- 2018-07-11 04:23:13
- ការអប់រំ
ចាំបាច់ត្រូវដឹង! ចូលប្រឡងថ្ងៃទី១ កុំឲ្យភ្លាត់ស្នៀត មកត្រៀមខ្លួន ១២ចំណុចខ្លីៗនេះ
- 2018-07-11 04:23:13
- ចំនួនមតិ 0 | ចំនួនចែករំលែក 0
ចាំបាច់ត្រូវដឹង! ចូលប្រឡងថ្ងៃទី១ កុំឲ្យភ្លាត់ស្នៀត មកត្រៀមខ្លួន ១២ចំណុចខ្លីៗនេះ
ចន្លោះមិនឃើញ
ការប្រឡងសញ្ញាបត្រមធ្យមសិក្សាទុតិយភូមិ នៅសល់ប្រមាណ ១ខែជាងទៀត នឹងចូលមកដល់ ហេតុដូចនេះ ប្អូនទី១២ ឆ្នាំ ២០១៨ ដែលជាបេក្ខជនត្រូវត្រៀមលក្ខណៈឲ្យបានរួចរាល់ជាមុន និងត្រូវដឹងប្រការចាំបាច់ត្រូវអនុវត្ត និងមិនត្រូវអនុវត្ត ដើម្បីការពារកុំឲ្យភ្លាត់ស្នៀតពេលទៅប្រឡង។
ដើម្បីរក្សាសណ្ដាប់ធ្នាប់ របៀបរៀបរយ ក្រសួងអប់រំ បានបញ្ចេញវិន័យក្នុងការប្រឡងឲ្យបានល្អដល់បេក្ខជនទាំងឡាយត្រូវគោរពបទប្បញ្ញត្តិនៃការប្រឡង ដូចមានចែងខាងក្រោម ៖
១- ត្រូវមកដល់មណ្ឌលប្រឡងឲ្យបានមុនដំណើរការនៃការប្រឡង
២- ត្រូវស្លៀកពាក់ឯកសណ្ឋានសិស្ស ដោយប្រើអាវពណ៌ស និងខោ ឬសំពត់ពណ៌ខៀវ ដាក់ក្នុងខោ ឬសំពត់ឲ្យបានត្រឹមត្រូវ
៣- ត្រូវយកមកនូវអត្តសញ្ញាណប័ណ្ណ ឬលិខិតសម្គាល់ខ្លួនមានបិទរូបថតថ្មី និងមានចុះហត្ថលេខានាយកសាលាត្រឹមត្រូវច្បាស់លាស់។ ចំពោះបេក្ខជនស្វៃរិន ត្រូវយកមកនូវសលាកបត្រឯកត្តជន ដែលមានចុះហត្ថលេខារបស់មន្ទីរអប់រំ យុវជន និងកីឡា រាជធានី ខេត្ត
៤- ត្រូវយកចូលក្នុងបន្ទប់ប្រឡងនូវសម្ភារៈប្រើប្រាស់ ដែលក្រសួងអប់រំ យុវជន និងកីឡាអនុញ្ញាតឲ្យប្រើ ៖ ប៊ិចពណ៌ខៀវ ខ្មៅដៃ បន្ទាត់ ដែកឈាន រ៉ាបព័រទ័រ
៥- ត្រូវអនុវត្តតាមការណែនាំរបស់គណៈមេប្រយោគ និងអ្នកមានសមត្ថកិច្ចថែរក្សាសណ្ដាប់ធ្នាប់ ក្នុងការដកហូតសំណៅឯកសារ សម្ភារៈផ្សេងៗ ដែលក្រសួងមិនអនុញ្ញាតឲ្យយកចូលក្នុងមណ្ឌលប្រឡង ឬបន្ទប់ប្រឡង
៦- ត្រូវគោរពតាមការណែនាំរបស់អនុរក្ស ដូចជាអង្គុយចំតាមលេខតុ ដែលអនុរក្សបានបង្ហាញ បំពេញលើក្បាលសន្លឹកកិច្ចការ ដែលអនុរក្សបានចែកឲ្យ ប្រគល់សន្លឹកកិច្ចការជូនអនុរក្សវិញ នៅពេលដល់ម៉ោង ទោះបីកិច្ចការនោះបានធ្វើ ឬពុំបានធ្វើក៏ដោយ
៧- ត្រូវរក្សាសណ្ដាប់ធ្នាប់ របៀបរៀបរយនៃការប្រឡង និងត្រូវគោរពឲ្យបានត្រឹមត្រូវនូវបទប្បញ្ញត្តិនៃការប្រឡង។
១. មិនត្រូវមកដល់មណ្ឌលប្រឡងក្រោយជួងទី២
២. មិនត្រូវស្លៀកពាក់ឯកសណ្ឋានកងប្រដាប់អាវុធចូលក្នុងមណ្ឌលប្រឡង
៣. មិនត្រូវយកសៀវភៅ និងសំណៅឯកសារគ្រប់រូបភាពចូលក្នុងមណ្ឌលប្រឡង
៤. មិនត្រូវយកចូលក្នុងមណ្ឌលប្រឡង ឬបន្ទប់ប្រឡងនូវ អាវុធ ជាតិផ្ទុះ ទូរស័ព្ទដៃ ឧបករណ៍ អេឡិចត្រូនិចគ្រប់ប្រភេទ សៀវភៅ សំណៅឯកសារ ម៉ាស៊ីនគិតលេខ នាឡិកាដៃ ដែលមានប្រដាប់គិតលេខ កាតាប កាបូបយួរដៃ ថង់ សំពៀត កញ្ចប់ផ្សេងៗ និងទឹកលុបពណ៌ស
៥. មិនត្រូវចូលក្នុងបន្ទប់ប្រឡងមុនពេលអនុរក្សហៅឈ្មោះ