- 2018-10-01 06:57:47
- ការអប់រំ
ប៉ាម៉ាក់ស្រួលចិត្តហើយ សាលាឯកជនមួយមានសេវាអប់រំកាយ-ចិត្ត ដល់កូន Free Free
- 2018-10-01 06:57:47
- ចំនួនមតិ 0 | ចំនួនចែករំលែក 0
ប៉ាម៉ាក់ស្រួលចិត្តហើយ សាលាឯកជនមួយមានសេវាអប់រំកាយ-ចិត្ត ដល់កូន Free Free
ចន្លោះមិនឃើញ
ដើម្បីសម្រួល និងកាត់បន្ថយបញ្ហាសុខភាពផ្លូវកាយ និងផ្លូវចិត្ត សាលារៀន Collingwood School of Phnom Penh (CSPP) បានសហការជាមួយក្រុមវេជ្ជបណ្ឌិតដែលមានឯកទេសខាងកុមារ និងយុវជនក្រោមអាយុ១៨ឆ្នាំ ឲ្យជួយពិនិត្យ និងតាមដានសុខភាពសិស្សានុសិស្សនៅសាលាដោយពុំគិតថ្លៃជាប្រចាំ។
តាមការបញ្ជាក់ពីក្រុមវេជ្ជបណ្ឌិតឯកទេសមកពីមន្ទីរសម្រាកព្យាបាលកុមារផ្កាឈូកបានឲ្យដឹងថា កុមារខ្លះមានបញ្ហាភ្នែក រលាកច្រមុះ ឬមានអាចម៍ត្រចៀកច្រើន តែឪពុកម្ដាយឬអាណាព្យាបាលពុំបានចាប់អារម្មណ៍ ធ្វើឲ្យពួកគេជួបប្រទះការលំបាកក្នុងការសិក្សា។ ជាលទ្ធផលពុំអាចធ្វើឲ្យពួកគាត់ទទួលបាននិទ្ទេសល្អឡើយ រីឯឪពុកម្ដាយឬអាណាព្យាបាលវិញចេះតែគិតបារម្ភថាកូនៗរបស់ខ្លួនរៀនខ្សោយ។
ដូចនេះ ដើម្បីជួយសិស្សានុសិស្សទាំងអស់ឲ្យទទួលបានចំណេះដឹងអប់រំពិតប្រាកដតាមរយៈគ្រូបង្រៀនឆ្នើមៗគ្រប់កម្រិត និងវិន័យតឹងរឹង CSPP នឹងបន្ថែមកម្មវិធីថ្មីមួយទៀតគឺផ្ដល់ការអប់រំការពារសុខភាពទាំងផ្លូវកាយ និងផ្លូវចិត្ត រួមជាមួយការបរិភោគចំណីអាហារឲ្យបានត្រឹមត្រូវដើម្បីឲ្យពួកគាត់មានកាយសម្បទាមាំមួន និងរៀនពូកែចាប់ពីឆ្នាំសិក្សាថ្មីនេះតទៅដោយមិនគិតថ្លៃ៕