- 2018-08-10 03:33:29
- សេដ្ឋកិច្ច
ឆ្នាំនេះធនាគារខ្មែរ Wing បានពាន២ ទៀតហើយពីកម្មវិធីពានរង្វាន់និយោជកលំដាប់អាស៊ី
- 2018-08-10 03:33:29
- ចំនួនមតិ 0 | ចំនួនចែករំលែក 0
ឆ្នាំនេះធនាគារខ្មែរ Wing បានពាន២ ទៀតហើយពីកម្មវិធីពានរង្វាន់និយោជកលំដាប់អាស៊ី
ចន្លោះមិនឃើញ
ជាថ្មីម្ដងទៀត ធនាគារឯកទេស Wing បានបង្ហាញភាពឈានមុខគេផ្នែកអភិវឌ្ឍធនធានមនុស្ស បន្ទាប់ពីទទួលបានពានរង្វាន់ពីកម្មវិធី "ពានរង្វាន់និយោជកល្អបំផុតនៅអាស៊ី" លើកទី៩ ដែលរៀបចំឡើងនៅសិង្ហបុរី កាលពីថ្ងៃទី៣១ កក្កដា ២០១៨ ។
ក្នុងកម្មវិធីនេះ Wing ទទួលបានពានរង្វាន់ចំនួន២ គឺ "ពានរង្វាន់និយោជកល្អបំផុត" និង "ពានរង្វាន់វគ្គបណ្ដុះបណ្ដាលល្អបំផុត"។ ពានទាំងនេះ គឺជាការទទួលស្គាល់ Wing លើការខិតខំប្រឹងប្រែង និងការប្ដេជ្ញាចិត្តដើម្បីអភិវឌ្ឍបុគ្គលិករបស់ខ្លួន ក៏ដូចជារៀបចំគោលនយោបាយ និងយុទ្ធសាស្ត្រធនធានមនុស្ស ដែលរួមមានការបណ្ដុះបណ្ដាលសមត្ថភាព និងទេពកោសល្យជាដើម។
លើកឡើងក្នុងឱកាសទទួលពានរង្វាន់ លោក ចូចូ ម៉ាឡូឡូស អគ្គនាយកធនាគារឯកទេស Wing បានឲ្យដឹងថា ក្រុមហ៊ុនលោកបានផ្ដោតការយកចិត្តទុកដាក់លើការកែលម្អបុគ្គលិក តាមរយៈការ បណ្តុះបណ្តាលជាបន្តបន្ទាប់ ផ្តល់បទពិសោធន៍ការងារដ៏ល្អបំផុត និងតាមរយៈការអនុវត្តផែនការគ្រប់គ្រងធនធានមនុស្សប្រកបដោយគុណភាព។
ក្រៅពីផ្ដល់ជូនវគ្គបណ្ដុះបណ្ដាលល្អបំផុតដូចជា Employee Passport Program និង Manager Passport Program Wing ក៏ប្ដេជ្ញាចិត្តបង្កើតបរិយាកាសការងារដែលមានភាពសប្បាយ និងទាក់ទាញ ដែលអាចឲ្យបុគ្គលិកអាចកសាងស្មារតីជាក្រុម និងចូលរួមចំណែកជួយទៅដល់សហគមន៍ដែលពួកគេរស់នៅ។ សកម្មភាពទាំងនេះរួមមាន ការប្រកួតបាល់ទាត់បុគ្គលិក Wing ពិធីអបអរបុណ្យចូលឆ្នាំប្រពៃណីខ្មែរ និងសកម្មភាពទំនួលខុសត្រូវសង្គមនៅទីជនបទ តាមរយៈការសាងសង់ផ្ទះជូនប្រជាជនក្រីក្រ ជីកអណ្ដូងទឹកស្អាត និងបរិច្ចាគថវិកាជូនដល់មន្ទីរពេទ្យកុមារ និងជាច្រើនទៀត។
នេះជាឆ្នាំទី ៣ របស់ធនាគារឯកទេស Wing ដែលបានឈ្នះពានរង្វាន់និយោជកល្អបំផុតនៅអាស៊ី។ពានរង្វាន់និយោជកល្អបំផុតនៅអាស៊ីលើកទី៩ ត្រូវបានរៀបចំឡើងដោយវិទ្យាស្ថាន Employer Branding Institute មហាសន្និបាតពិភពលោក HRD និង Stars of the Industry Groups ដែលមានគោលបំណងផ្ដល់រង្វាន់ដល់អាជីវកម្មនៅតាមតំបន់ ជាច្រើនដែលរួមចំណែកដល់ការគ្រប់គ្រង អភិវឌ្ឍ និងច្នៃប្រឌិតទេពកោសល្យរបស់បុគ្គលិក៕