- 2018-11-06 07:04:21
- ព័ត៌មាន
ជាងធ្វើកង់ មិនបោះបង់ក្តីស្រមៃ ខំប្រឹងរៀនរហូតទទួលបរិញ្ញាបត្រផ្នែកច្បាប់ នៅអាយុ៦៩ឆ្នាំ
- 2018-11-06 07:04:21
- ចំនួនមតិ 0 | ចំនួនចែករំលែក 0
ជាងធ្វើកង់ មិនបោះបង់ក្តីស្រមៃ ខំប្រឹងរៀនរហូតទទួលបរិញ្ញាបត្រផ្នែកច្បាប់ នៅអាយុ៦៩ឆ្នាំ
ចន្លោះមិនឃើញ
កាលពីខែតុលាកន្លងទៅនេះ ជាងធ្វើកង់មកពីភាគច្រើនត្បូងប្រទេសវៀតណាមម្នាក់ បានសម្រេចក្ដីសុបិនរបស់ខ្លួន ទទួលបរិញ្ញាបត្រផ្នែកច្បាប់ និងធ្វើឲ្យមនុស្សជាច្រើនមានការភ្ញាក់ផ្អើលយ៉ាងខ្លាំង។
លោក Hoang Tien Mai ឥឡូវនេះកំពុងមមាញឹកទទួលភ្ញៀវនៅផ្ទះរបស់ខ្លួន ស្ថិតក្នុងទីក្រុង Tuy Hoa ខេត្ត Phu Yen ដោយពួកគេបានមកអបអរសាទរចំពោះលោក ដែលទទួលបានបរិញ្ញាបត្រផ្នែកច្បាប់ កាលពីដើមខែតុលា និងកោតសរសើរចំពោះភាពជោគជ័យរបស់បុរសម្នាក់ ដែលបានបោះបង់ចោលការសិក្សាពាក់កណ្ដាលទី ប៉ុន្តែចង់បានចំណេះដឹងផ្នែកច្បាប់តាំងពីពេលនោះមក។
លោក Mai បានរំលឹករឿងរ៉ាវកាលពីមុន ដែលធ្វើឲ្យលោកបោះបង់ការសិក្សាចោលថា បន្ទាប់ពីឪពុកបានស្លាប់ទៅ ម្ដាយរបស់លោកចាប់ផ្ដើមធ្វើកង់ដើម្បីផ្គត់ផ្គង់គ្រួសារ។ ខណៈពេលដែលម្ដាយរបស់លោកព្យាយាមរកលុយ ដើម្បីបង់ថ្លៃសិក្សាមហាវិទ្យាល័យ ការរកចំណូលដ៏លំបាក និងជំងឺរបស់ម្ដាយ បានបង្ខំឲ្យលោក Mai បោះបង់ការសិក្សាតែម្ដង។ ចាប់តាំងពីពេលនោះមក លោក Mai ក៏បានចាប់ជំនាញធ្វើកង់ដែរតែម្ដង។
នៅអាយុ ៤២ឆ្នាំ ជាងធ្វើកង់រូបនេះបានស្នើសុំចូលរៀនថ្នាក់បរិញ្ញាបត្រផ្នែកច្បាប់ក្រៅម៉ោង ប៉ុន្តែការចុះឈ្មោះចូលរៀនត្រូវបានច្រានចោល ដោយសារតែកម្មវិធីនោះគឺសម្រាប់មន្ត្រីរដ្ឋាភិបាលដែលធ្វើការងារផ្នែកច្បាប់ប៉ុណ្ណោះ។
រយៈពេល ២៣ឆ្នាំក្រោយមក ពោលគឺនៅក្នុងឆ្នាំ២០១៤ លោក Mai ក៏មានឱកាសចូលរៀនផ្នែកច្បាប់ ដែលផ្ដល់ដោយសាកលវិទ្យាល័យ Hue University ក្នុងប្រទេសវៀតណាម។ រហូតមកដល់ពេលនេះ ទើបលោក Mai ដែលមានអាយុ ៦៩ឆ្នាំ បានទទួលបរិញ្ញាបត្រផ្នែកច្បាប់ សមតាមបំណងប្រាថ្នា៕
ចុចអាន៖