- 2018-09-20 02:21:49
- ព័ត៌មាន
ប្រធានាធិបតីវេណេហ្ស៊ុយអេឡា រងការរិះគន់ខ្លាំង ក្រោយចូលហូបសាច់អាំងដ៏ល្បី ស្របពេលប្រទេសជួបវិបត្តិអាហារ
- 2018-09-20 02:21:49
- ចំនួនមតិ 0 | ចំនួនចែករំលែក 0
ប្រធានាធិបតីវេណេហ្ស៊ុយអេឡា រងការរិះគន់ខ្លាំង ក្រោយចូលហូបសាច់អាំងដ៏ល្បី ស្របពេលប្រទេសជួបវិបត្តិអាហារ
ចន្លោះមិនឃើញ
ប្រធានាធិបតីវេណេហ្ស៊ុយអេឡា ត្រូវបានគេរិះគន់យ៉ាងខ្លាំងនៅលើបណ្ដាញសង្គម បន្ទាប់ពីលោកបានចូលហូបសាច់អាំងនៅភោជនីយដ្ឋានដ៏ល្បីឈ្មោះរបស់មេចុងភៅទួរគី លោក Nusret Gokce ដែលមានរហស្សនាមថា Salt Bae។
លោក Nicolas Maduro ត្រូវគេថតបានអង្គុយហូបសាច់អាំង និងជក់បារី នៅក្នុងភោជនីយដ្ឋានរបស់ Salt Bae ក្នុងទីក្រុង Istanbul ប្រទេសទួរគី ស្របពេលដែលប្រទេសរបស់លោកបច្ចុប្បន្ន កំពុងជួបវិបត្តិស្បៀងអាហារ ហើយមនុស្សរាប់លាននាក់កំពុងស្រែកឃ្លាន និង អត់អាហារ។
បើយោងតាមប្រភពព័ត៌មានបានឲ្យដឹងថា សាច់អាំងនៅក្នុងភោជនីយដ្ឋានខាងលើ មានតម្លៃចន្លោះចាប់ពី ៧០ ទៅ ២៧៥ ដុល្លារ។
ការសិក្សាមួយដែលបានចេញផ្សាយកាលពីដើមឆ្នាំនេះ រកឃើញថា ប្រជាជនវេណេហ្ស៊ុយអេឡាប្រហែល ៨៧ភាគរយ កំពុងរស់នៅក្នុងភាពក្រីក្រ ជាមួយនឹងតម្លៃម្ហូបខ្ពស់ បង្ខំឲ្យមនុស្សរាប់លាននាក់អត់អាហារ៕
សូមទស្សនាវីដេអូខាងក្រោម៖
