- 2018-09-10 09:37:13
- សេដ្ឋកិច្ច
ផ្សារទំនើបថ្មីមួយ MiDTOWN MALL សុទ្ធតែហាងធំៗ ប្រកាសថ្ងៃបើកលក់ហើយ
- 2018-09-10 09:37:13
- ចំនួនមតិ 0 | ចំនួនចែករំលែក 0
ផ្សារទំនើបថ្មីមួយ MiDTOWN MALL សុទ្ធតែហាងធំៗ ប្រកាសថ្ងៃបើកលក់ហើយ
ចន្លោះមិនឃើញ
ផ្សារទំនើប MiDTOWN MALL ស្ថិតនៅទីតាំងកែងរវាងផ្លូវ ២០០៤ និងផ្លូវ ១៣B ដែលបង្កើតឡើងដោយក្រុមហ៊ុន Kao Cheng International Enterprise Co.,Ltd. ក្នុងទំហំ ៨ ៨៨១ ម៉ែត្រការ៉េ នឹងចាប់ផ្តើមដំណើរការ នៅខែ ធ្នូ ឆ្នាំ ២០១៨ នេះហើយ។
សម្រាប់ការបើកសម្ពោធសាកល្បងនឹងធ្វើឡើងនៅថ្ងៃ ០១ ធ្នូ ២០១៨ ហើយការបើកសម្ពោធជាផ្លូវការនឹងធ្វើឡើងនៅថ្ងៃ ២៤ ធ្នូ ២០១៨ ។ ផ្សារទំនើបនេះមាន ៣ ជាន់ ដែលប្រមូលផ្តុំដោយហាងដ៏សម្បូរបែបរួមមានហាងលក់អាហារ ភេសជ្ជៈគ្រប់មុខ រោងកុន ផ្សារ និងកន្លែងកម្សាន្តសម្រាប់កុមារ និងមនុស្សជំទង់។ ផ្សារទំនើបឡាក់គី (Lucky Supermarket) និងរោងភាពយន្ត លេជេន (Legend Cinema) ក៏នឹងបើកដំណើរការនៅផ្សារទំនើប MiDTOWN MALL ក្នុងពេលឆាប់ៗនេះដែរ។
ផ្សារទំនើបនេះមានតូបសរុបចំនួន ៣២ ចាប់ពីទំហំតូចទៅមធ្យម និងធំស្តង់តូចៗចំនួន ២ និងកន្លែងដាក់ម៉ាស៊ីនដកប្រាក់ (ATM) ចំនួន ៣។ បើគិតជាភាគរយ ទីតាំងសម្រាប់ការកម្សាន្តមាន ៤៤% ភោជនីយដ្ឋានមាន ៣២% ផ្សារទំនើបមាន ២៣% និងផ្សេងទៀតសម្រាប់សេវាកម្មផ្សេងៗ។
លោកស្រី លីន យិនជុន អ្នកចាត់ការទូទៅនៃក្រុមហ៊ុន Kao Cheng International Enterprise Co., Ltd. បានថ្លែងថា លោកស្រីចង់បង្កើតម៉ាកយីហោ MiDTOWN MALL ឱ្យក្លាយជាប្រតិបត្តិករផ្សារទំនើប ដែលជ្រើសរើសដៃគូសហការ ជាជាងអ្នកជួលផ្សារ។
លោកស្រីបាននិយាយថា៖ "យើងមិនចង់បង្កើតម៉ាកយីហោ MiDTOWN MALL ក្នុងនាមជាប្រតិបត្តិករផ្សារទំនើប ដែលបង្កើតត្រឹមតែទំនាក់ទំនងរវាងអ្នកជួល និងម្ចាស់ផ្សារប៉ុណ្ណោះទ ប៉ុន្តែយើងសង្ឃឹមថានឹងបង្កើត 'គំរូជំនួញផ្សារទំនើបថ្មី' ជាមួយដៃគូទាំងអស់ដើម្បីបង្កើតតម្លៃខ្ពស់បំផុត។ យើងនឹងមិនបង្កើតការប្រកួតប្រជែងដោយមិនសមហេតុផល ហើយយើងនឹងមិនទុកអ្នកណាម្នាក់ចោលនោះទេ។ យើងនឹងប្រយុទ្ធគ្នាជាមួយគ្នា ហើយយើងនឹងរីកចម្រើន និងជោគជ័យជាមួយគ្នា"៕