- 2018-10-12 02:23:50
- ការអប់រំ
ស្ថាបនិកមូលនិធិកុមារកម្ពុជាដើម្បីលុយ ធ្វើរឿងមិនខ្លាចខ្មាសគេពេញទីក្រុងនៅអាមេរិក
- 2018-10-12 02:23:50
- ចំនួនមតិ 0 | ចំនួនចែករំលែក 0
ស្ថាបនិកមូលនិធិកុមារកម្ពុជាដើម្បីលុយ ធ្វើរឿងមិនខ្លាចខ្មាសគេពេញទីក្រុងនៅអាមេរិក
ចន្លោះមិនឃើញ
លោក Scott Neeson ស្ថាបនិកមូលនិធិកុមារកម្ពុជា ឬCambodian Children's Fund (CCF) បានចំណាយពេល ៣ សប្ដាហ៍ធ្វើដំណើរទៅកាន់សហរដ្ឋអាមេរិក ដើម្បីរៃអង្គាសថវិកាជួយកុមារក្រីក្រនៅកម្ពុជា នៅតំបន់ទីប្រជុំជនមួយឈ្មោះថា Time Square កណ្ដាលទីក្រុងញ៉ូវយក។
ក្នុងសំលៀកបំពាក់សាមញ្ញ លោក Scott Neeson បានលើកត្រដាងទង់ជាតិខ្មែរ នៅចំណោមហ្វូងមនុស្សកកកុញជាច្រើន ដោយមិនខ្មាសអៀន ឲ្យប្រជាជនអន្តរជាតិបានស្គាល់ពីប្រទេសកម្ពុជា ដែលជាទង្វើគួរឲ្យរំភើប និងកោតសរសើរពីសំណាក់ប្រជាជនកម្ពុជានៅឯណេះ។
អង្គការមូលនិធិកុមារកម្ពុជាបង្កើតឡើងតាំងពីឆ្នាំ២០០៤ មកម្ល៉េះ ដោយបាតដៃលោក Scott Neeson លក់ទ្រព្យសម្បត្តិផ្ទាល់ខ្លួនជាច្រើន និង ខិតខំស្វែងរកជំនួយពីសប្បុរសជននានាក្នុងគោលដៅជួយដល់កុមារកម្ពុជាដែលរស់នៅគំនរសំរាមស្ទឹងមានជ័យឲ្យទទួលបានការអប់រំ និង រស់នៅក្នុងជីវិតថ្មីមួយផ្សេងទៀត មិនតែប៉ុណ្ណោះលោកត្រូវបានកុមារក្រីក្រជាច្រើន ហៅថា ប៉ា ឬ Daddy ចាត់ទុកដូចឪពុកទី២ ខ្លួន។
គោលបំណងរបស់លោកគឺធ្វើយ៉ាងណា ដើម្បីឲ្យកុមារទាំងនោះទទួលបានការអប់រំក្នុងកម្រិតមួយខ្ពស់ និង ការជួយដល់គ្រួសារក្រីក្ររបស់ពួកគេឲ្យមានចំណីអាហារបរិភោគ ព្រមទាំងមានកន្លែងស្នាក់នៅសមរម្យទៀតផង។ ជាលទ្ធផល ១៤ ឆ្នាំមកនេះ អង្គការរបស់លោកបានជួយដល់កុមារតាំងពី ៤៥ នាក់ដំបូងរហូត កើនឡើងដល់ជាង២០០០នាក់។ លើសពីនេះទៀត អង្គការក៏បានជួយដល់គ្រួសាររបស់ពួកគេផងដែរតាមរយៈការសាងសង់ផ្ទះជាង ៤០០ខ្នង និង ការជួយផ្គត់ផ្គង់អាហារមួយចំនួនផងដែរ។ ហើយគម្រោងថ្មីមួយដែលលោកទើបតែទទួលបានជោគជ័យនោះ គឺការដាក់ឲ្យប្រើប្រាស់នូវសាលារៀន នីសិនគ្រីបអាខាដឺមី សម្រាប់បណ្ដុះបណ្ដាលជំនាញវិទ្យាសាស្ត្រ បច្ចេកវិទ្យា វិស្វកម្ម និង គណិតវិទ្យាដល់កុមារក្រីក្ររស់នៅលើគំនរសំរាមទាំងនោះ៕
ប្រភព៖ ហ្វេសបុក Scott Neeson