- 2018-07-12 08:10:09
- ព័ត៌មាន
មិនឲ្យដាច់ឆ្នាំទាន់ ទាំងបុគ្គលិក និងអ្នកផ្គត់ផ្គង់ឲ្យក្រុមហ៊ុនលំដាប់អាស៊ាន១ បរិច្ចាគថវិកាជាថ្មី ដល់គន្ធបុប្ផា
- 2018-07-12 08:10:09
- ចំនួនមតិ 0 | ចំនួនចែករំលែក 0
មិនឲ្យដាច់ឆ្នាំទាន់ ទាំងបុគ្គលិក និងអ្នកផ្គត់ផ្គង់ឲ្យក្រុមហ៊ុនលំដាប់អាស៊ាន១ បរិច្ចាគថវិកាជាថ្មី ដល់គន្ធបុប្ផា
ចន្លោះមិនឃើញ
បុគ្គលិកកម្ពុជា និងអ្នកផ្គត់ផ្គង់របស់ក្រុមហ៊ុន SCG ដែលជាពហុសាជីវកម្មឈានមុខនៅក្នុងតំបន់អាស៊ាន បានបង្ហាញពីទឹកចិត្តរបស់ខ្លួនក្នុងការជួយគាំទ្រដល់ការលើកកម្ពស់សុខភាពកុមារតាមរយៈការបរិច្ចាគប្រាក់ចំនួន ១២០០០ ដុល្លារ ដល់មន្ទីរពេទ្យគន្ធបុប្ផា។ នេះជាឆ្នាំទី២ហើយ ក្រុមហ៊ុនបានធ្វើការបរិច្ចាគទឹកប្រាក់ដល់មន្ទីរពេទ្យដែលផ្ដល់សេវាមិនយកកម្រៃ និងល្បីឈ្មោះបំផុតនៅក្នុងកម្ពុជា។
លោក Somwang Manpimonchai នាយកក្រុមហ៊ុន SCG ប្រចាំប្រទេសកម្ពុជា បានលើកឡើងថា៖ “ក្រុមហ៊ុនមានទឹកចិត្តចូលរួម ជាផ្នែកមួយនៃការអភិវឌ្ឍន៍របស់កម្ពុជា ក៏ដូចជាជួយផ្ដល់នូវគុណភាពជីវិតកាន់តែប្រសើរដល់ប្រជាជន។ ដូច្នេះហើយទើបយើងមានទឹកចិត្តជួយដល់មន្ទីរពេទ្យគន្ធបុប្ផា ដើម្បីជួយលើកកម្ពស់គុណភាពជីវិតរបស់កុមារ និងក្រុមគ្រួសាររបស់គេ។ យើងសង្ឃឹមថា ការបរិច្ចាគនេះនឹងជួយរួមចំណែកដល់ការងារដ៏ធំធេងរបស់មន្ទីរពេទ្យ ដែលកំពុងតែអនុវត្តនៅក្នុងប្រទេសនេះ"។
លោកគី សន់ទី ប្រធានមន្ទីរពេទ្យកុមារគន្ធបុប្ផា បានមានប្រសាសន៍ថ្លែងអំណរគុណថា៖ "យើងបានមើលឃើញគម្រោងជាច្រើនដែលក្រុមហ៊ុន SCG កំពុងអនុវត្តនៅក្នុងប្រទេស។ ថ្ងៃនេះ គឺជាពេលវេលាមួយដែលបង្ហាញឲ្យឃើញថា ពួកគាត់បន្តបង្ហាញទឹកចិត្តរបស់ខ្លួនក្នុងការជួយកែលម្អគុណភាពជីវិតកុមាររកម្ពុជាដែលមានជំងឺ។ យើងសូមថ្លែងអំណរគុណសម្រាប់ការរួមចំណែករបស់ SCG ដល់សង្គម”។
ក្រុមហ៊ុន SCG បានធ្វើប្រតិបត្តិការនៅក្នុងប្រទេសកម្ពុជាជាង ២០ ឆ្នាំមកហើយ។ ក្រុមហ៊ុនតែងគាំទ្រពេញទំហឹង និងចង់ឃើញសហគមន៍រីកចម្រើន តាមរយៈការដាក់ចេញនូវកម្មវិធីអភិវឌ្ឍន៍សហគមន៍នានា។ ការផ្ដល់អាហារូបករណ៍ដល់សិស្ស-និស្សិតឆ្នើមដែលក្រីក្រ និងការគាំទ្រដល់ការវិស័យកីឡាក្នុងស្រុក។ នៅឆ្នាំ ២០១៧ SCG បានជួយបរិច្ចាគទឹកប្រាក់ដល់សហព័ន្ធបាល់ទាត់កម្ពុជាដើម្បីជួយអភិវឌ្ឍវិស័យកីឡាបាល់ទាត់សម្រាប់យុវជននៅក្នុងប្រទេសផងដែរ៕
