- 2018-09-30 05:16:47
- ជំនឿ
១៦កន្លែងជុំវិញពិភពលោក នៃសំណង់អាគារដ៏អស្ចារ្យស្ថិតនៅលើច្រាំងថ្ម
- 2018-09-30 05:16:47
- ចំនួនមតិ 0 | ចំនួនចែករំលែក 0
១៦កន្លែងជុំវិញពិភពលោក នៃសំណង់អាគារដ៏អស្ចារ្យស្ថិតនៅលើច្រាំងថ្ម
ចន្លោះមិនឃើញ
សំណង់អាគារដ៏អស្ចារ្យស្ថិតនៅលើច្រាំងថ្ម ឬ ចំណោទភ្នំខាងក្រោមនេះខ្លះមានអាយុរាប់រយឆ្នាំ ខណៈដែលខ្លះទៀតមានអាយុរាប់ពាន់ឆ្នាំ។
កន្លែងខ្លះឧបសគ្គខ្លាំងរហូតដល់ទាល់តែអ្នកមានជំនាញខ្លាំងទើបអាចឡើងលើច្រាំងចោទទៅកាន់សំណង់អាគារទាំងនោះបាន។ ពេលខ្លះយើងសឹងឆ្ងល់ថាតើអ្នកសាងសង់ធ្វើវាបានដោយរបៀបណា?
ភាគច្រើននៃសំណង់បុរាណដែលសង់លើឧបសគ្គធម្មជាតិទាំងនោះជាសំណង់ស្ថិតនៅទ្វីបអឺរ៉ុប ពិសេសអេស្ប៉ាញ និង អ៊ីតាលី។
១ វិហារ សាន់មីឆ៊ែលឌីអឺហ្គោល (Saint-Michel d'Aiguilhe)
នៅភាគខាងត្បូងប្រទេសបារាំង។ អាគារនេះមានអាយុកាលជាង ១ ពាន់ឆ្នាំមកហើយ ឈរនៅលើកំពូលភ្នំភ្លើងដែលមានកម្ពស់ ៨៥ ម៉ែត្រ។ គេអាចឡើងទៅបានតាមរយៈជណ្តើរចំនួន ២៦៨ ជំហានដែលឆ្លាក់ចូលទៅក្នុងថ្ម។
២ វិហារ Katskhi Pillar ប្រទេសហ្សកហ្ស៊ី៖
ដែលឈរនៅលើកំពូលភ្នំច្រាំងចោទកម្ពស់៤០ម៉ែត្រ ប្រៀបដូចសសរស្ដម្ភក្នុងប្រទេសហ្សកហ្ស៊ី។ វិហារត្រូវបានសាងសង់អស់ជាច្រើនសតវត្សមកហើយ។
៣ វត្តម៉េទីអូរ៉ានៅប្រទេសក្រិច ៖
គឺជាទីអារាមដ៏គួរឲ្យភ្ញាក់ផ្អើលបំផុត។ វាត្រូវបានកសាងឡើងក្នុងឆ្នាំ ១៣៩២ ពោលគឺជាសំណង់ដែលបានកសាងឡើងក្នុងសតវត្សទី១៤។ គេអាចឡើងទៅដល់កំពូលបានតាមជណ្តើរ១៤០កាំ។
៤ ទីក្រុងប្រវត្តិសាស្ត្រដ៏អស្ចារ្យនៃកោះ Bonifacio នៅប្រទេសកូស៊ីកា៖
ស្ថិតនៅលើច្រាំងថ្មដ៏ចោទ។ មធ្យោបាយដ៏ល្អបំផុតដើម្បីទៅកាន់ទីនោះ ត្រូវធ្វើដំណើរតាមទូក រួចប្រើខ្សែយោងទម្លាក់យោងមនុស្សពីពីខាងក្រោមឡើងទៅលើ។
៥ វាជាប្រាសាទព្យួរនៅក្នុងខេត្តសានហ្ស៊ីប្រទេសចិន ៖
កសាងឡើងក្នុងឆ្នាំ ៤៩១ ពោលគឺមានអាយុជាង ១ ៥០០ ឆ្នាំមកហើយ។
៦ Castellfollit de la Roca នៅអេស្ប៉ាញ ៖
គឺជាភូមិធម្មជាតិដ៏ស្រស់ស្អាតមួយ ក្នុងភូមិភាគឦសានប្រទេសអេស្ប៉ាញ។
៧ ប្រាសាទ Popa Taungkalat ឋិតនៅលើកំពូលភ្នំប៉ូប៉ាប្រទេសមីយ៉ាន់ម៉ា ៖
អ្នកទស្សនាត្រូវក្លាហានឆ្លងកាត់ជណ្តើរភ្នំដ៏ចោទខ្លាំង៧៧៧កាំ និង ត្រូវជម្នះជាមួយស្វាព្រៃដើម្បីអាចឡើងទៅដល់កំពូល។
៨ អាគារសាសនានៅលើច្រកថ្មដ៏តូច នៅប្រទេសអេស្ប៉ាញ ៖
អាគារនេះសាងសង់ក្នុងសតវត្សទី១០។ ដើម្បីទៅកាន់ទីនោះបាន មនុស្សត្រូវដើរលើផ្លូវភ្នំដ៏តូចដូចដើរលើខ្នងនាគ។
៩ ផ្ទះព្យួរស្ថិតក្នុងខេត្តកួរអេនកា ( Cuenca) ប្រទេសអេស្ប៉ាញ
១០ វត្តព្រះពុទ្ធ Paro Taktsang នៅជួរភ្នំហិម៉ាឡៃប្រទេសប៊ូតាន
៖ អារាមនេះត្រូវបានសាងសង់កាលពីឆ្នាំ ១៦៩២ ប៉ុន្តែវាស្ទើរតែត្រូវបានបំផ្លាញទាំងស្រុងដោយអគ្គិភ័យកាលពីឆ្នាំ ១៩៩៨។ ក្រោយមករដ្ឋាភិបាលប៊ូតានបានជួសជុលអាគារឡើងវិញ។
១១ អាគារ The Swallow's Nest នៅគ្រីមៀប្រទេសអ៊ុយក្រែន ៖
សាងសង់ឡើងនៅក្នុងឆ្នាំ១៩១១។ បច្ចុប្បន្នវាត្រូវបានប្រែក្លាយឲ្យទៅជាភោជនីយដ្ឋានអ៊ីតាលីដ៏ប្រណីត។
១២ ប៉ម Nugget Point នៅនូវែលហ្សេឡង់ ៖
សម្រាប់បញ្ចេញភ្លើងដើម្បីផ្តល់សញ្ញាដល់កប៉ាល់ត្រូវធ្វើដំណើរទៅទិសណា។ ប៉មនេះស្ថិតនៅ ភាគខាងត្បូងប្រទេសនូវែលហ្សេឡង់។ ប៉មតូចមួយនេះត្រូវបានសាងសង់ឡើងក្នុងឆ្នាំ ១៨៧០ ដោយត្រូវចំណាយពេល៤ឆ្នាំ។ អ្នកដំណើរអាចធ្វើដំណើរលើផ្លូវដ៏អស្ចារ្យបំផុតមុននឹងទៅដល់កំពូលប៉ម។
១៣ ទីក្រុងបន្ទាយភ្នំ Corte នៅប្រទេសកូស៊ីកា ៖
នៅលើកំពូលភ្នំ គឺជាទីប្រជុំជន ការិយាល័យទេសចរណ៍ និង សារមន្ទីរ។
១៤ ភូមិ Manarola នៅអ៊ីតាលី ៖
ជាភូមិដ៏ស្រស់ស្អាតឈរនៅលើច្រាំងថ្មដ៏ចោទ នៅភាគខាងលិចប្រទេសអ៊ីតាលី។ វាត្រូវបានគេស្គាល់ថាកន្លែងផលិតស្រា Sciacchetrà ដ៏ល្បី។
១៥ ភូមិនេសាទ Vernazza នៅអ៊ីតាលី ៖
ដែលស្ថិតនៅលើច្រាំងថ្មនៅលើឆ្នេរសមុទ្រនៃប្រទេសអ៊ីតាលី។ រថយន្តមិនត្រូវបានអនុញ្ញាតឲ្យបើកបរចូលក្នុងភូមិនេសាទនេះទេ។ ពីមុនវាធ្លាប់ជាកន្លែងដែលនាវិកយកទីតាំងនេះដើម្បីការពារនាវាពួកគេពីចោរសមុទ្រ។
១៦ ប្រាសាទ Dunnottar Castle នៅស្កុតឡែន ៖
ជាប្រាសាទដ៏ចំណាស់នៅ Stonehaven ក្នុងប្រទេសស្កុតឡែន។ វាក៏ជាកន្លែងទេសចរណ៍ដ៏មមាញឹកមួយ។ ទីនេះ ពីមុនធ្លាប់ជាទីសំណាក់របស់របស់ព្រះមហាក្សត្រ ម្ចាស់ក្សត្រី វិល្លៀមវ៉លឡេស ម៉ារី និង ស្តេចឆាលទី ២ របស់ប្រទេសស្កុតឡែន៕