/5bc841dcb12a0_1539850680_medium.jpg)
- 2018-10-18 08:23:39
- ការអប់រំ
តាមការសិក្សា ជំនាញវិស្វករ និងស្ថាបត្យករនៅកម្ពុជា ប្រាក់ខែឡើងដល់ជិត ៣ពាន់ដុល្លារ
- 2018-10-18 08:23:39
- ចំនួនមតិ 0 | ចំនួនចែករំលែក 0
តាមការសិក្សា ជំនាញវិស្វករ និងស្ថាបត្យករនៅកម្ពុជា ប្រាក់ខែឡើងដល់ជិត ៣ពាន់ដុល្លារ
ចន្លោះមិនឃើញ
តាមរយៈការសិក្សារបស់ក្រសួងដែនដី នគរូបនីយកម្ម និងសំណង់ ក្នុងរយៈពេល៩ខែ ឆ្នាំ២០១៨នេះ តម្លៃពលកម្ម ចំពោះវិស្វករ ស្ថាបត្យករ និងអ្នកជំនាញផ្សេងទៀត ក្នុង១ខែអាចទទួលបានប្រាក់បៀរត្សពី ៤០០ដុល្លារ ទៅ ២ ៥០០ដុល្លារ។ ការសិក្សាក៏បានបង្ហាញពីតម្លៃពលកម្មគ្មានជំនាញ ក្នុង១ ថ្ងៃ អាចទទួលបានពី ៣៥ ០០០រៀលទៅ ៤០ ០០០រៀល ឯកម្មករមានជំនាញ និងមេជាងក្នុង១ថ្ងៃ អាចទទួលបានពី ៥០ ០០០រៀល ដល់ ៧៥ ០០០រៀល។
របាយការណ៍ដដែលឲ្យដឹងទៀតថា វិស័យសំណង់ បានបង្កើតការងារដល់ប្រជាជន គិតជាមធ្យមប្រមាណ ២០ ទៅ ២២ម៉ឺននាក់ ក្នុង១ ថ្ងៃ។ ដោយឡែកនៅរាជធានីភ្នំពេញ មានចំនួនកម្មករប្រមាណពី ៩ម៉ឺន ទៅ ១០ម៉ឺននាក់ធ្វើការក្នុង១ ថ្ងៃ។ បើធៀបរយៈពេលដូចគ្នាក្នុងឆ្នាំ ២០១៧ ចំនួនកម្មករគិតជាមធ្យមប្រមាណ ៩ម៉ឺន ៥ពាន់នាក់ទៅ ១០ម៉ឺននាក់ ក្នុង១ថ្ងៃ សម្រាប់ទូទាំងប្រទេស ខណៈនៅរាជធានីភ្នំពេញមានកម្មករប្រមាណ ៦ម៉ឺន ៥ពាន់នាក់ទៅ ៧ម៉ឺននាក់ ក្នុង១ ថ្ងៃ គឺមានការកើនឡើងចំនួន ១២០%។
