- 2018-10-01 03:16:38
- ព័ត៌មាន
ថៃពន្យារពេលបើកស្ថានីយរថភ្លើងធំបង្អស់នៅអាស៊ីអាគ្នេយ៍ ព្រោះមូលហេតុ១
- 2018-10-01 03:16:38
- ចំនួនមតិ 0 | ចំនួនចែករំលែក 0
ថៃពន្យារពេលបើកស្ថានីយរថភ្លើងធំបង្អស់នៅអាស៊ីអាគ្នេយ៍ ព្រោះមូលហេតុ១
ចន្លោះមិនឃើញ
ស្ថានីយរថភ្លើងរដ្ឋថៃ (SRT) បានពន្យារពេលនៃការបើកដំណើរការខ្សែរថភ្លើង Red Line ដែលរួមបញ្ចូលទាំងស្ថានីយធំជាងគេបំផុតនៅថ្ងៃអនាគត Bang Sue Grand ទៅខែមករាឆ្នាំ ២០២១ ជំនួសឲ្យខែតុលាឆ្នាំ ២០២០។
ប្រមុខស្ដីទី SRT លោក Voravuth Mala បានថ្លែងមកកាន់អ្នកសារព័ត៌មានកាលពីថ្ងៃអង្គារថា ការកែតម្រូវពេលវេលានេះគឺដោយសារ មានផលលំបាកក្នុងការអនុវត្តកិច្ចសន្យាសម្រាប់គម្រោង Red Line ដែលរួមបញ្ចូលទាំងបញ្ហាប្រព័ន្ធអគ្គិសនី, បញ្ហាមេកានិច និងការបញ្ជាទិញទូររថភ្លើងផងដែរ។ លោក Voravuth បន្ថែមថា "យើងត្រូវការកែសម្រួលផ្នែកខ្លះនៃការរចនាដើម្បីឲ្យសមស្របទៅនឹងស្ថានភាពបច្ចុប្បន្ន។”
គួរឲ្យដឹងថា គម្រោង Red Line គឺជាផ្នែកមួយនៃផែនការប្រព័ន្ធដឹកជញ្ជូនទូលំទូលាយរបស់រដ្ឋាភិបាលថៃ ដែលនឹងអភិវឌ្ឍមធ្យោបាយធ្វើដំណើរសាធារណឲ្យមានភាពប្រសើរឡើងក្នុងទីក្រុង Bangkok។ លើសពីនេះទៀត ក្រោយពេលគម្រោងត្រូវបានបញ្ចប់ ស្ថានីយ Bang Seu Grand នឹងក្លាយជាស្ថានីយរថភ្លើងធំជាងគេបង្អស់នៅអាស៊ីអាគ្នេយ៍៕
ចុចអាន ៖