈការងារជាអ្នកបកប្រែ និងមានបទពិសោធន៍នាំភ្ញៀវខ្មែរទៅពិនិត្យសុខភាព កន្លងមក ភាគច្រើនបំផុតទៅ ៧មន្ទីរពេទ្យនេះ។
លោកបញ្ជាក់ថា ការទៅនេះ គឺដោយសារតែ ចំណង់ចំណូលចិត្ត លទ្ធភាពភ្ញៀវខ្មែរម្នាក់ៗ តម្លៃ និងសេវាកម្មរបស់ពេទ្យ។
លោកថា នៅពេលខាងមន្ទីរពេទ្យមានកម្មវិធីបញ្ចុះតម្លៃពិសេស (១ថែម១) ក្នុង១ថ្ងៃៗ អាចមានភ្ញៀវខ្មែរ មកពិនិត្យសុខភាពរហូតដល់ជាង១០០ ទៅ២០០នាក់ក៏មាន។
អ្នកបកប្រែភាសាថៃរូបនេះ បន្តថា ពេទ្យនៅថៃ ដែលភ្ញៀវខ្មែរបានទៅ គឺមាន២ ប្រភេទ គឺពេទ្យឯកជន និងពេទ្យរដ្ឋ។ ចំណែកតម្លៃក៏ខុសគ្នាតាមនឹងដែរ គឺចាប់ពី ១០០ដុល្លារ រហូតដល់ជាង ១៥០០ដុល្លារអាមេរិក សម្រាប់ការពិនិត្យសុខភាពម្ដង។
ខាងក្រោមនេះ ជាព័ត៌មានពីតម្លៃសេវា ៧មន្ទីរពេទ្យធំៗ នៅបាងកក ដែលលោក សុខ សុផារ៉ា បានប្រាប់ Sabay ។
ផ្នែកមន្ទីរពេទ្យឯកជន
កញ្ចប់សេវាពិនិត្យសុខភាព សម្រាប់នារី មានតម្លៃពី ១៤៥០០បាត ឬស្មើនឹងជាង ៤០០ដុល្លារអាមេរិក។
ចំណែកការពិនិត្យសុខភាពបុរស មានតម្លៃ ពី៩៥០០បាត ឬស្មើនឹងជាង ៣០០ដុល្លារអាមេរិក។
កញ្ចប់សេវាពិនិត្យសុខភាព (កញ្ចប់ធំ) សម្រាប់នារី មានតម្លៃពី ១៨០០០ ទៅ១៩០០០បាត ឬស្មើនឹងជាង ៦០០ ឬ៧០០ដុល្លារអាមេរិក។
ចំណែកការពិនិត្យសុខភាពបុរស មានតម្លៃ ពី១២០០០បាត ឬស្មើនឹងជាង ៣០០ ទៅ៤០០ដុល្លារអាមេរិក។
កញ្ចប់សេវាពិនិត្យសុខភាព (កញ្ចប់ធំ) សម្រាប់នារី មានតម្លៃ ពី៣៥០០០ ទៅ៤០០០០បាត ឬស្មើនឹងជាង ១០០០ដុល្លារអាមេរិក។ ចំណែកការពិនិត្យសុខភាពបុរស មានតម្លៃ ពី១៨០០០បាត ឬស្មើនឹងជាង ៦០០ដុល្លារអាមេរិក។
កញ្ចប់សេវាពិនិត្យសុខភាព (កញ្ចប់កណ្ដាល) សម្រាប់នារី មានតម្លៃ ពី១៨០០០ ឬស្មើនឹង ជាង៦០០ដុល្លារអាមេរិក។ ចំណែកការពិនិត្យសុខភាពបុរស មានតម្លៃ ពី១៥០០០បាត ឬស្មើនឹងជាង ៥០០ដុល្លារអាមេរិក។
កញ្ចប់សេវាពិនិត្យសុខភាព (កញ្ចប់ធំ) សម្រាប់បុរស និងនារី មានតម្លៃ ពី៤០០០០ ទៅ៥០០០០បាត ឬស្មើនឹងជាង ១៥០០ដុល្លារអាមេរិក។ 5. មន្ទីរពេទ្យ Rama
កញ្ចប់សេវាពិនិត្យសុខភាពសម្រាប់នារី មានតម្លៃ ពី១៥០០០បាត ឬស្មើនឹងជាង ៥០០ដុល្លារអាមេរិក
ចំណែកការពិនិត្យសុខភាពបុរស មានតម្លៃ ពី១២០០០បាត ឬស្មើនឹងជាង ៣០០ដុល្លារអាមេរិក។
ផ្នែកមន្ទីរពេទ្យរដ្ឋ 6. មន្ទីរពេទ្យស្ដេចChulalongkorn Memorial
កញ្ចប់សេវាពិនិត្យសុខភាព (កញ្ចប់ធម្មតា អត់មានថតអេកូ) សម្រាប់បុរស និងនារី មានតម្លៃ ពី ៣៥០០បាត ឬស្មើនឹងជាង ១០០ដុល្លារអាមេរិក។
កញ្ចប់សេវាពិនិត្យសុខភាព (ផ្នែកឯកជន) សម្រាប់នារី មានតម្លៃ ពី១៤០០០បាត ឬស្មើនឹងជាង ៤០០ ទៅ៥០០ដុល្លារអាមេរិក។
កញ្ចប់សេវាពិនិត្យសុខភាព សម្រាប់បុរស មានតម្លៃ ពី១៣០០០បាត ឬស្មើនឹងជាង ៤០០ដុល្លារអាមេរិក។
កញ្ចប់សេវាពិនិត្យសុខភាពធម្មតា (ផ្នែករដ្ឋ) សម្រាប់បុរស និងនារី មានតម្លៃ ពី៥០០០ ទៅ៦០០០បាត ឬស្មើនឹងជាង ២០០ដុល្លារអាមេរិក។