ភ្ញៀវភ្លេចទូរស័ព្ទក្នុងតាក់ស៊ី ខំជិះយកទៅឲ្យវិញ តែបែរជួបរឿងហួសចិត្តបំផុត (មានវីដេអូ)

2018-09-12 07:54:07
ព័ត៌មាន

2018-09-12 07:54:07
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសជាអ្នកបើកតាក់ស៊ីម្នាក់ឈ្មោះ Chen Wenyou បានដាក់ភ្ញៀវចុះនៅខុនដូរមួយកន្លែងតាមផ្លូវ Segar នៃប្រទេសសិង្ហបុរី ក្រោយមកក៏ស្រាប់តែឃើញទូរស័ព្ទដែលភ្ញៀវភ្លេចក្នុងឡានរបស់ខ្លួន។

ភ្លាមនោះ លោកក៏បានសម្រេចចិត្តជិះត្រលប់ទៅខុនដូដើម្បីប្រគល់ទូរស័ព្ទដល់ភ្ញៀវវិញ។ ប៉ុន្តែអ្វីដែលហួសចិត្តបំផុត លោកមិនត្រឹមតែមិនបានទទួលពាក្យអរគុណមកវិញនោះទេ តែថែមទាំងត្រូវបានបុរសជាភ្ញៀវវាយដំដូចសត្វធាតុទៅវិញ។ ជាក់ស្ដែង បុរសជាភ្ញៀវបានយល់ច្រឡំថាលោក Chen លួចទូរស័ព្ទរបស់ខ្លួន ក៏ស្ទុះទៅវាយយ៉ាងឃោរឃៅបណ្ដាលឲ្យរងរបួសក្បាល និងចង្កេះខាងឆ្វេង។

យោងតាមកាសែត Lianhe Wanbao ឲ្យដឹងថា បុរសជាជនល្មើសមានឈ្មោះ Li Yaojie អាយុ ៤០ឆ្នាំ ត្រូវបានកាត់ទោសឲ្យជាប់ពន្ធធនាគារចំនួន ៤សប្ដាហ៍ និងពិន័យជាប្រាក់ ៥ ពាន់ដុល្លារទៀតផង។ លោកត្រូវបានចោទប្រកាន់ពីបទបង្ករបួសស្នាមទៅលើលោក Chen ដែលជាអ្នកបើកតាក់ស៊ី។

គួរឲ្យដឹងថា វីដេអូនៃសកម្មភាពទាំងស្រុង ត្រូវបានថតដោយអ្នកប្រើប្រាស់ Facebook ម្នាក់ដែលឃើញហេតុការណ៍ផ្ទាល់ ហើយអ្វីដែលហួសចិត្តជាងនេះទៅទៀត បុរសជាសន្ដិសុខនៅក្បែរនោះបែរជាអើពើជួយបុរសរងគ្រោះនោះទេ៕

សូមទស្សនាវីដេអូខាងក្រោម ៖

ប្រភព៖ Coconut ប្រែសម្រួល ៖ រ័ត្ន