- 2018-10-17 09:02:03
- ការអប់រំ
វិធីសាស្ត្រហាមឃាត់សតិ កុំឲ្យគិតរាយមាយ ហើយងាកមករកផ្លូវល្អវិញ
- 2018-10-17 09:02:03
- ចំនួនមតិ 0 | ចំនួនចែករំលែក 0
វិធីសាស្ត្រហាមឃាត់សតិ កុំឲ្យគិតរាយមាយ ហើយងាកមករកផ្លូវល្អវិញ
ចន្លោះមិនឃើញ
មេរៀនល្អបំផុតដែលអ្នកអាចរៀនពីជីវិតបាន គឺគ្រប់គ្រងការគិត និងធ្វើចិត្តឲ្យស្ងប់។ នេះជាឃ្លាមួយក្នុងមាតិកាដំបូងនៃសៀវភៅ ស្វែងរកការពិត (ភាគ២) រៀបរៀងដោយវេជ្ជបណ្ឌិតថោង នីដាមុនី ឯកទេសជំងឺទូទៅស្ត្រី និងកុមារ។
ឃ្លាបន្ទាប់មកទៀតបរិយាយថា ដើម្បីឈប់គិតមានកត្តាពីរយ៉ាងគឺ សតិ និងបញ្ញា។ ហេតុនាំឲ្យកើតសតិគេត្រូវហ្វឹកហាត់ក្នុងសមាធិ និងឥរិយាបថ ឧទាហរណ៍ថា តាំងចិត្ត ឬប្រមូលអារម្មណ៍ក្នុងការរៀន ឬតាំងចិត្តធ្វើកិច្ចការអ្វីមួយជាដើម។ ហេតុដែលនាំឲ្យកើតនូវបញ្ញា គេត្រូវហ្វឹកហាត់ក្នុងការពិចារណានូវអាថ៌សេចក្ដីឲ្យបានច្រើន ឬហៅម្យ៉ាងទៀតថា ធម្មវិច័យ។ ត្រង់នេះលោកវេជ្ជបណ្ឌិតថា «សតិតាមដឹង បញ្ញាតាមលះ»។
សតិចាប់ផ្ដើមដឹងថា កំពុងគិតរាយមាយផ្ដេសផ្ដាស ពេលនោះគេប្រើបញ្ញាដើម្បីត្រិះរិះរកវិធីបញ្ឈប់ភ្លាម ឬបង្វែរការគិតទៅរករឿងដែលមានប្រយោជន៍វិញ។ «គិត ដើម្បីឈប់គិត» លោកបញ្ជាក់ក្នុងអត្ថបទ។
ត្រូវដឹងរឿងដែលមិនត្រូវគិត កុំសោកស្ដាយរឿងដែលកន្លងហួស កុំទោមនស្សរឿងដែលប្រុងនឹងកើត កុំគិតរឿងដែលធ្វើមិនកើត។ នៅឃ្លាចុងក្រោយរបស់មាតិកានេះ លោកវេជ្ជបណ្ឌិតលើកឡើងថា «មនុស្សយើងនេះ ពេលកំពុងខឹង មិនថាខ្លួនឯងកំពុងឆ្កួតនោះទេ» ៕