ល្អម្ល៉េះ! ចង់ជិះរថភ្លើងអត់អស់លុយ ពីភ្នំពេញទៅបាត់ដំបង ប៉ោយប៉ែត ស្រួលផុតលេខ

2018-08-02 02:13:50
ចរាចរណ៍

2018-08-02 02:13:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាដំណឹងល្អសម្រាប់បងប្អូនប្រជាពលរដ្ឋចង់ធ្វើដំណើរពីភ្នំពេញ ដល់ប៉ោយប៉ែត ពីប៉ោយប៉ែតមកភ្នំពេញវិញ និងពីស្ថានីយទៅព្រលានយន្តហោះ អាចជិះដោយឥតគិតថ្លៃចាប់ពីថ្ងៃនេះ រហូតដល់ថ្ងៃទី៣១ ខែធ្នូ ឆ្នាំ២០១៨។ មានប្រិយមិត្តជាច្រើន ចង់ដឹងពីរបៀបកក់សំបុត្រតើគួរធ្វើដូចម្ដេចខ្លះ?

បើតាមលោក ប៊ុនណា តារា ជាបុគ្គលិកផ្នែកលក់របស់ក្រុមហ៊ុន Royal Railway Cambodia ប្រាប់ Sabay នៅព្រឹកនេះថា ដើម្បីអាចជិះរថភ្លើងដោយឥតគិតថ្លៃ បងប្អូនគ្រាន់តែទៅដល់ស្ថានីយឲ្យបានមុនម៉ោង៦កន្លះព្រឹកជាការស្រេចដោយមិនចាំបាច់មានសំបុត្រនោះទេ។ ម៉ោង៦កន្លះរថភ្លើងនឹងចាប់ផ្ដើមរត់តែម្ដង។ ដូចនេះហើយ គ្រាន់តែទៅចាំមុនម៉ោង បន្ទាប់មកឡើងជិះ មិនបាច់ព្រួយរឿងសំបុត្រឡើយ។ សូមបញ្ជាក់ថា ទាំងចេញពីភ្នំពេញ និងចេញពីប៉ោយប៉ែតម៉ោងចេញដំណើរដូចគ្នា។ ក្នុងនោះពីភ្នំពេញទៅប៉ោយប៉ែត រៀងរាល់ថ្ងៃសេស និងពីប៉ោយប៉ែតមកភ្នំពេញរៀងរាល់ថ្ងៃគូរ។

យ៉ាងណាក្ដីបុគ្គលិកក្រុមហ៊ុនវិនិយោគលើផ្លូវដែករូបនេះប្រាប់ថា សេវាកម្មដឹកបានតែមនុស្សប៉ុណ្ណោះ មិនទាន់មានទូបន្ថែមសម្រាប់ដាក់រថយន្ត ម៉ូតូ កង់ទៅតាមនោះទេ។ កាន់តែពិសេសបងប្អូនមិនបាច់ព្រួយបារម្ភ ខ្វះកន្លែងអង្គុយនោះទេ ក្នុងមួយទូរថភ្លើងអាចផ្ទុកមនុស្សពី ៥០ ទៅ៦០នាក់ឯណោះ។ បើមនុស្សកាន់តែច្រើន ក្រុមហ៊ុននឹងបន្ថែមទូរថភ្លើងទៀត មិនឲ្យបងប្អូនខកជើងឡើយ។

ចំពោះទីតាំងស្ថានីយរថភ្លើងនៅភ្នំពេញ គឺនៅទល់មុខអគារវឌ្ឍនៈ ដែលបងប្អូនអាចទៅរង់ចាំបាន។ ចំណែកឯស្ថានីយនៅប៉ោយប៉ែតវិញ គឺនៅច្រកព្រំដែនក្រុងប៉ោយប៉ែត។ បើស្រួលយ៉ាងនេះហើយនៅកាលទៀត នាំគ្នាទៅជិះឲ្យសប្បាយណាណីម្ដងមើល៕

ចុចអានអត្ថបទពាក់ព័ន្ធ៖