- 2018-11-06 07:18:05
- ស្នេហា
ប្រុសៗដល់អាយុ៣០ឆ្នាំ ចាំយកប្រពន្ធល្អបំផុត ព្រោះហេតុផល៧យ៉ាងនេះ
- 2018-11-06 07:18:05
- ចំនួនមតិ 0 | ចំនួនចែករំលែក 0
ប្រុសៗដល់អាយុ៣០ឆ្នាំ ចាំយកប្រពន្ធល្អបំផុត ព្រោះហេតុផល៧យ៉ាងនេះ
ចន្លោះមិនឃើញ
ការសម្រេចចិត្តបញ្ចប់ភាពនៅលីវរបស់មនុស្សម្នាក់ គឺមានកត្តាច្រើនយ៉ាង អាស្រ័យលើបុគ្គលផ្ទាល់ ដែលយល់ច្បាស់ពីខ្លួនឯង។ និយាយពីបុរសវិញ អ្នកខ្លះពេលចាប់ផ្ដើម មានការងារធ្វើ ក៏នឹកចង់ចាប់ផ្ដើមជីវិតគ្រួសារ និងខ្លះទៀតរៀបការទាំងវ័យក្មេង ព្រោះតែការសម្រេចចិត្តរបស់ពួកគេ។ ខាងក្រោមនេះ គ្រាន់តែគំនិតមួយជ្រុង អំពីហេតុផលដែលបុរសៗគួររៀបការនៅអាយុ៣០ឆ្នាំ ប៉ុន្តែមិនមែនមានន័យថា វាពិតជាហេតុផលជាក់លាក់ត្រឹមត្រូវ១០០%ទេ គ្រាន់តែជាការចែករំលែកដើម្បីយកទៅពិចារណាប៉ុណ្ណោះ។
១. ចាកផុតពីបញ្ហាយុវវ័យច្រើន
យុវវ័យបច្ចុប្បន្នច្រើនតែខូចចិត្តរឿងស្នេហា ជួបហើយបែក ព្រោះស្ថិតនៅក្នុងវ័យមួយ មានភាពក្មេងខ្ចីផ្នែកផ្លូវចិត្ត។ ប៉ុន្តែនៅពេលដែលរង់ចាំ ចាស់ចិត្ត ចាស់គំនិត ទើបរកដៃគូអនាគត នោះមិនហត់ចិត្ត ខូចចិត្តច្រើនលើកច្រើនសារ ជាមួយជីវិតជាយុវវ័យ។
២. មនុស្សប្រុសស្អាតបំផុត ស្អាតបែបចាស់ទុំ គឺនៅអាយុ៣០
ភាពស្រស់ស្អាតរបស់មនុស្ស មិនមែនសំដៅតែលើរូបរាងឡើយ តែត្រូវស្អាតទាំងក្នុង និងក្រៅ មានន័យថា ស្អាតទាំងកាយ និងចិត្តគំនិតជ្រៅជ្រះ ម៉ឺងម៉ាត់ រឹងមាំ ស័ក្ដិសមជាសុភាពបុរស។ បុរសដែលច្បាស់លាស់លើគ្រប់បែបយ៉ាង និងពោរពេញទៅដោយចិត្តដ៏នឹងន ប្រកបដោយចំណេះដឹងជ្រៅជ្រះ គឺនៅក្នុងវ័យ៣០ឆ្នាំនេះ។
៣. មានភាពរឹងមាំ និងច្បាស់លាស់ក្នុងរឿងគ្រួសារ
ភាពក្មេងខ្ចីខ្លាំងពេក ច្រើនតែបរាជ័យក្នុងជីវិតគ្រួសារ ព្រោះតែចិត្តក្ដៅ ចិត្តឆេវឆាវ ទៅតាមអាយុរបស់គេ។ បើចាំអាយុច្រើនបន្តិច ទើបបង្កើតគ្រួសារ មានបទពិសោធន៍ជីវិតច្រើន មានមូលដ្ឋានរកដំណោះស្រាយច្រើន ប្រកបដោយសុភវិនិច្ឆ័យ។
៤. មានពេលវេលារីករាយនឹងជីវិតផ្ទាល់ខ្លួនបានច្រើន
ទទួលស្គាល់ថា មនុស្សម្នាក់ៗមិនអាចគេចផុត ពីការបង្កើតគ្រួសារបានឡើយ តែក៏មិនគួរប្រញាប់ពេកដែរ គួរប្រើជីវិតជាយុវវ័យ ធ្វើអ្វីដែលខ្លួនគិតថាធ្វើ និងសំខាន់បំផុតសម្រាប់ជីវិតខ្លួនឯង។ ក្រោយរៀបការហើយ មានរឿងរ៉ាវជាច្រើនដែលត្រូវប្រឈម ព្រោះមិនមែនមានតែខ្លួនមួយដូចពីមុនទៀតឡើយ។
៥. ស្គាល់ច្បាស់ពីមនុស្សស្រីដែលត្រូវបន្តជីវិតជាមួយ
ជាចំណែកមួយធ្វើឲ្យជីវិតគ្រួសារជោគជ័យ ប្រសិនបើអ្នកជ្រើសរើសមនុស្សត្រូវ មករួមដំណើរក្នុងជីវិត។ ស្នេហាដែលអ្នកបង្កើតនៅវ័យនេះ គឺជាស្នេហាច្បាស់លាស់ ប្រាកដប្រជា ជាមួយមនុស្សដែលអ្នកស្គាល់ច្បាស់បំផុត តាំងពីចិត្តគំនិត ចរិយាមារយាទ ចំណុចល្អ ចំណុចអាក្រក់របស់គេ ទើបអ្នកជ្រើសរើសយកម្នាក់នោះ។
៦. មានស្ថានភាពសេដ្ឋកិច្ចរឹងមាំ
ប្រើជីវិតនៅលីវយូរ អ្នកមានពេលកសាងអនាគតរបស់ខ្លួនឯងបានវែងឆ្ងាយ មានឱកាសកសាងសមត្ថភាពកាន់តែខ្លាំង ស្វែងរកបទពិសោធន៍ និងមានឱកាសសន្សំប្រាក់ ដើម្បីបង្កើតគ្រួសារមួយដ៏រឹងមាំ។
៧. មនុស្សប្រុសវ័យ៣០ឆ្នាំ មានមន្តស្នេហ៍ទាក់ទាញបំផុត
បុរសស្អាតបែបចំណាស់ គឺមានភាពទាក់ទាញបំផុត មិនត្រឹមតែធ្វើឲ្យនារីលង់នឹងសម្រស់ប៉ុណ្ណោះទេ តែថែមទាំងលង់នឹងចរិតលក្ខណៈ និងភាពចាស់ទុំ។ ប្រសិនបើចូលស្ដីដណ្ដឹងកូនក្រមុំគេ ខាងស្រីនឹងពេញចិត្តបំផុត បើបុរសម្នាក់នោះ មានទាំងចំណេះ ការងារក៏ល្អ ចរិតឬកពារក៏ល្អ៕
