- 2018-09-28 01:58:22
- ការអប់រំ
មិនប្លែកមិនយកលុយ! ឈ្មោះម្ហូបប្រចាំត្រកូល ខេត្តទាំង៦នៅកម្ពុជា ពីរោះៗកប់
- 2018-09-28 01:58:22
- ចំនួនមតិ 0 | ចំនួនចែករំលែក 0
មិនប្លែកមិនយកលុយ! ឈ្មោះម្ហូបប្រចាំត្រកូល ខេត្តទាំង៦នៅកម្ពុជា ពីរោះៗកប់
ចន្លោះមិនឃើញ
គណៈកម្មការមេប្រយោគមហោស្រពដណ្ដាំស្លម្ហូបអាហារខ្មែរ នៃក្រសួងវប្បធម៌ និងវិចិត្រសិល្បៈ បានរៀបចំការប្រកួតមុខម្ហូបតាមតំបន់នៅក្នុងប្រទេសកម្ពុជា ដែលមានការចូលរួមពីបណ្ដាខេត្តនានាស្ទើរទូទាំងប្រទេស។ គណៈមេប្រយោគ បានប្រកាសពីជយលាភីមុខម្ហូប និងបង្អែម កាលពីថ្មីៗនេះ តែអ្វីគួរឲ្យកត់សម្គាល់ឈ្មោះមុខម្ហូបទាំងនោះប្លែក និងទាក់ទាញម្យ៉ាងៗម្នាក់ មានបង្កប់អត្ថន័យមិនធម្មតាឡើយ។ ចង់ដឹងថាឈ្មោះម្ហូបខេត្តដែលទទួលបានជយលាភី សូមទៅស្គាល់ទាំងអស់គ្នា៖
១. ខេត្តបន្ទាយមានជ័យ ឈ្មោះម្ហូប "ផ្អកត្រីប្រៃស្នាដៃយាយរវៃសូត្រ" ទទួលបានចំណាត់ថ្នាក់លេខ១
២. ខេត្តកំពង់ស្ពឺ ឈ្មោះម្ហូប "ប្រោះស្វាភ្នំស្រួចលួចស្នេហ៍ប្រហុក" ទទួលបានចំណាត់ថ្នាក់លេខ២
៣. ខេត្តត្បូងឃ្មុំ ឈ្មោះម្ហូប "ឆាគ្រឿងឈ្ងុយឈ្ងប់ម្លប់ពោធិជើង" ទទួលបានចំណាត់ថ្នាក់លេខ៣
ក្រៅពីមុខម្ហូបខាងលើគណៈកម្មការក៏បានប្រកាសជយលាភីលើមុខម្ហូប សម្លម្ជូរដើមចេក ដូចខាងក្រោមនេះ៖
១. ខេត្តពោធិ៍សាត់ ឈ្មោះម្ហូប "ម្ជូរដើមចេកប្រឡែងមច្ឆាតម្រាសំពៅមាស"ទួលបានចំណាត់ថ្នាក់លេខ១
២. ខេត្តស្វាយរៀង ឈ្មោះម្ហូប "ម្ជូរដើមចេកត្រីរ៉ស់ស្រណោះត្នោតទេមាត់បឹង" ទទួលបានចំណាត់ថ្នាក់លេខ២
៣. ខេត្តកោះកុង ឈ្មោះម្ហូប "ម្ជូរដើមចេកព្រែកស្វាយម្លប់ស្នេហ៍ត្រពាំងរូង" ទទួលបានចំណាត់ថ្នាក់លេខ៣
ជាពិសេសនោះបង្អែមក៏មានឈ្មោះប្លែកមិនធម្មតាដែរ៖
ចំណាត់ថ្នាក់លេខ១៖ ខេត្តតាកែវ ឈ្មោះម្ហូប "ចេកខ្ទិះម្លិះស្នេហ៍នាងខ្មៅ"
ចំណាត់ថ្នាក់លេខ២៖ រាជធានីភ្នំពេញ ឈ្មោះម្ហូប "ចេកខ្ទិះចេកនាងលាក់"
ចំណាត់ថ្នាក់លេខ៣៖ ខេត្តព្រះវិហារ ឈ្មោះម្ហូប "ចេកខ្ទិះទឹកចិត្តនាងកន្ទន់"៕
