- 2018-09-19 07:55:25
- ព័ត៌មាន
ភ្ញៀវទេសចរចិន ធ្វើឲ្យម្ចាស់ផ្ទះក្អួតឈាម ក្រោយចាកចេញទៅទាំងបែបនេះ
- 2018-09-19 07:55:25
- ចំនួនមតិ 0 | ចំនួនចែករំលែក 0
ភ្ញៀវទេសចរចិន ធ្វើឲ្យម្ចាស់ផ្ទះក្អួតឈាម ក្រោយចាកចេញទៅទាំងបែបនេះ
ចន្លោះមិនឃើញ
និស្សិតស្រីជនជាតិចិន ៣នាក់ បានធ្វើឲ្យម្ចាស់ផ្ទះ និងអ្នកនិយមប្រើប្រាស់បណ្ដាញសង្គមផ្ទុះប្រតិកម្មយ៉ាងខ្លាំង បន្ទាប់ពីពួកនាងបានចាកចេញពីផ្ទះជួលរបស់ក្រុមហ៊ុន Airbnb នៅក្នុងប្រទេសជប៉ុន ដោយបន្សល់ទុកនូវភាពរញ៉េរញ៉ៃ និងសំរាមពេញផ្ទះតែម្ដង។
បើតាមរូបថតដែលម្ចាស់ផ្ទះបានបង្ហោះចែកចាយនៅលើបណ្ដាញសង្គម បង្ហាញឲ្យឃើញ គំនរសំរាម , សម្ភារៈប្រើប្រាស់ក្នុងផ្ទះបាយប្រឡាក់ និង របស់របររាយប៉ាយពេញផ្ទះតែម្ដង បន្ទាប់ពីនិស្សិតស្រីដែលជាភ្ញៀវទេសចរទាំងនោះបានជួលស្នាក់នៅ រយៈពេល ៥ថ្ងៃ ពីថ្ងៃទី០៥ ដល់ ១០ កញ្ញា។ មិនតែប៉ុណ្ណោះ ពួកនាងថែមទាំងបានបំផ្លាញសៀវភៅរបស់ម្ចាស់ផ្ទះ ដោយគូសវាស និង គំនូររូបដុំលាមកទៀតផង។
បើតាមប្រភពព័ត៌មានបានឲ្យដឹងថា ម្ចាស់ផ្ទះបានទាមទារឲ្យពួកនាងបង់ថ្លៃសម្អាតទ្វេដង ប៉ុន្តែពួកនាងបដិសេធ។ ទោះជាយ៉ាងណា និស្សិតស្រីទាំងនោះមិនស្ដាយក្រោយចំពោះទង្វើរបស់ខ្លួនឡើយ ដោយលើកហេតុផលថា ផ្ទះដែលពួកនាងជួលមិនស្អាតឡើយ។
«យើងចំណាយលុយលើកន្លែងស្នាក់នៅ មិនមែនសម្រាប់សម្អាតវាឡើយ។ វាមិនមែនជាផ្ទះខ្ញុំឡើយ។ ខ្ញុំមិនត្រូវសម្អាតវាដើម្បីអ្នកនោះទេ»។ នេះបើតាមសម្ដីនិស្សិតស្រីម្នាក់ក្នុងចំណោមនោះ៕
ចុចអាន៖
