- 2018-08-20 00:30:00
- សេដ្ឋកិច្ច
យុវជនខ្មែរ១ក្រុម បង្កើតទីតាំងជួលការិយាល័យតម្លៃទាបកក់តាមអនឡាញ
- 2018-08-20 00:30:00
- ចំនួនមតិ 0 | ចំនួនចែករំលែក 0
យុវជនខ្មែរ១ក្រុម បង្កើតទីតាំងជួលការិយាល័យតម្លៃទាបកក់តាមអនឡាញ
ចន្លោះមិនឃើញ
SPAREasia ដែលជាក្រុមហ៊ុនបង្កើតឡើងដោយនិស្សិតទើបបញ្ចប់ការសិក្សា បានប្រកាសដាក់ដំណើរការគេហទំព័រថ្មីរបស់ខ្លួន ក្នុងវិស័យអាជីវកម្មឌីជីថល ក្រោមគោលបំណងបំពេញតម្រូវការងាយស្រួលសម្រាប់ជួលទីតាំងរបស់ពេលខ្លី។
លោក សឿន ថារិទ្ធិ សហស្ថាបនិក បានប្រកាសបើកដំណើរការជាផ្លូវការនូវគេហទំព័រនេះ ប្រព្រឹត្តទៅនៅកន្លែងធ្វើការរួមគ្នាឈ្មោះថា "សហការ" (Sahaka Coworking Space) បានថ្លែងថា SPARE ជាគេហទំព័រដំបូងបង្អស់នៅកម្ពុជា ដែលជម្រុញឲ្យមានការប្រើប្រាស់ទីតាំងទំនេរសម្រាប់ជួល។
សហស្ថាបនិក ពន្យល់ថា គេហទំព័រនេះ អាចឲ្យអ្នកប្រើប្រាស់ដាក់ជួល បន្ទប់ប្រជុំតាមកាហ្វេមានគ្នា ៣ទៅ១០នាក់ បន្ទប់ការិយាល័យឯកជនសម្រាប់មនុស្ស៨នាក់ឡើង ទីតាំងរៀបចំកម្មវិធីចម្រុះ និងទីកន្លែងធ្វើការរួមគ្នាលក្ខណៈអន្តរជាតិយ៉ាងងាយស្រួល និងសម្ភារៈផ្សេងសម្រាប់ការប្រជុំនានា។ រីឯតម្លៃជួល មានចាប់ពី ១០ដុល្លារឡើង ដើម្បីកាន់តែច្បាស់សូមចូលទៅកាន់ គេហទំព័រ spareasia.com។
លោក ថារិទ្ធិ បញ្ជាក់ថា រាល់ទីតាំងផ្ដល់ជូនទាំងអស់ ត្រូវបានធានាត្រឹមត្រូវ និងមានផាសុកភាព តាមរយៈការចុះពិនិត្យដោយក្រុមហ៊ុន មុននឹងធ្វើការផ្សព្វផ្សាយ។ មិនតែប៉ុណ្ណោះ លោកអ្នកអាចប្រើប្រាស់គេហទំព័រនេះ តាមទូរស័ព្ទដៃ និងទីតាំងកក់បានច្រើនប្រភេទ និងការសន្សំសំចៃខ្ពស់ ដែលបានប្រមូលផ្ដុំទីតាំងប្រមាណជាង ១០០កន្លែងនៅរាជធានីភ្នំពេញ។
បន្ថែមពីនេះ ក្រុមយុវជនស្ថាបនិកខាងលើដែលមានឈ្មោះថា សឿន ថារិទ្ធិ សេង វីរៈបុត្រ ស្រង់ ណារុនដេត និង លាងបញ្ញារិទ្ធិ បានសង្កត់ធ្ងន់ថា ការចាប់ផ្ដើមចេញនូវគំនិតនេះ ដោយសារការបណ្ដុះបណ្ដាល និងផ្ដល់គំនិតអាជីវកម្មយ៉ាងសកម្ម ពីកម្មវិធី Smart Start : Young innovator Program និងអ្នកជំនាញពីក្រុមរបស់ Impact Hub Phnom Penh៕
