- 2018-10-20 07:11:07
- សេដ្ឋកិច្ច
សិង្ហបុរីនឹងដំណើរការតាក់ស៊ីលើអាកាសក្នុងឆ្នាំ២០១៩
- 2018-10-20 07:11:07
- ចំនួនមតិ 0 | ចំនួនចែករំលែក 0
សិង្ហបុរីនឹងដំណើរការតាក់ស៊ីលើអាកាសក្នុងឆ្នាំ២០១៩
ចន្លោះមិនឃើញ
ការសាកល្បងដំណើរការតាក់ស៊ីលើអាកាសនៅប្រទេសសិង្ហបុរីនឹងចាប់ផ្តើមនៅពាក់កណ្ដាលឆ្នាំ២០១៩ ដោយក្រុមហ៊ុន Volocopter របស់អាឡឺម៉ង់។ នេះបើតាម Channel News Asia ចុះផ្សាយកាលពីថ្ងៃសុក្រ។
ការសាកល្បងនេះមានគោលបំណងដើម្បីផ្ទៀងផ្ទាត់ថាតើយន្តហោះដែលដើរដោយអេឡិចត្រូនិចដែលហៅថា Volocopter អាចប្រតិបត្តិការនៅក្នុងបរិយាកាសទីក្រុងក្នុងប្រទេសសិង្ហបុរីបានដែរ ឬទេ។
យន្តហោះដ្រូននេះអាចផ្ទុកអ្នកដំណើរបាន២នាក់ ហើយអាចហោះហើរបានចម្ងាយ៣០គីឡូម៉ែត្រ។ វាដំណើរការដោយស្វ័យប្រវត្តិ តាមរយៈការបញ្ជាផ្ទាល់លើយន្តហោះ ឬ អាចបញ្ជាពីដីក៏បាន។
Volocopter ក្រៅពីមានតួនាទីជាតាក់ស៊ីលើអាកាសក្នុងការដឹកអ្នកដំណើរ សិង្ហបុរីក៏មានមហិច្ឆតាប្រើប្រាស់ដ្រូនដំណើរការដោយអេឡិចត្រូនិកនេះដើម្បីដឹកទំនិញលើអាកាសក្នុងទីក្រុងដើម្បីកាត់បន្ថយការបំពុលបរិយាកាស។
នេះមិនមែនជាលើកដំបូងទេ សម្រាប់ក្រុមហ៊ុនតាក់ស៊ីលើអាកាសរបស់អាឡឺម៉ង់។ Volocopter បាន និង កំពុងដំណើរការសេវាដឹកអ្នកដំណើររបស់ខ្លួនក្នុងប្រទេសអាឡឺម៉ង់តាំងពីឆ្នាំ២០១៦។
ប្រភពខាងលើមិនបានបញ្ជាក់ពីតម្លៃក្នុងការប្រើប្រាស់តាក់ស៊ីលើអាកាសនៅសិង្ហបុរីទេ ប៉ុន្តែកន្លងមកទីក្រុងឌុយបៃដែលបានដាក់ដំណើរការសាកល្បងសេវានេះកាលពីឆ្នាំ២០១៧បានប្រកាសថា ចំពោះតម្លៃសម្រាប់ការជិះតាក់ស៊ីលើអាកាស មិនខុសប៉ុន្មានពីការជិះឡានឈ្នួលលើដីឡើយ៕
