- 2018-07-12 11:49:03
- ការអប់រំ
សម្រង់សំដីល្បីល្បាញចំនួន ៣ របស់បុរសនៅពីក្រោយការអភិវឌ្ឍរីកចម្រើនរបស់សិង្ហបុរី
- 2018-07-12 11:49:03
- ចំនួនមតិ 0 | ចំនួនចែករំលែក 0
សម្រង់សំដីល្បីល្បាញចំនួន ៣ របស់បុរសនៅពីក្រោយការអភិវឌ្ឍរីកចម្រើនរបស់សិង្ហបុរី
ចន្លោះមិនឃើញ
លោក Lee Kuan Yew (កើតថ្ងៃទី ១៦ កញ្ញា ១៩២៣-ស្លាប់ថ្ងៃទី ២៣ មីនា ២០១៥) ធ្លាប់ធ្វើជានាយករដ្ឋមន្ត្រីរបស់ប្រទេសសិង្ហបុរីពីឆ្នាំ ១៩៥៩ ដល់ឆ្នាំ ១៩៩០ ហើយត្រូវបានគេជឿថាបន្តមានឥទ្ធិពលក្នុងកិច្ចការនយោបាយរបស់ប្រទេសមួយនេះរហូតដល់ពេលលោកបានទទួលអនិច្ចកម្ម។ លោកត្រូវបានមជ្ឈដ្ឋានជាច្រើនកោតសរសើរពីការដឹកនាំរបស់លោក ដោយបានកែប្រែប្រទេសសិង្ហបុរីពីទឹកដីកោះតូចអតីតអាណានិគមមួយឲ្យក្លាយជា ស្ថិតក្នុងចំណោមប្រទេសដ៏រីកចម្រើនបំផុតក្នុងលោក។ ស្របតាមន័យនេះ អត្ថបទសូមលើកឡើងពីសម្រង់សំដីដ៏ល្បីល្បាញចំនួន ៣ ដែលលោកធ្លាប់បានពោល កាលពីលោកនៅមានជីវិត៖
១. “ជារឿយៗ ខ្ញុំតែងត្រូវបានចោទប្រកាន់ថា បានលូកដៃជ្រៀតជ្រែកចូលទៅក្នុងជីវិតឯកជនរបស់ប្រជាជន។ ការចោទប្រកាន់នេះគឺជាការពិត។ បើខ្ញុំមិនធ្វើអ៊ីចឹងទេ យើងក៏មិនមែនមានស្ថានភាពដូចសព្វថ្ងៃនេះនោះទេ។ ខ្ញុំហ៊ាននិយាយដោយមិនមានការស្ដាយក្រោយបន្តិចសោះឡើយថា បើសិនជាយើងមិនជ្រៀតជ្រែកទេ យើងក៏មិនអាចមានស្ថានភាពដូចសព្វថ្ងៃដែរ។ យើងនឹងមិនមានស្ថានភាពនៃការរីកចម្រើនសេដ្ឋកិច្ចឡើយ បើសិនជាគ្មានការជ្រៀតជ្រែកចូលទៅក្នុងជីវិតឯកជនមួយចំនួនរបស់ប្រជាជន ដូចជា ឈឺឆ្អាលថានរណាគឺជាអ្នកជិតខាងអ្នក, អ្នកគួររស់នៅរបៀបណា, អ្នកបន្លឺសំឡេងបានកម្រិតណា, អ្នកគួរខាកស្ដោះយ៉ាងម៉េច, ភាសាអីដែលអ្នកប្រើ។ យើងសម្រេចយកអ្វីដែលត្រឹមត្រូវ។ យើងមិនប្រកាន់ទេ ថាប្រជាជនគិតយ៉ាងម៉េចនោះ"។
២. “ភារកិច្ចរបស់អ្នកដឹកនាំគឺចាំបាច់ត្រូវផ្ដល់ ឬបង្កើតនូវក្របខ័ណ្ឌមួយដ៏ខ្លាំង សម្រាប់ពួកគេខ្លួនឯង ដើម្បីធ្វើយ៉ាងណាឲ្យពួកគេអាចរៀនសូត្រ ខិតខំធ្វើការ ធ្វើការបានសម្រេច និងផ្ដល់រង្វាន់ឲ្យសមស្របទៅនឹងអ្វីដែលគេបានធ្វើ។ ភារកិច្ចនេះគឺពិបាកណាស់ក្នុងការសម្រេច"។
៣. “ប្រជាជាតិដែលអស្ចារ្យមិនមែនវាស់តែលើទំហំទឹកដីមួយមុខនោះទេ។ ឆន្ទៈ ការរួបរួមគ្នា ការអត់ធន់ វិន័យរបស់ប្រជាជន ព្រមទាំងមេដឹកនាំប្រកបដោយគុណភាពរបស់ពួកគេទៅវិញទេ ដែលធានាថាប្រជាជាតិនោះក្លាយជាប្រជាជាតិមួយប្រកបដោយកិត្តិយសចារជាប្រវត្តិសាស្ត្រ"៕