- 2018-10-26 04:18:09
- ស្នេហា
ស្រលាញ់និស្សិតពេទ្យទៅមិនខុសទេ! ៦ចំណុចពិសេសៗ ស្រីៗណាបានធ្វើប្ដីសំណាងខ្លាំង
- 2018-10-26 04:18:09
- ចំនួនមតិ 0 | ចំនួនចែករំលែក 0
ស្រលាញ់និស្សិតពេទ្យទៅមិនខុសទេ! ៦ចំណុចពិសេសៗ ស្រីៗណាបានធ្វើប្ដីសំណាងខ្លាំង
ចន្លោះមិនឃើញ
នៅពេលដែលនិយាយពីគ្រូពេទ្យ យើងច្បាស់ជាដឹងថា គេជាអ្នកព្យាបាលជំងឺ សង្គ្រោះអាយុជីវិតមនុស្ស តែនៅមានចំណុចពិសេសៗជាច្រើនដែលគេមាន។ ខាងក្រោមនេះ ជាការបង្ហើបខ្លះៗពីនិស្សិតពេទ្យជាបុរសៗ អំពីលក្ខណៈពិសេសដែលគេមាន៖
១. ជាមនុស្សចេះស្រលាញ់ខ្លួន និងថែសុខភាពបំផុត
ដោយសារតែគេយល់ដឹងច្រើន ជាងអ្នកណាៗទាំងអស់អំពីបញ្ហាសុខភាព បែបនេះហើយគេតែងតែប្រុងប្រយ័ត្នណាស់ទៅលើការហូបចុក ផឹកស៊ី។ ដូច្នេះហើយ គេកម្រឃើញនិស្សិតពេទ្យដើរដាច់យប់ផឹកស្រវឹងអួរតាណួរណាស់។ ម្យ៉ាងវិញទៀត វិជ្ជាជីវៈជាគ្រូពេទ្យត្រូវការស្រាវជ្រាវច្រើនណាស់ ទើបគេមិនសូវមានពេលគិតរឿងផឹកស៊ីជួបជុំឡើយ។
២. ឈឺក្ដៅគ្រុនរងាមានប្ដីជាពេទ្យស្រាប់ហើយ
ចំណុចនេះកាន់តែសំខាន់ នៅពេលរៀបការហើយ គេនឹងក្លាយជាគ្រូពេទ្យប្រចាំគ្រួសារ ពេលមានឈឺថ្កាត់យប់ព្រលប់ មិនចាំបាច់រត់ទៅណាឆ្ងាយ។ គេអាចមើលថែប្រពន្ធកូន ជាទីស្រលាញ់ ព្រមទាំងឪពុកម្ដាយទាំងសងខាង។
៣. គេនឹងក្លាយជាអ្នកថែទាំដ៏ល្អពេលប្រពន្ធមានផ្ទៃពោះ
ពេលដែលស្ត្រីមានផ្ទៃពោះ អ្វីដែលនាងត្រូវការបំផុតពីស្វាមី គឺការផ្ដល់ភាពកក់ក្ដៅ។ ហើយកាន់តែពិសេសនោះបើមានស្វាមីជាពេទ្យ គឺល្អជាទីបំផុត ព្រោះគេមិនត្រឹមតែអាចផ្ដល់នូវភាពកក់ក្ដៅប៉ុណ្ណោះទេ តែគេថែមទាំងមានវិជ្ជាជីវៈដ៏ច្បាស់លាស់។ ដូច្នេះទុកចិត្តចុះ បើមានប្ដីជាពេទ្យហើយនោះ។
៤. និយាយពីរឿងលើគ្រែវិញ គេមានជំនាញណាស់
មិនមែនមានន័យថា គេជំនាញចេះច្រើនក្បាច់អ្វីនោះទេ។ តែមានន័យថាគេយល់ដឹងច្រើន ពីបញ្ហាសុខភាពផ្លូវភេទ ដឹងថាពេលណាគួរ មិនគួរ ចេះយល់ទុក្ខធុរៈរបស់ដៃគូ មិនមែនចេះតែងាកសុំៗឡើយ។
៥. ជាគំរូដល់កូនៗឲ្យរស់នៅរក្សាក្បួនអនាម័យបានយ៉ាងល្អ
ដូចលើកឡើងនៅចំណុចទី១ហើយ គេជាមនុស្សម្នាក់ ដែលតែងតែគិតគូរពីសុខភាពជាចម្បង។ ដូច្នេះហើយការរស់នៅគេតែងប្រកបដោយក្បួនអនាម័យច្បាស់លាស់ មិនថាដេកដើរឈរអង្គុយ គេតែងធ្វើទៅក្បួនពេទ្យ។ គេនឹងបង្រៀនកូនៗ ឲ្យចេះរស់នៅប្រកបដោយផាសុកភាពបំផុត។
៦. ជីវភាពគ្រួសារក៏ល្អប្រសើរ
និយាយពីរឿងប្រាក់ចំណូលវិញ គឺដឹងស្រាប់ហើយ ការជួយសង្គ្រោះអាយុជីវិតមនុស្ស នឹងទទួលបានប្រាក់កម្រៃមកវិញក៏មិនតិចដែរ។ ថ្វីត្បិតត្រូវចំណាយអស់រាប់ពាន់លើការសិក្សា តែក្រោយរៀនចប់គេអាចក្លាយជាគ្រូពេទ្យប្រចាំមន្ទីរពេទ្យធំៗ អាចក្លាយជាឱសថការី ទៅតាមជំនាញដែលពួកគេបានសិក្សា៕
