- 2018-10-03 02:44:19
- សេដ្ឋកិច្ច
ឆ្នាំ២០១៩ កម្ពុជាបញ្ឈប់លែងឱ្យមានការបោះចោលសំរាម ក្រដាសជូតមាត់នៅតាមអាហារដ្ឋាន
- 2018-10-03 02:44:19
- ចំនួនមតិ 0 | ចំនួនចែករំលែក 0
ឆ្នាំ២០១៩ កម្ពុជាបញ្ឈប់លែងឱ្យមានការបោះចោលសំរាម ក្រដាសជូតមាត់នៅតាមអាហារដ្ឋាន
ចន្លោះមិនឃើញ
រដ្ឋមន្រ្ដីក្រសួងទេសចរណ៍បានអះអាងថា ចាប់ពីឆ្នាំ២០១៩ខាងមុខតទៅ កម្ពុជានឹងបញ្ឈប់លែងឱ្យមានការបោះចោលសំរាម ឬក្រដាសជូតមាត់ចោលនៅក្រោមតុអាហារ នៅគ្រប់ អាហារដ្ឋាន ភោជនីយដ្ឋាន និងរមណីយដ្ឋានទាំងអស់ សម្រាប់គោលដៅទេសចរណ៍នៅ ទូទាំងប្រទេស។
ឯកឧត្តម ថោង ខុន រដ្ឋមន្រ្ដីក្រសួងទេសចរណ៍បានមានប្រសាសន៍ថា គ្រប់គោលដៅទេសចរណ៍ទាំងអស់ ត្រូវតែស្អាត ពីព្រោះភាពស្អាតគឺផ្ដល់នូវផាសុខភាពជូនប្រជា ពលរដ្ឋ និងភ្ញៀវទេសចរ ហើយបើមើលឃើញភាពស្អាតនេះហើយធ្វើឱ្យពួកគាត់មាន ភាពសប្បាយរីករាយណាស់ មានអារម្មណ៍ល្អ និងស្រស់ស្រាយ។
ថ្លែងបានប្រាប់ក្រុមអ្នកសារព័ត៌មានកាលពីថ្ងៃទី០១ ខែតុលា ឆ្នាំ២០១៨នេះឯកឧត្តម ថោង ខុន បានបញ្ជាក់ថា ក្រសួងទេសចរណ៍ នឹងចាប់ផ្ដើមអនុវត្ដន៍លែងឱ្យមានការបោះចោលសំរាម ឬក្រដាសជូតមាត់ចោលក្រោមតុនៅតាមអាហារដ្ឋាន ភោជនីយដ្ឋានទាំងអស់ ដោយតម្រូវឱ្យម្ចាស់អាហារដ្ឋាន ភោជនីយដ្ឋាន ឬរមណីយដ្ឋាននានាត្រូវតែស្អាត។ ឯកឧត្តមបានបន្ដថា “ភាពស្អាត និងភាពបៃតងបានធ្វើឱ្យមានភាពទាក់ទាញណាស់ពីភ្ញៀវទេសចរ ហើយគោលដៅទេចរណ៍ស្អាត និងបៃតងនេះ កម្ពុជានឹងអាចធ្វើបាន”។
ឯកឧត្តមរដ្ឋមន្រ្ដីបានគូសបញ្ជាក់ទៀតថា បញ្ហាបរិស្ថាន អនាម័យនៅតាមភោជនីយដ្ឋាន អាហារដ្ឋាន និងរមណីយដ្ឋានក្នុងប្រទេសកម្ពុជា ត្រូវការចាំបាច់បំផុតគឺការចូលរួម របស់ប្រជាពលរដ្ឋ ក្រសួង ស្ថាប័នពាក់ព័ន្ធក្នុងការទទួលខុសត្រូវលើ ការទុកដាក់សំរាម ក្រដាសអនាម័យពេលបរិភោគអាហាររួច ដើម្បីធ្វើជាគំរូល្អក្នុងការចូលរួមថែរក្សា បរិស្ថាន អនាម័យ និងសោភណភាព ជាពិសេសទាក់ទាញភ្ញៀវទេសចរ ក៏ដូចជាអ្នកវិនិយោគបរទេស ឱ្យមកកម្ពុជាកាន់តែច្រើនថែមទៀត។
សូមបញ្ជាក់ថា ការប្រកាសរបស់រដ្ឋមន្រ្ដីក្រសួងទេសចរណ៍នេះធ្វើឡើងបន្ទាប់ពី មើលឃើញថា នៅតាមអាហារដ្ឋាន ភោជនីយដ្ឋាន ឬរមណីយដ្ឋានមួយចំនួន ភ្ញៀវដែលចូល ទទួលទានអាហារតែងបោះសំរាមចោលក្រោមតុ ជាពិសេសក្រដាសជូតមាត់ ដែលប្រការនេះ ធ្វើឱ្យខ្វះអនាម័យផង និងភាពគ្មានរបៀបរបប ធ្វើឱ្យប៉ះពាល់ដល់សោភណភាព និងបរិស្ថាន៕