- 2018-08-24 08:00:00
- ព័ត៌មាន
តឹងរឹងខ្លាំង! រាប់កិច្ចការសិស្សបាក់ឌុប រដ្ឋមន្រ្តីអប់រំចុះមើលផ្ទាល់ ឯគ្រូៗវិញ ហាមប្រើប្រាស់ ៣មុខនេះ
- 2018-08-24 08:00:00
- ចំនួនមតិ 0 | ចំនួនចែករំលែក 0
តឹងរឹងខ្លាំង! រាប់កិច្ចការសិស្សបាក់ឌុប រដ្ឋមន្រ្តីអប់រំចុះមើលផ្ទាល់ ឯគ្រូៗវិញ ហាមប្រើប្រាស់ ៣មុខនេះ
ចន្លោះមិនឃើញ
ឯកឧត្ដមហង់ ជួនណារ៉ុន រដ្ឋមន្ត្រី ក្រសួងអប់រំ យុវជន និងកីឡា បានចុះត្រួតពិនិត្យស្ថានភាព នៅតាមមណ្ឌលកំណែទាំង១០ នៅរាជធានីភ្នំពេញ។
ស្រមតាមពាក្រស្លោក អ្នកចេះ គឺជាប់ របស់ក្រសួងអប់រំ ក្នុងនោះមានក៏ការរឹតបន្តឹង និងការដកហូតទុកដោយឡែក ចំពោះសម្ភារៈ ចំនួន ៣មុខ របស់គ្រូ តាមក្រុមមុខវិជ្ជា នៃបទប្បញ្ញត្តិដែលបានកំណត់ ខណៈដំណើរការរាប់ ផ្ទៀងផ្ទាត់ ចុះអក្សរសម្ងាត់ និងកាត់ក្បាលសន្លឹកកិច្ចការបេក្ខជនបាក់ឌុប។
សម្ភារៈ៣ប្រភេទនោះ នឹងត្រូវការរក្សាទុកដោយឡែក មានដូចជា កាបូប ទូរសព្ទដៃ និងសម្ភារៈយកមកជាប់ខ្លួននានា របស់គណៈកម្មការក្រុមមុខវិជ្ជា នៅតាមមណ្ឌលកំណែទាំង១០ ដើម្បីត្រៀមរៀបចំដំណើរការកំណែ ក្រោយការប្រឡងបាក់ឌុប។
តាមទំព័រហ្វេសប៊ុកផ្លូវការ របស់ក្រសួងអប់រំ បានចុះផ្សាយទៀតថា ឯកឧត្ដមហង់ ជួនណារ៉ុន រដ្ឋមន្ត្រី ក្រសួងអប់រំ យុវជន និងកីឡា និងក្រុមការងារជំនាញ បានចុះត្រួតពិនិត្យស្ថានភាព នៅតាមមណ្ឌលកំណែទាំង១០ នៅរាជធានីភ្នំពេញ។
នៅថ្ងៃនេះ គឺដល់ពេលវេលា ដែលប្រធាន អនុប្រធានមណ្ឌលកំណែ និងសមាជិកគណៈកម្មការក្រុមមុខវិជ្ជា កំពុងមមាញឹកក្នុងការរាប់ ពិនិត្យ និងផ្ទៀងផ្ទាត់ សន្លឹកកិច្ចការបេក្ខជន។
សូមបញ្ជាក់ថា ការដកហូត មករក្សាទុកសម្ភារៈខាងលើ គឺដើម្បីឲ្យមន្ត្រីអាចបំពេញការងារតាមភារកិច្ចរៀងៗខ្លួន ប្រកបដោយស្មារតីទទួលខុសត្រូវខ្ពស់។
ក្រៅពីនេះ ក៏ដើម្បីធានាឱ្យការប្រឡងសញ្ញាប័ត្រមធ្យមសិក្សាទុតិយភូមិ សម័យប្រលង ២០ សីហា ២០១៨ ប្រព្រឹត្តទៅដោយគោរពតាមគោលការណ៍ច្បាប់ យុត្តិធម៌ តម្លាភាព និងលទ្ធផលទទួលយកបាន។
