- 2018-10-31 04:51:18
- ស្នេហា
ពេល Date គ្នាថ្ងៃដំបូងជាមួយ Crush ហាមធ្វើចរិត៥យ៉ាងនេះ ប្រយ័ត្នគេអស់អារម្មណ៍
- 2018-10-31 04:51:18
- ចំនួនមតិ 0 | ចំនួនចែករំលែក 0
ពេល Date គ្នាថ្ងៃដំបូងជាមួយ Crush ហាមធ្វើចរិត៥យ៉ាងនេះ ប្រយ័ត្នគេអស់អារម្មណ៍
ចន្លោះមិនឃើញ
ទម្រាំឈានដល់ថ្ងៃណាត់ជួបគ្នា ជាមួយមនុស្សដែលយើងប៉ងចង់បានគេជាគូស្នេហ៍ មិនមែនជារឿងងាយស្រួលឡើយ។ ដូច្នេះហើយ សូមធ្វើយ៉ាងណា កុំថ្ងៃជួបគ្នាលើកដំបូង បែរជាសោះកក្រោះ ឬក្រោយលាគ្នាទៅផ្ទះទាំងមិនសប្បាយចិត្ត។ ខាងក្រោមនេះជារឿងមិនគួរធ្វើទាំង៥យ៉ាង ពេលណាត់គ្នាជាមួយ Crush ចែករំលែកដោយយុវជនមួយចំនួនធ្លាប់ឆ្លងកាត់ការណាត់គ្នាជាមួយគូស្នេហ៍លើកទី១៖
១.កុំនិយាយបែកអូរស្ទឹងពេកចាំស្ដាប់គេវិញល្អជាង
យកល្អពេលណាត់ជួបគ្នាថ្ងៃដំបូង មិនបាច់និយាយច្រើនពេកទេ ព្រោះអាចធ្វើឲ្យគេធុញ ហើយគេអាចគិតថាយើងចង់បាន Attention ខ្លាំង។ អ្វីដែលគួរធ្វើ គឺចាំស្ដាប់គេនិយាយវិញ ហើយជួយបន្ថែមបន្ថយលើសាច់រឿងដែលកំពុងនិយាយ នោះនឹងធ្វើឲ្យបរិយាយកាសកាន់តែរីករាយ និងស្និទ្ធស្នាលគ្នា។
២. កុំគិតតែឈ្ងោកចុចទូរសព្ទ
ចួនកាលមានអ្នកខ្លះគិតថា ចុចមើលទៅឡូយ High តែកាយវិការនេះ បង្ហាញឲ្យឃើញថា យើងមិនយកចិត្តទុកដាក់ចំពោះគេ។ ប្រសិនបើអាចថ្ងៃដែលណាត់ជួបគ្នាលើកដំបូង គួរទុកទូរសព្ទឲ្យឆ្ងាយពីដៃផ្ដោតអារម្មណ៍លើតែគេម្នាក់បានហើយ។
៣. កុំជីជីកសួរគេច្រើនពេកពីជីវិតឯកជន
ស្គាល់គ្នាដំបូងៗយើងប្រាកដជាចង់ស្គាល់ប្រវត្តិគេឲ្យបានច្រើន ជាហេតុធ្វើឲ្យអ្នកខ្លះសួរចាក់ឬស ចាក់គល់។ សំណួរខ្លះមិនទាន់គួរចង់ដឹងពេលជួបគ្នាដំបូងៗឡើយ ដូចជាប្រាក់ខែ ស្ថានភាពគ្រួសារ អតីតកាលរបស់គេ។ល។ ត្រឹមសួរពីការសិក្សា ពីបងប្អូន ពីចំណង់ចំណូលចិត្ត គឺល្មមសមរម្យ។
៤. កុំមើលលើមើលក្រោម
ចំណុចនេះកាន់តែជៀសវាងថែមទៀត បើទោះបីជាគេតែងខ្លួនស្អាត ឬមិនស្អាត High ឬមិនHigh មិនគួរសម្លឹង គយគន់ពេកទេ។ យើងកុំទាន់យកចិត្តទុកដាក់ និងវាយតម្លៃលើការតែងខ្លួនរបស់គេឲ្យសោះ ព្រោះអាចធ្វើគាត់ ឬនាង មានអារម្មណ៍ខ្មាសអៀន។ អ្វីគួរធ្វើ គឺប្រើក្រសែភ្នែកដ៏មុតស្រួចរបស់យើងពង្រាយមន្តស្នេហ៍លើគេវិញ។
៥. កុំឲ្យគេចេញលុយម្នាក់ឯង
បើទោះបីជាគេមានចេតនាចង់ Pay ក៏យើងមិនគួរបង្ហាញទឹកមុខត្រេកអរខ្លាំង ពេលលឺថាចេញលុយដែរ គួរតែជួយចេញគេដែរទៅ។ យើងត្រូវចេះគួរសម បង្ហាញឲ្យឃើញថា មិនមែនចង់ឲ្យគេចេញលុយម្នាក់ឯងទេ បើគេមិនព្រមចង់ចេញ នោះសឹមគិតតាមជាក់ស្ដែងចុះ៕
