មកមើលវីដេអូ ព្រះនាងជប៉ុន Ayako គ្រងរ៉ូបត្បាញពីសូត្ររបស់កម្ពុជា ថ្ងៃរៀបអភិសេក

2018-11-02 03:45:58
ស្នេហា

2018-11-02 03:45:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ព្រះនាង Ayako បានរៀបអភិសេកជាមួយជនសាមញ្ញម្នាក់ នារដូវស្លឹកឈើជ្រុះនេះ ហើយបោះបង់រាជសម្បត្តិ និងចាកចេញពីគ្រួសាររាជវង្ស។ អ្វីដែលគួរឲ្យភ្ញាក់ផ្អើលនោះ អតីតព្រះនាងជប៉ុន Ayako ជាកូនស្រីបងប្អូនជីដូនមួយអធិរាជជប៉ុន Akihito បានសម្រេចជ្រើសរើសយកសូត្រត្បាញនៅកម្ពុជា ធ្វើជារ៉ូបយ៉ាងស្រស់ស្អាត គ្រងក្នុងពិធីជប់លៀងរៀងអភិសេករបស់ទ្រង់ កាលពីថ្ងៃទី៣០ ខែតុលាកន្លងទៅ។

សូត្រពណ៌ផ្កាឈូកនេះ ជារបស់អ្នកស្រី Kimie ម្ដាយរបស់ Ayako។ រ៉ូបមួយនេះ គឺច្នៃពីក្រណាត់សូត្រត្បាញនៅប្រទេសកម្ពុជា ដែលអ្នកស្រី បានទទួលកាដូសូត្រនោះ ពីអង្គការកុមារគ្មានព្រំដែន (Kokkyo naki Kodomotach) កាលពីឆ្នាំ ២០១៤។

ថ្មីៗនេះ សារព័ត៌មានរបស់ជប៉ុន Nippon TV News24 Japan បានចេញវីដេអូខ្លីមួយ រៀបរាប់ពីការគ្រងឈុតរ៉ូបត្បាញពីសូត្ររបស់កម្ពុជា។ សូមទស្សនាខាងក្រោមនេះ៖

ព្រះនាង Ayako គឺជាបុត្រីរបស់ព្រះអង្គម្ចាស់ Takamado ដែលបានសុគតនៅក្នុងឆ្នាំ២០០២ និងជាភគនីយោ (បងប្អូនជីដូនមួយប្រុស) របស់អធិរាជ Akihito ។

ស្វាមីរបស់ទ្រង់ គឺលោក Kei Moriya ដែលមានអាយុ៣២ឆ្នាំ ធ្វើការនៅក្នុងក្រុមហ៊ុនដឹកជញ្ជូនជប៉ុន NKY Line។ យ៉ាងណាមិញ ព្រះនាង Ayako និង លោក Moriya បានជួបគ្នាមិនដល់មួយឆ្នាំមុន តាមរយៈគ្រួសារដែលធ្វើការនៅអង្គការ NGO ជាមួយគ្នា។ មាតារបស់ព្រះនាង Ayako សង្ឃឹមថាការណែនាំនេះ នឹងជំរុញឲ្យបុត្រីរបស់ទ្រង់ ចូលរួមនៅក្នុងផ្នែកសុខុមាលភាពកុមារទូទាំងពិភពលោក ប៉ុន្តែទំនាក់ទំនងរបស់ ព្រះនាង Ayako និង លោក Moriya ក្លាយជាស៊ីជម្រៅយ៉ាងរហ័ស៕