- 2018-08-27 05:27:29
- សេដ្ឋកិច្ច
ការសិក្សាមួយថា មនុស្សវ័យកណ្តាលមានជោគជ័យខ្លាំងជាងគេក្នុងអាជីវកម្ម
- 2018-08-27 05:27:29
- ចំនួនមតិ 0 | ចំនួនចែករំលែក 0
ការសិក្សាមួយថា មនុស្សវ័យកណ្តាលមានជោគជ័យខ្លាំងជាងគេក្នុងអាជីវកម្ម
ចន្លោះមិនឃើញ
ការសិក្សាមួយលើកឡើងថាភាពជាសហគ្រិនកើតមានចំពោះមនុស្សគ្រប់វ័យ តែថាអ្នកដែលស្ថិតនៅរង្វង់អាយុ៤០អាចទទួលបានជោគជ័យក្នុងជីវិតជាសហគ្រិនជាងអាយុផ្សេងទៀត។
ការសិក្សាមួយរបស់ MIT Sloan School of Management ដែលមានការចូលរួមពីសាស្រ្តាចារ្យ និងនិស្សិតថ្នាក់បណ្ឌិតផងបានផ្តល់ជាយោបល់ថាអ្នកដែលមានអាយុរង្វង់៤០ឆ្នាំជាសហគ្រិនដែលជោគជ័យជាងគេក្នុងការធ្វើអាជីវកម្មបើធៀបទៅនឹងក្រុមអាយុផ្សេងទៀត។
ការសិក្សានេះបានប្រមូលឯកសារទាក់ទងនឹងការបង្កើតអាជីវកម្មដំបូងៗពីស្ថាប័នជាតិអាមេរិក និងនស្ថាប័នInternal Revenue Service ដើម្បីវិភាគរកទំនាក់ទំនងគ្នារវាងអាយុ និងការជោគជ័យក្នុងភាពជាសហគ្រិន។
ក្រុមអ្នកស្រាវជ្រាវបានមើលលើអាជីវកម្មបង្កើតថ្មីចំនួន២,៧លាន អាជីវកម្ម ពីឆ្នាំ២០០៧ ដល់ឆ្នាំ២០១៤ និងបានរកឃើញថាសហគ្រិនដែលជោគជ័យច្រើននៅអាយុ៤២ឆ្នាំ។ ការសិក្សាបង្ហាញទៀតថាអ្នកដែលជោគជ័យក្នុងអាជីវកម្មនៅអាយុខ្ទស់២០ឆ្នាំមានតិចជាង១ភាគរយ ហើយអ្នកដែលជោគជ័យខ្លាំងនៅអាយុ៤៥ឆ្នាំ។
ក៏មានដែរការលើកឡើងថាលោក Bill Gates និងលោក Steve Jobs បានធ្វើអាជីវកម្មនៅអាយុខ្ទង់២០ឆ្នាំ តែថាអាជីវកម្មរបស់អ្នកទាំងនោះបានលូតលាស់ដល់កំពូលនៅច្រើនឆ្នាំក្រោយមកទៀតពោលគឺ នៅពេលពួកគាត់មានអាយុខ្ទង់៤០ឆ្នាំដែរ។
លទ្ធផលសិក្សាដដែលលើកឡើងថាគំនិតអាជីវកម្មមាននៅគ្រប់វ័យទាំងអស់ គ្រាន់តែថាបទពិសោធន៍ជីវិតជួយឲ្យគំនិតអាជីវកម្មទទួលបានជោគជ័យ។ ត្រង់ចំណុចនេះ ចង់មានន័យថាអ្នកមានអាយុច្រើនមានបទពិសោធន៍ជិវិតច្រើន មានទំនាក់ទំនងច្រើន ដែលអាចជួយឲ្យអ្នកទាំងនោះជម្នះបានឧបសគ្គក្នុងអាជីវកម្មបានល្អជាងសហគ្រិននៅវ័យក្មេង៕