- 2018-11-02 08:44:54
- សេដ្ឋកិច្ច
ថៃ ជាប់លេខ២៧ កន្លែងល្អបំផុតសម្រាប់ចាប់ផ្ដើមអាជីវកម្ម ខណៈវៀតណាម និងកម្ពុជា ហាក់ឃ្លាតឆ្ងាយ
- 2018-11-02 08:44:54
- ចំនួនមតិ 0 | ចំនួនចែករំលែក 0
ថៃ ជាប់លេខ២៧ កន្លែងល្អបំផុតសម្រាប់ចាប់ផ្ដើមអាជីវកម្ម ខណៈវៀតណាម និងកម្ពុជា ហាក់ឃ្លាតឆ្ងាយ
ចន្លោះមិនឃើញ
យោងតាមការព្យាករណ៍សេដ្ឋកិច្ចថ្មីរបស់ធនាគារពិភពលោក ឲ្យដឹងថា ថៃ បានជាប់ចំណាត់ថ្នាក់លេខ២៧ ជាប្រទេសដែលងាយស្រួលបំផុតក្នុងការចាប់ផ្ដើមអាជីវកម្ម។
របាយការណ៍ Doing Business 2019 ដែលបានចេញផ្សាយកាលពីថ្ងៃពុធ ទី៣១ ខែតុលា ឆ្នាំ២០១៨ កន្លងទៅនេះបង្ហាញថា ថៃ ទទួលពិន្ទុសរុប ៧៨,៤៥ ផ្ដល់ភាពងាយស្រួលក្នុងការចាប់ផ្ដើមអាជីវកម្មនៅក្នុងប្រទេស ដែលមានសូចនាករដូចជា ទម្រង់ និងការចំណាយសម្រាប់ចាប់ផ្ដើមក្រុមហ៊ុន, ការអនុញ្ញាត, ឧបករណ៍ប្រើប្រាស់, សិទ្ធិកម្មសិទ្ធិ, ឥណទាន និងទីផ្សារការងារ។
គួរបញ្ជាក់ថា ពិន្ទុនេះត្រូវបានគណនាដោយសូចនាករចំនួន៤១ លើសំណុំនៃលក្ខណៈវិនិច្ឆ័យសេដ្ឋកិច្ច។ ថៃ បានរីកចម្រើនគួរឲ្យកត់សម្គាល់ ចាប់តាំងពីប្រទេសនេះជាប់ចំណាត់ថ្នាក់លេខ៤៦ ក្នុងឆ្នាំ២០១៧ ហើយឥឡូវនេះមានចំណាត់ថ្នាក់ល្អជាងប្រទេសសេដ្ឋកិច្ចកំពូលៗ ដូចជា ជប៉ុន (លេខ៣៩) និង ចិន (៤៦) ទៀតផង។
ទោះជាយ៉ាងណាក៏ដោយ ប្រទេសនូវែលហ្សេឡង់, សិង្ហបុរី, ដាណឺម៉ាក, ហុងកុង និងកូរ៉េខាងត្បូង បានជាប់ចំណាត់ថ្នាក់កំពូលទាំង៥ ចាប់តាំងពីឆ្នាំ២០១៥ មកម្ល៉េះ។ ក្រៅពីនេះ ម៉ាឡេស៊ី បានឈរនៅចំណាត់ថ្នាក់លេខ១៥, វៀតណាម លេខ៦៩, ឥណ្ឌូនេស៊ី លេខ៧៣, ឥណ្ឌា លេខ៧៧ ខណៈ កម្ពុជា លេខ១៣៨ ដោយទទួលបានពិន្ទុត្រឹមតែ ៥៤,៨០ ប៉ុណ្ណោះ៕
ចុចអាន៖