- 2018-10-17 09:15:00
- ការអប់រំ
នេះហើយហេតុផល ដែលសិង្ហបុរី លែងចង់ឲ្យក្មេងប្រជែងគ្នាដោយការប្រឡង តែមកធ្វើរឿងមួយ
- 2018-10-17 09:15:00
- ចំនួនមតិ 0 | ចំនួនចែករំលែក 0
នេះហើយហេតុផល ដែលសិង្ហបុរី លែងចង់ឲ្យក្មេងប្រជែងគ្នាដោយការប្រឡង តែមកធ្វើរឿងមួយ
ចន្លោះមិនឃើញ
ចាប់ពីឆ្នាំ២០១៩តទៅ ប្រទេសសិង្ហបុរី នឹងលុបចោលការប្រឡងសម្រាប់ការដាក់ចំណាត់ថ្នាក់កុមារនៅតាមសាលា ដោយផ្ដើមពីថ្នាក់បឋមសិក្សាថ្នាក់១ និង២។
រដ្ឋមន្ត្រីក្រសួងអប់រំសិង្ហបុរី បានប្រាប់ថា នេះជាការផ្លាស់ប្ដូរថ្មីមួយ ដោយហេតុផលដើម្បីរៀបចំឲ្យមានបរិយាកាសល្អសិក្សា និងគ្មានសំពាធ។ បន្ទាប់មកគឺឈានទៅសម្រេចនូវឧត្ដមភាពធនធានមនុស្ស ដែលមានចំណេះដឹងយូរអង្វែង និងស្ថិតនៅក្នុងប្រព័ន្ធអប់រំចាប់តាំងពីថ្នាក់តូចទៅ។
លោក Ong Ye Kung រដ្ឋមន្ត្រីក្រសួងអប់រំប្រទេសសិង្ហបុរី បាននិយាយពាក្យដ៏មានន័យមួយឃ្លាប្រាប់គេហទំព័រ We Forum ថា "ការសិក្សាមិនមែនជាការប្រកួតប្រជែងនោះទេ។ លោកបន្តថា ក្រសួងអប់រំ កំពុងគ្រោងរៀបចំផែនឲ្យមានការផ្លាស់ប្ដូរ ជាបន្តបន្ទាប់មួយ ដែលសំដៅលើការជំរុញបរិយាកាសល្អក្នុងការៀនសូត្រ ជាជាងការប្រៀបធៀបរវាងសិស្ស ពីមួយទៅសិស្សមួយ។
ម្យ៉ាងវិញទៀត ក្រសួងនឹងមានការលើកទឹកចិត្តបុគ្គលឱ្យផ្ដោតការយកចិត្តទុកដាក់លើការអភិវឌ្ឍន៍ ការស្រាវជ្រាវ និងសិក្សាផ្ទាល់ខ្លួនសិស្សឲ្យកាន់តែប្រសើរឡើង។
សូមបញ្ជាក់ថា ការពិភាក្សា ការធ្វើលំហាត់ និងសំណួរមួយចំនួន នឹងត្រូវកំណត់ដើម្បីជំនួសពិន្ទុប្រលងក្នុងថ្នាក់ ដែលនេះ ជាវិធីសាស្ត្រនៃការប្រមូលព័ត៌មានអំពីការអនុវត្ត របស់សិស្សសាលាបឋមសិក្សា។ នេះបើតាម លោក Ong Ye Kung រដ្ឋមន្ត្រីក្រសួងអប់រំ ប្រទេសសិង្ហបុរី។
