- 2018-11-12 10:18:56
- ជំនឿ
ព្រឺក្បាលខ្ញាកៗ! មុនក្លាយជាទូកដ៏អស្ចារ្យគ្មាន២លើលោក ត្រូវធ្វើពិធីសាសនាច្រើនដល់ម្ល៉ឹង
- 2018-11-12 10:18:56
- ចំនួនមតិ 0 | ចំនួនចែករំលែក 0
ព្រឺក្បាលខ្ញាកៗ! មុនក្លាយជាទូកដ៏អស្ចារ្យគ្មាន២លើលោក ត្រូវធ្វើពិធីសាសនាច្រើនដល់ម្ល៉ឹង
ចន្លោះមិនឃើញ
មុននឹងក្លាយជាទូកដ៏ល្អឯក មានក្បូរក្បាច់រចនាយ៉ាងវិសេសវិសាល ថែមទាំងវែងជាងគេលើលោក ទូកដែលមានឈ្មោះថា «កម្ពោជិកបុត្តាខេមរាតរី» ត្រូវឆ្លងកាត់ពិធីសែនព្រេនជាច្រើន ទើបទម្លាក់ចូលទឹក បង្ហាញខ្លួនជាផ្លូវការនៅព្រឹកថ្ងៃទី១២ ខែវិច្ឆិកា ឆ្នាំ២០១៨ ដើម្បីកត់ត្រាចូល Guinness World Record។
តាមការឲ្យដឹងពីក្រុមការងារផលិតទូកងដ៏អស្ចារ្យនេះ បានប្រាប់ថា ពិធីសាសនាជាច្រើនបានធ្វើឡើងតាំងពីចាប់ផ្ដើមធ្វើរហូតដល់បញ្ចប់។ ពិធីទាំងនោះ មានដូចជា៖
ការរៀបចំសែនព្រេនសុំកាប់ឈើ
ការរៀបចំសែនព្រេន ពេលឈើមកដល់ទីតាំងផលិតទូក
ការរៀបចំសែនព្រេន ដើម្បីសុំធ្វើឈើ
ការរៀបចំសែនព្រេន សុំបើកមុខឈើ
ការរៀបចំសែនព្រេន ពិធីប្រោះព្រំអប់ឈើ ដើម្បីធ្វើទូក
ការរៀបចំសែនព្រេន ដើម្បីសុំតសាច់ឈើតួទូកភ្ជាប់គ្នា
ការរៀបចំសែនព្រេន ដើម្បីសុំរំកិលទូកចុះទឹក
ការរៀបចំសែនព្រេន ទីកន្លែងដើម្បីតម្កល់ទូក
ការរៀបចំសែនព្រេន ដើម្បីបើកភ្នែកទូក
ការរៀបចំសែនព្រេន ដើម្បីអុំសាកល្បង
«កម្ពោជិកបុត្តាខេមរាតរី» បានផលិតឡើងតាមរចនាបថ និងបច្ចេកទេសរបស់កូនខ្មែរ ដោយបានចំណាយពេលអស់៦ខែគិតចាប់តាំងពីខែមេសា រហូតដល់ខែតុលា ឆ្នាំ២០១៨។ ទម្រាំបានក្លាយទូកដ៏ល្អឯកនេះ ត្រូវឆ្លងកាត់ឧបសគ្គរាប់មិនអស់ តែយ៉ាងណាក្ដី ដោយសារកម្លាំងសាមគ្គីពីកូនខ្មែររាប់ពាន់នាក់ ស្នាដៃនេះបានបង្ហាញឲ្យពិភពលោកបានឃើញថា កម្ពុជាពិតជាអាចធ្វើបាន។
«កម្ពោជិកបុត្តាខេមរាតរី» មានបណ្ដោយប្រវែង ៨៧,៣០ម៉ែត្រ បានកត់ត្រាចូលក្នុង Guinness World Record នៅថ្ងៃទី១២ ខែវិច្ឆិកា ឆ្នាំ២០១៨៕
