- 2018-10-16 05:20:00
- ការអប់រំ
កុំអាលបន្ទោសកូនថាមិនសូវស្តាប់គ្នា ឳពុកម្តាយមកសាកវិធី ៤នេះ រួចញញឹមមើលលទ្ធផល
- 2018-10-16 05:20:00
- ចំនួនមតិ 0 | ចំនួនចែករំលែក 0
កុំអាលបន្ទោសកូនថាមិនសូវស្តាប់គ្នា ឳពុកម្តាយមកសាកវិធី ៤នេះ រួចញញឹមមើលលទ្ធផល
ចន្លោះមិនឃើញ
ឪពុកម្ដាយគ្រប់រូបពិតជានឿយហត់ខ្លាំងក្នុងការចិញ្ចឹមបីបាច់កូនៗ ព្រោះវាគឺជាកាតព្វកិច្ច និងការទទួលខុសត្រូវដ៏សំខាន់។ បន្ថែមពីនេះ នៅមានរឿងរ៉ាវជាច្រើន ដែលអាណាព្យាបាលគ្រប់រូបតែងជួប និងជាការលំបាក ទម្រាំចិញ្ចឹមកូនដល់ធំដឹងក្ដី ក្នុងនោះមានដូចជាការនិយាយទូន្មានកូន កូនខ្លះស្ដាប់ តែកូនខ្លះក៏ខ្ចីយកត្រចៀកស្ដាប់។
តាមរយៈអត្ថបទអប់រំនៅថ្ងៃនេះ ប្រសិនបើអាណាព្យាបាល ជួបករណីនិយាយកូនមិនស្តាប់ ក្រុមការងារសូមណែនាំ ៤ចំណុច ដើម្បីលោកអ្នកសាកល្បង ចៀសវាងការ ឬវៃដំ ទាត់ធាក់កូនចៅ នាំក្លាយជាបញ្ហាហិង្សាផ្សេងៗ និងជាទម្រាំមិនល្អ។
១. ផ្ដល់សិទ្ធិឲ្យគេសម្រេចចិត្ត
អ្នកគួរតែផ្ដល់សិទ្ធិឲ្យកូនអាចសម្រេចចិត្ត ហើយទទួលខុសត្រូវ នូវអ្វីដែលគេបានសម្រេចចិត្ត។ ការប្រគល់សិទ្ធិដល់កូន អាចបង្ហាញគេថាជាការគោរពមួយចំពោះគេ ហើយក៏ជាការធ្វើឲ្យគេដឹងថា អ្នកមិនមែនប្រើអំណាចមកគ្រប់គ្រងគេឡើយ។ នៅពេលដែលការសម្រេចចិត្តរបស់គេទទួលបានផលមិនល្អ អ្នកអាចលើកឧទាហរណ៍មួយនេះ ដើម្បីបង្ហាញនិងអប់រំគេ នោះគេនឹងស្ដាប់អ្នកវិញ។
២. បង្វែរអារម្មណ៍គេជាមុន
នៅពេលដែលកូនរករឿង អ្នកគួរតែបង្វែរអារម្មណ៍គេជាមុនសិន ដោយធ្វើឲ្យគេមានអារម្មណ៍ស្ងប់សិន ទើបអ្នកអាចចាប់ផ្ដើមអប់រំ ហើយគេស្ដាប់។ ផ្ទុយទៅវិញ បើអ្នកប្រើអំពើហិង្សា នឹងអាចធ្វើឲ្យកូនកើតជំងឺផ្លូវចិត្ត ថែមទាំងធ្វើឲ្យគេមិនស្ដាប់អ្នកទៀតផង។
៣. ឲ្យកូនជួយចេះរកដំណោះស្រាយ
អ្នកអាចអញ្ជើញកូនឲ្យជួយរកដំណោះស្រាយគ្នានៅពេលដែលគេរករឿង។ នៅពេលដែលគេជួយគិតអ្នកមែន នោះគេនឹងអាចភ្លេចថាគេកំពុងតែរករឿង ថែមទាំងអាចធ្វើឲ្យខួរក្បាលគេឆ្លាតបានទៀតផង។
៤. ប្រើពាក្យបដិសេធខ្លះ
អ្នកគួរតែរៀនចេះនិយាយថា អត់ ហើយពន្យល់ហេតុផលសមស្របណាមួយ ដើម្បីបដិសេធខ្លះជាមួយកូន ប៉ុន្តែគួរតែនិយាយដោយទន់ភ្លន់ មិនគួរនិយាយដោយស្រែកចំទាល ឬគំហកនោះទេ។ ក្រោយពេលដែលអ្នកនិយាយរួច អ្នកគួរតែអោបកូន ដើម្បីឲ្យគេទទួលបានភាពកក់ក្ដៅពីអ្នក។ ដូចនេះ កូននឹងអាចឈប់រករឿងបាន៕
