- 2018-10-04 05:09:12
- សុខភាព
អ្វីទៅជាការដាំបង្គោលក្នុងឆ្អឹងធ្មេញ? មកស្ដាប់អ្នកជំនាញបកស្រាយ!
- 2018-10-04 05:09:12
- ចំនួនមតិ 0 | ចំនួនចែករំលែក 0
អ្វីទៅជាការដាំបង្គោលក្នុងឆ្អឹងធ្មេញ? មកស្ដាប់អ្នកជំនាញបកស្រាយ!
ចន្លោះមិនឃើញ
មានមនុស្សជាច្រើន បានមើលរំលងការថែទាំសុខភាពមាត់ធ្មេញដែល តាមការពិតវាមានសារៈសំខាន់យ៉ាងខ្លាំងដែលតម្រូវឲ្យមានការយកចិត្តទុកដាក់ដូចសុខភាពរាងកាយរបស់យើងដែរ។
បើតាមទន្តបណ្ឌិតជំនាញបានបញ្ជាក់ថា សញ្ញាតូចៗដែលមានចំពោះសុខភាពមាត់ធ្មេញ ដូចជា ធ្មេញប្រេះ ថ្គាមទាល់ ធ្មេញខូចឬមានបញ្ហាក្នុងការទំពារអាហារ អ្នកគួរពិចារណាដកធ្មេញដែលមានបញ្ហាទាំងនោះចោលរួចជំនួសមកវិញនូវការដាក់ធ្មេញថ្មី ដើម្បីបង្ការកុំឲ្យរាលដាលទៅធ្មេញផ្សេងៗទៀតបាន។
ទន្តបណ្ឌិត Kenzie Kheam ជានាយិកានៃមន្ទីរព្យាបាលធ្មេញ សន្តិភាព បានណែនាំឲ្យជ្រើសរើសយកការដាំបង្គោលដែកក្នុងឆ្អឹងធ្មេញ ដែលជាបច្ចេកវិទ្យាថ្មីក្នុងការដាក់ធ្មេញដោយប្រើប្រាស់នូវដែក Titanuim ដាំចូលទៅក្នុងឆ្អឹងថ្គាមក្នុងគោលបំណងបង្កើតឫសធ្មេញសិប្បនិមិត្តថ្មី ដើម្បីទ្រទ្រង់ដល់មុខងារទំពារអាហារ និងលើកសោភ័ណភាពសម្រស់បានមួយផ្នែកផងដែរ។
ទន្តពេទ្យដែលមានបទពិសោធន៍ជាង១១ឆ្នាំរូបនេះ បានបង្ហើបប្រាប់ពីអត្ថប្រយោជន៍នៃការដាំបង្គោលដែកក្នុងឆ្អឹងធ្មេញដែលគ្រប់គ្នាមិនដែលដឹងពីមុនមក ក្នុងនោះមានដូចជា៖
១. មានមុខងារដូចធ្មេញធម្មជាតិ
អត្ថប្រយោជន៍ដ៏ធំបំផុតរបស់បង្គោលក្នុងឆ្អឹងធ្មេញ គឺបង្កើតកម្លាំងទំពារអាហារមកវិញ អ្នកដាំបង្គោលនេះ អាចទំពារអាហារ ប្រើអំបោះទាក់ធ្មេញ (Floss) ដុសធ្មេញដោយដូចធ្មេញធម្មជាតិដោយមិនដឹងថាមួយណាដាក់ ឬធ្មេញធម្មជាតិ។
២. វាអាចនៅក្នុងមាត់យើងបានពេញមួយជីវិត
ដោយវាត្រូវបានផលិតពីដែក Titanuim និងសារធាតុមួយចំនួនដែលអាចឲ្យក្លាយជា Bio-Compatible (មិនមាន Toxic ឬប៉ះពាល់ដោយសរីរាង្គឡើយ )។ ការដាំបង្គោលក្នុងឆ្អឹងធ្មេញធ្វើឡើងដើម្បីបំពេញចន្លោះធ្មេញដែលបានបាត់នោះ មានន័យថាបើយើងបាត់ធ្មេញ១ យើងត្រូវដាក់ធ្មេញវិញតែ១ទេ ដោយមិនចាំបាច់ដាក់ធ្មេញជាប់គ្នាជាស្ពានដែលនាំឲ្យប៉ះពាល់ធ្មេញសងខាងឡើយ។
៣. ការពារមិនឲ្យឆ្អឹងថ្គាមស្រក
កាលណាអ្នកដកធ្មេញហើយនោះ ឆ្អឹងកន្លែងនោះនឹងត្រូវស្រក ២៥% នៅឆ្នាំទី១ ហើយនៅតែបន្តស្រកជាហូរហែរ បន្តទៀត។ ការដាំបង្គោលក្នុងធ្មេញអាចជួយបង្ការកុំឲ្យឆ្អឹងថ្គាមស្រកបាន។
៤. ការពារធ្មេញសងខាងមិនឲ្យរេ ឬទ្រេត
ការដាំបង្គោលក្នុងឆ្អឹងកាន់តែលឿនកាន់តែល្អ ក្រោយអ្នកដកធ្មេញហើយ ព្រោះថាវាការពារធ្មេញសងខាងមិនឲ្យរេ ឬទ្រេត ខូចខាតរឹតតែធ្ងន់ធ្ងរ។
៥. ជួយការពារអ្នកពីជំងឺអញ្ចាញធ្មេញនានា
កន្លែងដែលអ្នកដកធ្មេញហើយជាកន្លែងដែលងាយដក់ចំណីអាហារ ដែលងាយនាំឱ្យកើតជំងឺអញ្ចាញធ្មេញ។
៦. រក្សាទម្រង់មុខអ្នកមិនឲ្យប្រែប្រួល:
បើអ្នកអត់ធ្មេញ នោះទម្រង់មុខអ្នកនឹងប្រែប្រួលទៅរកវ័យចំណាស់ជាមិនខាន។ ការដាក់ធ្មេញជួយបន្ថែមសម្រស់ស្នាមញញឹមរបស់អ្នកកាន់តែស្រស់ស្រាយ។
ទន្តបណ្ឌិត Kenzie Kheam បានបន្ដថា៖ "ការដាំបង្គោលក្នុងឆ្អឹងធ្មេញប្រព្រឹត្តទៅបានចំពោះមនុស្សគ្រប់រូប ដែលមានលក្ខខ័ណ្ឌសុខភាពទូទៅ និងគួរតែជួបពិភាក្សាជាមួយទន្តបណ្ឌិត សុខភាពមាត់ធ្មេញសិន មុននឹងធ្វើការដាំបង្គោលក្នុងឆ្អឹងធ្មេញ ព្រោះការដាំបង្គោលក្នុងឆ្អឹងធ្មេញ បើធ្វើទៅមិនត្រឹមត្រូវទៅតាមបច្ចេកទេសទេនោះ អាចបង្កឲ្យមានផលលំបាកជាច្រើន។ ជាមួយមន្ទីរព្យាបាលធ្មេញ សន្តិភាព យើងមានទទួលពិនិត្យ និងព្យាបាលដោយសាស្ត្រាចារ្យទន្តបណ្ឌិតជាតិ និងអន្តរជាតិប្រកបដោយជំនាញ រួមជាមួយនឹងការប្រើប្រាស់បង្គោល BIOTEC ផលិតនៅអាល្លឺម៉ងដែលមាន ISO:13485:2003 និង ISO: 9001:2008 មានគុណភាពល្អបំផុត បន្ថែមដោយឧបករណ៍ទំនើបៗដែលជាជំនួយឲ្យដំណើរការនៃការព្យាបាលប្រកបដោយភាពជោគជ័យ។"
ការដកធ្មេញមិនមែនជាអ្វីដែលគួរឲ្យខ្លាចនោះទេ ដែលគួរឲ្យខ្លាចនោះគឺទ្រាំរស់នៅជាមួយធ្មេញដែលខូច ដូចនេះបើធ្មេញមានបញ្ហាហើយ គួរតែជួបជាមួយអ្នកជំនាញដើម្បីស្វែងរកការព្យាបាលឲ្យទាន់ពេលវេលា៕
ចុចអាន៖ ៥ចំណុចផ្លាស់ប្តូរជីវិតអ្នក ក្រោយសម្រេចចិត្តពត់ធ្មេញ