- 2018-07-21 06:57:51
- ការអប់រំ
អ្នកជំនាញបង្ហើបពីមូលហេតុដែលអ្នកកម្រសុបិនឃើញទូរសព្ទរបស់អ្នក
- 2018-07-21 06:57:51
- ចំនួនមតិ 0 | ចំនួនចែករំលែក 0
អ្នកជំនាញបង្ហើបពីមូលហេតុដែលអ្នកកម្រសុបិនឃើញទូរសព្ទរបស់អ្នក
ចន្លោះមិនឃើញ
អ្នកប្រហែលជាមិនសូវចាប់អារម្មណ៍ពីរឿងនេះទេ ប៉ុន្តែសាកគិតទៅមើល ថាតើអ្នកដែលយល់សប្ដិឃើញទូរសព្ទរបស់អ្នកឬអត់?
អ្នកប្រហែលប៉ះទូរសព្ទរៀងរាល់ព្រឹកមុនធ្វើអ្វីៗទាំងអស់។ តែនៅពេលយើងលង់លក់ទៅក្នុងពិភពសុបិន យើងដូចជាមិនដែលឃើញវាសោះ។
អ្នកលេង Twitter ម្នាក់បានសរសេរថា "ខ្ញុំកាន់តែប្រើទូរសព្ទរបស់ខ្ញុំ ខ្ញុំកាន់តែមិនដែលយល់សប្តិឃើញវា"។ គ្រាន់តែសរសេរប៉ុណ្ណេះធ្វើឲ្យមានការ Like រហូតដល់ជង ៥០K និង អ្នកចែកចាយបន្តដល់ទៅជាង ២១K។
គេហទំព័រ The CUT មានការចង់ដឹង ហើយក៏បានរកចម្លើយនេះ បន្ទាប់ពីបានជួបអ្នកនិពន្ធសៀវភៅ Why We Dream ឬ ហេតុអ្វីបានជាយើងយល់សប្ដិមានឈ្មោះថា Alice Robb។
យោងតាម Alice សុបិនអាចជំរុញឲ្យយើងភ័យខ្លាច និង កង្វល់ ហើយ ក៏អាចឲ្យយើងរៀបចំព្រឹត្តិការណ៍ជាក់លាក់ដែលអាចបង្កឱ្យមានកម្រិតនៃភាពតានតឹងខ្លះនៅក្នុងជីវិតរបស់យើង។
អ្នកជំនាញខាងលើបានពន្យល់ថា មនុស្សមិនសូវយល់សប្តិឃើញហេតុការណ៍ដែលខ្លួនស៊ាំជាមួយរាល់ថ្ងៃទេ ផ្ទុយទៅវិញ ពួកគេតែងសុបិន អំពីអ្វីដែលមានតាំងពីយូរណាស់មកហើយ។
សុបិនជាទូទៅដែលមនុស្សតែងឃើញ គឺ សុបិនឃើញមនុស្សជាទីស្រលាញ់របស់ខ្លួនដែលបានស្លាប់ទៅ។
"មនុស្សជាច្រើនមិនសូវសុបិនអំពីការអាន និង ការសរសេរ ដែលជាការវិវត្តន៍ថ្មីៗនៅក្នុងសង្គម ហើយ ភាគច្រើនយល់សប្ដិ ទាក់ទងនឹងការរស់រានមានជីវិតដូចជាការវាយប្រយុទ្ធគ្នា បើទោះជាជីវិតពិតមិនអីចឹងក៏ដោយ"។ Alice បាននិយាយ៕