- 2018-11-13 09:36:10
- ការអប់រំ
កូនៗនឹងទន់ខ្សោយខ្វះភាពក្លាហាន បើឪពុកម្តាយប្រើវិធីសាស្ត្រ៣យ៉ាងនេះ
- 2018-11-13 09:36:10
- ចំនួនមតិ 0 | ចំនួនចែករំលែក 0
កូនៗនឹងទន់ខ្សោយខ្វះភាពក្លាហាន បើឪពុកម្តាយប្រើវិធីសាស្ត្រ៣យ៉ាងនេះ
ចន្លោះមិនឃើញ
ចរិតឫកពារបស់ក្មេងតូចៗ អាចបង្ហាញថាឪពុកម្តាយរបស់ពួកគេប្រៀនប្រដៅតាមរបៀបណា ព្រោះរាល់ទង្វើនិងពាក្យសម្តីបានជះឥទ្ធិពលទៅលើកូនៗ។ មុនពេលឲ្យកូនៗចូលសាលារៀន ឪពុកម្តាយគឺជាគ្រូដំបូងរបស់ពួកគេ ដូច្នេះគួរចេះរៀបចំទុកដាក់ ចំណាយពេលវេលា បង្ហាត់បង្រៀនពួកគេដោយវិធីត្រឹមត្រូវ ហើយជៀសវាងដាច់ខាតនូវការវិធីសាស្ត្រខុស៣យ៉ាងដូចខាងក្រោមនេះ ដើម្បីកុំឲ្យកូនតូចទន់ខ្សោយ អឹមអៀម ខ្វះភាពក្លាហាន។
១. ស្រែកគំហកខ្លាំងៗ
ប្រៀបធៀបជាមួយបុរស ការមើលថែចិញ្ចឹមបីបាច់កូនរបស់មនុស្សស្រីគឺមានភាពស្មុគស្មាញបន្តិច ព្រោះនាងបានធ្វើជាម្តាយផង ប្រពន្ធផង និងអ្នកចាត់ចងសព្វគ្រប់់បែបយ៉ាងក្នុងផ្ទះសម្បែង ដូច្នេះបើបើកូនរឹងរូស មិនស្ដាប់បង្គាប់ នាងនឹងខឹងហើយស្រែកគំហកខ្លាំងៗដាក់។ ពេលនោះហើយ អាចធ្វើកូនតូចបាត់មាត់នៅស្ងៀម ប៉ុន្តែផលប៉ះពាល់នោះគឺពួកគេនឹងមានទម្លាប់មួយ ស្ងៀមស្ងាត់ មិនហ៊ាននិយាយស្តី ងាយទទួលយកអ្វីដែលនៅជុំវិញខ្លួន ធ្វើឫកអៀនៗនិងទន់ខ្សោយខ្លាចគេ។
២. គំរាមកំហែង
ឪពុកម្តាយមួយចំនួន អាងអីនិយាយគំរាមកំហែង រឿងណាដែលគេខ្លាច ឬប្រាប់កូនថាបើមិនស្តាប់បង្គាប់ទេ នឹងធ្វើបែបនេះ បែបនោះ...។ ទង្វើមួយនេះចំពោះកូនៗ ហាក់បីដូចជាការបន្លាចយ៉ាងសាហាវ និងអាចធ្វើឲ្យអារម្មណ៍របស់គេតក់ស្លុត។ ជាពិសេស ក្មេងតូច មើលឃើញពិភពលោកក្នុងផ្លូវចង្អៀត មិនហ៊ានសាកល្បងព្រោះខ្លាចខុស ទាំងដែលពេលខ្លះកំហុសជាបទពិសោធន៍សម្រាប់នាំទៅកាន់ផ្លូវត្រូវនិងការអភិវឌ្ឍន៍ខ្លួនឯង។
៣. ប្រើហិង្សា
របៀបប្រៀនប្រដៅកូនចៅដោយប្រើហិង្សា ដូចជាការវាយដោយរំពាត់ឬរបស់ផ្សេងៗជាវិធីសាស្រ្តរបស់ឪពុកម្តាយកាលពីជំនាន់មុន។ ដល់សម័យឥឡូវ វិធីនេះត្រូវបានគេចាត់ទុកថាចាស់គំរឹលនិងគ្មានលទ្ធផលល្អ។ ការប្រើហិង្សាលើក្មេងតូច បណ្តាលឲ្យប៉ះពាល់ដល់ផ្លូវចិត្តរបស់ពួកគេ ងាយនឹងបាក់ស្បាត និងទន់ជ្រាយ។
ការអប់រំកូនៗ មិនមែនជារឿងងាយឡើយ គឺទាមទារឲ្យឪពុកម្តាយ សិក្សាស្វែងយល់ពីចិត្តរបស់កូនឲ្យបានច្បាស់ ដើម្បីរិះរកវិធីមួយដែលស័ក្ដិសមសម្រាប់ណែនាំពួកគេ។ អាយុប្រែប្រួល អត្តចរិតក្មេងក៏ប្រែប្រួលទៅតាមហ្នឹងដែរ ដូច្នេះធ្វើជាឪពុកម្តាយ គួរជៀសវាងនូវវិធីសាស្រ្ត៣ដែលរៀបរាប់ខាងលើ ហើយជំនួសមកវិញ ដោយការពន្យល់ហេតុផលខុសនិងត្រូវតាមសម្រួល ទើបរឿងចាំបាច់ដែលឪពុកម្តាយត្រូវធ្វើ ៕
ចុចអាន៖
