- 2018-11-07 03:51:33
- ព័ត៌មាន
មកដឹងទម្លាប់ចម្លែក គួរឲ្យភ្ញាក់ផ្អើលទាំង ៥ របស់ម្ចាស់ក្សត្រីអង់គ្លេស
- 2018-11-07 03:51:33
- ចំនួនមតិ 0 | ចំនួនចែករំលែក 0
មកដឹងទម្លាប់ចម្លែក គួរឲ្យភ្ញាក់ផ្អើលទាំង ៥ របស់ម្ចាស់ក្សត្រីអង់គ្លេស
ចន្លោះមិនឃើញ
ជួនកាល ទម្លាប់ និងសកម្មភាពរបស់អ្នកដទៃ អាចធ្វើឲ្យយើងសើច ហើយគិតថាគេនោះជាមនុស្សចម្លែក។ ប៉ុន្តែមនុស្សម្នាក់ៗតែងតែមានទម្លាប់រៀងៗខ្លួន ដោយទម្លាប់ខ្លះអាចជារឿងចម្លែក ឬគួរឲ្យអស់សំណើចជាដើម។
យ៉ាងណាមិញ ម្ចាស់ក្សត្រីអង់គ្លេស Queen Elizabeth II ក៏មានទម្លាប់មួយចំនួន ដែលអាចធ្វើឲ្យអ្នកគិតថាជារឿងចម្លែកផងដែរ។
#១ ទ្រង់មិនដែលយាងទៅណា ដោយគ្មានកញ្ចប់ឈាមរបស់ទ្រង់តាមព្រះកាយឡើយ
រាល់ពេលទ្រង់យាងទៅណាម្តងៗ តែងតែមានអ្នកឯកទេសផ្នែកវេជ្ជសាស្ត្រម្នាក់ក្នុងចំណោមមនុស្សដែលអមដំណើរជាច្រើនផ្សេងទៀត។ វេជ្ជបណ្ឌិត ដឹងពីទីតាំងមន្ទីរពេទ្យដែលនៅជិតៗទាំងអស់នៅក្នុងទីក្រុងដែលធ្វើដំណើរទៅ។ មិនតែប៉ុណ្ណោះ ម្ចាស់ក្សត្រីក៏ត្រូវយកថ្នាំបង្ការរោគ និងថ្នាំសង្គ្រោះបន្ទាន់ចល័តទៅជាមួយផងដែរ។ ក្រៅពីនោះ គ្រូពេទ្យក៏មានកញ្ចប់ឈាមផ្ទាល់ខ្លួនរបស់ទ្រង់ ដែលនឹងត្រូវប្រើសម្រាប់ការចាក់បញ្ចូលឈាមប្រសិនបើចាំបាច់។
#២ ទ្រង់ហាមឃាត់មិនឲ្យបើកបង្អួចរាជវាំង
បង្អួចនៅរាជវាំង Buckingham Palace មួយចំនួនត្រូវបានហាមមិនឲ្យបើកឡើយ ព្រោះអគាររាជវាំងត្រូវតែមើលមកល្អឥតខ្ចោះពីខាងក្រៅ។ ការបើកបង្អួចនៅផ្នែកខាងមុខអាចនឹងធ្វើឲ្យអគារបាត់បង់សោភ័ណភាព។
#៣ ទ្រង់មិនសព្វព្រះរាជហឫទ័យដុំទឹកកកជ្រុង
ទ្រង់មិនសព្វព្រះរាជហឫទ័យ សំឡេងដុំទឹកកកជ្រុងនៅក្នុងកែវឡើយ ដូច្នេះទើបទ្រង់ប្រើដុំទឹកកកមូលជំនួសវិញ ដោយសារតែវាមានសំឡេងបែបតន្ត្រី និងពិរោះជាង។
#៤ ទ្រង់ស្ពាយទំពក់ព្យួរចល័តនៅក្នុងកាបូបតាមព្រះកាយ
ទ្រង់ដាក់ទំពក់នេះនៅក្រោមតុដើម្បីព្យួរកាបូប។ វាមានមូលហេតុពិសេស ព្រោះទ្រង់បញ្ជូនសារទៅកាន់អ្នកបម្រើតាមរយៈកាបូបរបស់ទ្រង់។ ឧទាហរណ៍ ប្រសិនបើទ្រង់ដាក់កាបូបនៅលើដី វាជាសញ្ញាបញ្ជាក់ថា ទ្រង់ចង់ចាកចេញ។ ប៉ុន្តែកាបូបព្យួរនៅលើទំពក់ មានន័យថា ទ្រង់សព្វព្រះរាជហឫទ័យចំពោះអ្វីដែលទ្រង់កំពុងធ្វើ។
#៥ ទ្រង់ប្រើលេខសម្គាល់សំលៀកបំពាក់ទាំងអស់របស់ទ្រង់
រាល់សំលៀកបំពាក់របស់ទ្រង់ទាំងអស់សុទ្ធតែមានលេខសម្គាល់ និងកំណត់ត្រាជាក់លាក់ នៅក្នុងការធ្វើដំណើរ ដែលកត់ត្រាពីទីកន្លែង និងពេលវេលា ដែលទ្រង់បានគ្រងសំលៀកបំពាក់នោះ។ មូលហេតុសំខាន់ គឺទ្រង់មិនអាចគ្រងសំលៀកបំពាក់ដដែលៗ ឬមានពណ៌ដូចគ្នាឡើយ ជាប់ៗគ្នាឡើយ៕
ចុចអាន៖